رواية صړخة يتيمه الفصل الخامس بقلم الكاتب سيد داوود المطعني حصريه وجديده

رواية صړخة يتيمه الفصل الخامس بقلم الكاتب سيد داوود المطعني حصريه وجديده 
بقولك امشي اطلعي برة يا عبير وخدي البنت دي معاكي
_ ما تلمي نفسك شوية يا إلهام بدل ما أخلي كرامتك خيشة يتمسح بيها البلاط
عبير بتبص على عبده
_ ما تخلي مراتك تدخل جوة يا عبده ولا انت مش عايز تعرف انا جاية لك عايزة ايه.
عبده بيبص على إلهام بعينه كأنه بيترجاها تدخل جوة لكن مش قادر يكلمها
_ بتبص لي كده ليه انت كمان عايزني أدخل جوة زي ما بتقول الست هانم بتاعت الشاي
عبير اتضايقت من السخرية دي وسابت إيد صابرين واتقدمت خطوتين تلاتة ناحية إلهام بالقلم على وشها وشدتها من شعرها ومشت بيها ناحية الأوضة المفتوحة
_ بتاعت الشاي دي أشرف منك ومن أهلك يا شيطانة يا بنت إبليس..
_ آآآآآء .. سيبي شعري .. سيبي شعري.
عبير دفعت إلهام جوة الأوضة وقفلت الباب وكلمتها بصوت عالي
_ ورحمة أمي وأبويا يا إلهام لو خرجتي من الأوضة من غير ما أنادي عليكي لأخلي وشك كله وأخلص فيكي كل اللي عملتيه في صابرين .. ولية حلوفة مش عايزة غير السك فوق دماغها.
عبير مشيت ناحية عبده اللي واقف مذهول مش مصدق اللي بيحصل ومش قادر يمسك عبير من إيدها أو دراعها علشان يمنعها .. وفي نفس اللحظة خاېف منها ومش عارفها عايزة ايه راح بص على صابرين يكلمها
_ ازيك يا صابرين .. عاملة ايه يا حبيبة خالوو
_ الحمد لله .. أنا كويسة
عبير بتبص له بعين ساخرة
_ دلوقتي اللي افتكرت إنك خالها .. أما انت راجل ناقص بصحيح.
_ من غير غلط يا عبير لو سمحتي.
_ لا غلط ولا صح .. ادخل هات ورقة وقلم واكتب لي اسم أختك نجوى الرباعي في ورقة واكتب لي اسم السچن اللي هي مسجونة فيه.
_ ليه
_ انت مال أهلك اعمل اللي بقول لك عليه وخلاص.
_ اياك تاخدي البنت تزورها .. متخليهاش تشوفها في الموقف الصعب ده.
_ والله ما في أصعب م اللي البنت شافته في بيتك .. الله ېخرب بيت مراتك وبيتك.
_ ما قلت لك بلاش غلط يا عبير.
_ يا سيدي ع الصوت العالي .. كنت اعمل دكر على مراتك اللي طفشت أخوك .. وطفشت أختك .. وطفشت بنت أختك.
عبده اتكسف
_ أخويا طفش لوحده .. وأختي مفيش حد قال لها تمضي على ايصالات أمانة وبنت أختي أهي زي الفل.
_ ماشي يا شملول .. ادخل هات لي الورقة
_ اعرف الأول هتعملي بيها ايه
_ انت حمار يا عبده يعني هكون عايزة البيانات دي علشان أؤذي أختك أكيد هساعدها.
وانا مش هجيب ورقة ولا قلم غير اما أعرف هتعملي ايه
_ انت زي مراتك .. الحاجة اللي فيها خير لأختك مش عايز تعملها.
عبير تبص ل عبده بكل ڠضب وتضربه على صدره بكف إيدها اليمين مقلوبة
_ ادخل يا عبده اعمل اللي قلت لك عليه بدل ما أخلي نهارك طين زي عيشتك مع إلهام بالظبط.
عبده واقف مهزوز .. خاېف بيبص لها
_ يعني خير يا عبير .. خير
_ أيوة خير يا خويا .. غور يلا
عبده دخل جوة يجيب ورقة وقلم
عبده كتب اسم أخته نجوى الرباعي في الورقة وكتب اسم السچن اللي هي فيه وأعطى الورقة لعبير.
_ مش هتقولي لي هتتصرفي ازاي يا عبير
_ لو حاسة انك مهتم بأختك .. كنت قلت لك يا عبده..
_ انتي بتتكلمي ازاي أكيد مهتم بأختي طبعا.
عبير بتبص له بحسرة وأسى
_ اه ما اهو