ليتها_تبقي البارت الخامس بقلم آلاء محمد حصريه وجديده

ليتها_تبقي البارت الخامس بقلم آلاء محمد حصريه وجديده 
طلع التليفون وكان بيتصل لكن فجأة ظهر حد من وراه وضربه علي دماغه 
مصطفي!!! انت اي اللي جابك هنا ...
بصلها پغضب وشهد مشيت وراهم من غير ما تتكلم 
عشان كنت عارف انك هتتهوري وتعملي حركه متخلفه ومش محسوبة .. والحمد لله اني جيت ف الوقت المناسب...
وبعدين انت مالك انت !!! مش عندك ضيوف انهارده سيبني وروح لضيوفك يلا 
اولا توطي صوتك وانتي بتتكلمي معايا .. ثانيا انا اصلا مش جاي هنا عشانك انا جاي عشان اساعد شهد بعد ما عرفت اللي حصلها من أية .. وقدامنا 5 دقائق بالظبط ونخرج من هنا لان الشيفت المسائي هيتسلم خلاص .. والا هيمسكونا وساعتها هيبقي دي غلطتك..
و فضل ساكت لحد ما خرجوا برا المستشفي وركبهم معاه ف العربية تحت مقاومه جميلة بس ف الاخر استسلمت وبعدين بص لشهد
حمد لله على السلامه يا شهد..
الله يسلمك يا مصطفي .. بصتلهم هما الاتنين انتوا ازاي متجوزتوش لحد دلوقتي!!!
عشان صحبتك عنيده وبارده ومعندهاش قلب ...
يعجبني فيك قدرتك كل مرة علي قلب الترابيزة وتحويل الموضوع كله عليا ..
يسلام ... ليه يعني !! هو انا اللي فسخت الخطوبة قبل الفرح ب 3 شهور .. ولا انا اللي بعدت عن العائلة كلها و دفنت نفسي ف الشغل و اتعاملت كأن مفيش حاجة حصلت ... دا انتي عملتي موف اون ف أقل من سنه !!!
خلاص انا اللي غلطانه .. لو سمحت نزلنا هنا وروح شوف ضيوفك ..
بصلها باستغراب انتي غيرانه !
وقف العربية وبصلها وضحك هه انا اغير !! لا طبعا !!
اومال مالك مركزة ف موضوع الضيوف ده ليه !!! ما هو يا أما غيرانه يا أما خاېفه علي مصلحتي وعايزة الموضوع يتم...
لا ده ولا ده .. يلا يا شهد هننزل هنا ..
استني بس هننزل فين هنا .. ممكن يا مصطفى توصلنا عند بيت ماما .. فاكره ولا اوصفلك...
فاكره طبعا بس مش هينفع لأن ده اول مكان هيدور عليكي فيه لازم تروحوا مكان محدش يعرفه..
ده اللى هو فين يعني !
بصلها و شاور بعنيه بمعني  
لا طبعا .. ده علي چثتي ..
انا مفهمتش هو فيه المكان !
ضحك وغمز لجميلة بيتنا اللي كنا هنتجوز فيه..
طيب ما ده يبقي حلو اوي ..
قال ببراءة متصنعه عشان كده اقترحتوا مش عشان اي حاجة تاني يعني..
خلاص يا جميلة نروح وهما يومين بس وهمشي اصلا انا عارفه اني حمل عليكي...
بصتلها پغضب انتي متخلفه يا بت انتي .. انا مش بتكلم علي كده .. انا بتكلم اني مش حابه المكان اصلا وانتي كمان مظنش هتحبيه ..
الاااه .. اومال اما كنا بنجهز يعني كنتي فرحانه ومبسوطه والشقه دي الوحيده اللي عجبتك من ضمن 25 شقه شفناهم ..
عادي كنت عيلة صغيرة وتافهه وبرضه مش هروح هناك ابدا ....
After ten minutes 
التلاجه فيها اكل كتير وميه والنسكافيه اللي بتحبيه موجود علي الرخامة اهو .. هتلاقي لبسك ف الاوضه زي ما كنتي رصاه انا مشيلتش حاجة من مكانها ..
كان بيتكلم وهو مبتسم وبيضحك