ليتها_تبقي البارت الخامس بقلم آلاء محمد حصريه وجديده
المحتويات
علي جميلة اللي مكشره ومتغاظه وشهد واقفه جنبها بتبصلها وبتضحك
انا همشي بقي .. اوعوا تفتحوا لأي حد ولا تستخدموا موبايلاتكوا .. انا هكلمكوا علي الارضي..
مشيت وراه لحد الباب وقالت اه يلا روح عشان تلحق الضيوف ..
ابتسموقال بهمس
بالمناسبه دي عزومه شغل مش اكتر والبنت دي بقابلها عشان محتاج حد كويس ف الماركتينج وهي شاطرة مش اكتر .. انا مفيش ف قلبي غير واحده بس ولو اطول همسك دماغها الناشفه دي واكسرها عشان ضيعت علينا احلي سنين عمرنا ف العند والبعد .. صدقيني هعمل كده .. لو اطول اجيب المأذون دلوقتي حالا واخليها مراتي قولا وفعلا هعمل كده .. انا ليكي انتي وبس وانتي ليا انا وبس .. فكري وهستني ردك .. خلي بالك ع نفسك ..
سابها مصدومه ومش بتتحرك ومشي .. هو كده فعلا عرض عليها الجواز تاني .. هو لسه بيحبها !! هو مش المفروض المشاعر دي تكون خلصت خلاص .. مش السنين بتنسي .. طيب هي ليه منسيتش !!! وهو ليه مفقدش الأمل !! الحب ده ليه مخلصش !! ازاي هي مقدرتش تشوف راجل غيره وهو معرفش يكون مع واحده غيرها !! واضح انها كانت غلطانه وحسبت كل حاجة غلط !!
كانوا قاعدين بيشوفوا رد فعله ف البرنامج اللي مستضيفه .. كان مهزوز ومش طبيعي وكل ما المذيعه تواجهه بمعلومه عنه يتلغبط ويكدب اكتر
شهد ايه كل ده !! انتي اللي عملتي كده !!
جميلة طبعا يا بنتي .. كل الفضايح دي انا اللي خليت العيال بتاع السوشيال ميديا ينزلوها والبرامج إياها بصراحه مش بتأثر .. وبتساعد أن الموضوع يولع اكتر ..
شهد عيطت انا مش مصدقه يعني كل ده كان متجوزها من ورايا .. وكمان رامي البنت ف مدرسة داخلية في اخر الدنيا .. حسبي الله ونعم الوكيل..
جميلة اهدي يا حبيبتي .. وعد هجبلك حقك .. صدقيني دي البداية بس لسه فيه فضايح تانيه مستنياه .. اما كنت اضربله شغله وابوظ حياته مبقاش انا جميلة .. وبنتك هترجعلك ..
شهد ازاي بس .. انتي مش سامعه أنه بيقول أنها ف مدرسة داخليه ف سينا ومحدش يعرف عنها حاجة .. انا حتي بيتهيالي اني لو شوفتها مش هعرفها ولا هي هتعرفني ..
جميلة طيب ايه رأيك بقي انا واثقه انك هتعرفيها اول ما تشوفيها .. وبعدين تفتكري دي تفوت علي صحبتك ..
شهد قصدك ايه !
جميلة قصدي أن انا سألت وعرفت مكان المدرسة و كل المعلومات عن بنتك .. وعرفت شكلها كمان..
شهد بجد !! بجد يا جميلة!! طيب هي حلوة
جميلة ابتسمت زي القمر ... شبهك اوي علي فكرة .. وعيوطه زيك
شهد مسحت دموعها بس انا مش عيوطه ...
جميلة ضحكت بصوت عالي طبعا اومال...
يعني ايه هربت .. ومين هربها ! اومال انتوا لزمتكوا ايه ..
_رد پألم يا باشا احنا كنا حاطين عنينا دايما عليها وف وقت تبديل الشفتات حد دايما بيكون واقف علي باب الاوضه.. بس المرادي النور فجأة قطع ف قولنا عادي بتحصل بس اما رجع والممرضه دخلت تديها الدوا ملقتهاش ولقينا حسن مرمي علي الارض وحد ضربه علي دماغه ...
ضربه بقوة اكبر لحد ما وقع علي الأرض وحط رجله علي دماغه وقال
اغبيه
متابعة القراءة
