سكريبت وفي قانون العشق دائما يسقط الكبرياء قتيلا بڼار الشوق

شكرا يا مستر انا تمام ..
ادم بصلها هو اي اللي تمام .. انتي مالك باردة كده ليه انا مش فاهم ايه لازمتها المعاملة دي ..
ريم پحده حضرتك عايزني اعاملك ازاي ! هو اصلا فيه ايه بيني و بينك عشان اروح معاك كافيه او اي حته تانيه ..
ادم ااه انتي بتعاقبيني عشان سيبنا بعض ..
ريم لا طبعا .. دي قسمه و نصيب وانا الحمد لله راضيه .. بس حضرتك اللي لسه بتتعامل كأننا مخطوبين ومش عارف ان دلوقتي مفيش اي صفه بينا تخليك تطلب مني اكل معاك أو اركب معاك العربية او تكلمني اصلا برا حدود الشغل .. بعد اذنك ياريت تفهم ده ونتعامل علي أساسه ..
ادم ياااه كل دي محاضرة عشان قولتلك ناكل سوا .. عموما براحتك ..
ريم مردتش عليه وحطب الهاند فري في ودنها و سرحت مع الطريق .. شوية وكانوا وصلوا عند بيتها ..
ريم شكرا جدا علي التوصيلة .. تصبح علي خير ..
نزلت بسرعه وطلعت علي بيتها .. دخلت اوضتها و غيرت هدومها ونامت علي طول .. أما ادم فضل يلف بالعربية وهو مضايق اوي .. كان هيتجنن من معاملة ريم ليه و نفس الوقت مش عارف هو مضايق ليه و هو مش بيحبها اصلا .. تليفونه رن ...
ادم ايوا مين ..
ندي بدلع انا ندي يا ادم .. وحشتني اوي يا حبيبي .. عايزة اشوفك مۏت ..
ادم ازيك يا ندي .. وانتي كمان وحشتيني ..
ندي بقولك ما تيجي نتقابل دلوقتي في الكافيه اللي كنا بنتقابل فيه زمان .. عايزة اتكلم معاك ..
ادم ماشي شوية و اكون هناك ..
ندي تمام يا قلبي ..
قفلت وقامت لبست بسرعه و هي فرحانه .. خرجت من اوضتها ولقيت امها قاعده ..
الام رايحه فين يا ندي ..
ندي رايحه اقابل ادم يا ماما .. وحشني اوي واخيرا وافق يقابلني من غير ما يجبلي سيرة الزفته إللي إسمها ريم ..
الأم طيب حلو اوي .. ادم بقي معاه فلوس كتير وده المهم .. ناغشيه بقي وفكريه باللي فات ..
ندي هحاول .. يلا باي ..
شوية ووصلت الكافيه وفضلت مستنياه .. لحد ما جه وقعد قدامها ..
ندي ابتسمت ازيك يا ادم ليه مكنتش بترد عليا ..
ادم ابدا يا ندي كنت محتاج شوية وقت بس و عايز ابقي لوحدي ..
ندي ليه بس يا حبيبي .. انت كويس طيب ..
ادم اه كويس .. كنتي عايزة حاجة ..
ندي اه عايزاك انت يا ادم .. انا عارفه ان اللي عملته حاجة صعبه اوي بس صدقني مكنش بمزاجي خالص .. ماما هي اللي ضغطت عليا بس انا بحبك انت .. واظن دلوقتي مبقاش فيه حاجة تمنع اننا نكون سوا ..
ادم لا فيه يا ندي .. ريم .. انا مقدرش اكون اناني بعد كل اللي عملته معايا ..
ندي ازاي بس .. ده ندي منزله علي الفيس انها بقيت سنجل .. معني كده انكوا سيبتوا بعض ..
ادم اتوتر وقال ايوا بس انا حاسس بالذنب عشانها .. هي حبتني بجد ..
ندي طيب ما انا كمان حبيتك بجد بس الفرق انك بتحبني أنا مش هي .. عشان خاطري يا ادم وافق نرجع لبعض .. وافق وانا اوعدك انك هتكون اسعد راجل في الدنيا ..
ادم بصلها ومكنش عارف يقول ايه .. هو بيحب ندي بس فيه حاجة متغيرة جواه .. فيه احساس مش مريح بيحس بيه كل ما يفكر انه يرجع ل ندي ..
ادم بصلها وقال اللي حصل منك مش سهل انساه يا ندي .. انتي كسرتيني ك راجل و اهانتي رجولتي .. ازاي عايزاني انسي بالسهوله دي ..
ندي هعوضك .. صدقني يا ادم انا ندمت واوعدك اني مش هسيبك ابدا ..
ادم بصلها بحيرة .. مكنش عارف يعمل ايه .. غير الموضوع وفضلوا يتكلموا شوية واتصوروا وبعدين مشيوا ..
ادم روح بيته وفضل قاعد ف اوضته بحزن ..
ادم لنفسه معقول من سنتين بس كانت كل حاجه مختلفة و جميلة .. معقول كل حاجه تتغير ١٨٠ ج درجة كده ..
غرق في دوامه ذكرياته ..
فلاااش ..
كان بيتكلم في التليفون مع ندي وهو فرحان ..
ادم بحماس انا مش مصدق اني لقيت شغل تاني .. إن شاء الله اقدر احوش تمن الشبكه واجي اطلبك من مامتك علي طول ..
ندي الحمد لله .. بقولك يا ادم ماما قالتلي ان الشقه مش عجباها وكده ..
ادم ليه بس .. لو علي البياض وكده هجيب حد يجدد البياض و هجيب عفش جديد ..
ندي لا هو ماما بتقول يعني ان الشقه مش باسمك و ورث يينك انت واختك .. ف اختك ممكن تيجي ف يوم وتقول عايزة نصيبي وكده او تقعد معانا علي طول بحجة ان ليها ف الشقه ..
ادم باستغرب ايه اللي بتقوليه ده .. اختي اساسا مش