سكريبت وفي قانون العشق دائما يسقط الكبرياء قتيلا بڼار الشوق

كذا كد لحد ما لقيته ..
ادم والله شكلها بنت حلال .. هي عامله ايه دلوقتي بعد ۏفاة باباها ..
دنيا كانت مدمرة بس بقيت كويسه .. امال فين الأستاذة اللي انت خاطبها ..
ادم في شغلها وهي اللي ودتني للدكتور مع مامتها .. ندي طيبة والله يا دنيا ..
دنيا بس بت هوائية وملهاش شخصية .. ماشيه تبع امها ف كل حاجه ومش بتعرف تقول لا ..
ادم انتي عارفه من ساعه ما باباها طلق مامتها وهي ارتبطت بمامتها اوي لأنها كانت خاېفه هي كمان تسيبها .. ندي كويسه يا دنيا و بتحبني .
دنيا سكتت لأنها عارفه ان اخوها بيحبها والحب مش حاجة بنعرف نتحكم فيها ..
فات اسبوع وندي كانت واقفه قدام المرايا حاطه ميكب ولابسه فستان شيك .. امها دخلت عليها ..
الام خلصي يا بت .. خالتك وابنها بقالهم نص ساعه قاعدين ..
ندي حاضر .. جاية اهو ..
ندي خرجت وانبهرت أما شافت ابن خالتها قاعد ولابس بدلة شيك اوي جزمة ماركة .. قعدت وكانت مكسوفه لحد ما مامتها و خالتها سابوهم لوحدهم ..
احمد ازيك يا ندي ..
ندي ابتسمت الحمد لله انت ازيك ..
احمد الحمد لله .. اي اخبار شغلك .. انتي شغاله جرسونة صح ..
ندي ايوا .. الحمد لله الشغل ماشي ..
احمد طيب قوليلي تحبي الشبكه بتاعتك تبقي دهب و لا سوليتير ..
ندي بانبهار واااو سوليتير .. انت بتتكلم بجد ..
احمد بغرور طبعا .. انتي اول مره تلبسي سوليتير ولا ايه ..
ندي بصراحه اهاا .. هو انت شقتك فين ..
احمد انا عندي شقتين واحده ف مدينتي و واحده في أكتوبر .. اختاري اللي عيزاه ونفرشها ..
ندي اممم طيب حلو اوي .. انا موافقه ..
احمد بلامبالاه عارف .. المهم هنكتب الكتاب علي طول عشان انا مبحبش اضيع وقتي انا ورايا شغل كتير ..
ندي وافقت رغم طريقته السخيفه معاها و انه طول الوقت شايفها غبية ومش بتفهم .. كانوا قاعدين في الصالة بتاعة بيت أحمد وندي ماسكه الموبايل بتختار الوان الشقه ..
ندي الله احمد اللون ده حلو .. اي رأيك نعمله ف اوضه النوم ..
احمد بص للتليفون اي الارف ده .. انتي ذوقك بيئة كده ليه .. هنعمل اي لون تاني انا اختاره ..
ندي بس يا احمد انا كده مختارتش اي حاجه في بيتنا .. انت اللي مختار كل حاجه حتي لون السجاد ..
احمد والله هو ده اللي عندي مش عجبك نفركش الموضوع كله ..
والدة ندي جت علي صوته وقالت لا يا حبيبي موضوع ايه اللي يتفركش بص اعمل اللي انت عايزه انا عارفه ان ندى بنتي زوقها مش قد كده ..
ندى بس يا ماما ..
امها قطعتها وقالت بس ايه .. ابن خالتك عنده حق انتي ايش فهمك اصلا في الالوان هو يا حبيبي ذكي وشاطر واعرف كل حاجه اسكتي انتي بقي ..
ندي سكتت وهي مضايقه ومش مرتاحه بس اضطرت تمشي الدنيا عشان امها عايزة كده ..
خلص اليوم وتاني يوم عند ادم كان طول الاسبوع بيحاول يكلم ندي ومرة ترد عليه و ١٠ مرات لا و بتتلكك طول الوقت بالشغل .. كان مضايق انها بعدت عنه كده .. اخته دخلت عليه الاوضه لقيته مضايق ..
دنيا مالك يا ابني فيه ايه ..
ادم ندي بقالها فترة بعيدة عني ومش بتسأل عليا وأما بكلمها بتقفل بسرعه مش عارف مالها ..
دنيا بتفكير وده حصل امتي ..
ادم بدموع ف عينه من ساعة ما تعبت وحصل اللي حصل .. هي ممكن تكون زهقت مني عشان بقيت عاجز ..
ندي بصتله لا يا حبيبي انت ان شاء الله هتبقي زي الفل .. هي تلاقيها بس مشغولة او مش حابه تشوفك وانت تعبان كده ..
ادم يارب .. انتي لابسه كده ورايحه فين ...
دنيا رايحه اقابل ريم هنخرج شوية .. تيجي معانا 
ادم لا روحي انتي انبسطي ..
دنيا فعلا خرجت و ادم فضل قاعد ماسك الموبايل .. شوية وسمع صوت زغاريط جاية من بيت ندي .. استغرب اوي هيكون اي سبب الهيصه دي .. اتصل ب ندي اتفاجي انها عملتله بلوك ..
احمد يارب ميكونش اللي ف بالي يارب ..
صوت الزغاريط والاغاني علي اوي .. ادم كان عايز يروح يشوف فيه ايه بس مكنش قادر يقف .. اتحامل علي نفسه وقام سند علي الحيطه لحد ما حرج من البيت .. طلع بيت ندي اتفاجي بالماذون قاعد عندهم وبيكتب كتاب ندي علي ابن خالتها ..
ادم پصدمه ايه ده .. اي اللي بيحصل هنا يا ندي ..
ندي اتفاجئت ووقف و هي متلغبطه ومش عارفه تقول ايه .. والدتها قربت منه ..
الام اهلا يا ادم .. انت اكيد عرفت ان انا النهارده كتب كتاب ندي فجيت تبارك لها صح .. الله يبارك فيك يا حبيبي تعالي تعالي لما اسندك