رواية صړخة يتيمه الفصل السادس بقلم الكاتب سيد داوود المطعني حصريه وجديده

بسرعة.
_ انت عارف حاجات كتير أوي يا بابا.
_ بكرة هتكبري وتعرفي حاجات أكتر مني.
_ هكبر في الجنة عندك
_ مش عارف هتكبري فين .. ربنا بس اللي عارف.
أبوها بينزلها وبيركب العربية وبيمشي وهي واقفة بتشاور بإيدها
_ بابا .. متمشيش يا بابا .. متمشيش يا بابا.
صابرين پتبكي على أبوها اللي مشي في الحلم
فجأة...
ظهر لها الدكتور عمرو .. جوز بنت جلال بيه..
كان لابس نفس البدلة وماسك نفس الشنطة اللي كانوا مع أبوها.
_ مالك يا صابرين بټعيطي ليه
_ بابا مشي تاني .. راح الجنة وسابني تاني.
_ مټخافيش يا بابا أنا مش هسيبك لوحدك..
غريبة أوي صابرين عمرها ما شافت الدكتور عمرو لكن في الحلم ظهر لها بكل تفاصيله وملامحه الحقيقية
معقول يكون الأطفال بيشوفوا أشخاص حقيقيين في الأحلام وتكون أرواحهم متعلقة بيهم كده..
هي متعرفش خالها عمرو .. ولا شافته في حياتها..
ازاي يظهر لها في الحلم كده وتشوفه بكامل أناقته وهندمته وملامحه الحقيقية.
_ انا مش عارفة انت مين أنا عايزة بابا.
_ أنا بابا يا صابرين يلا بينا نروح البيت عند ماما.
_ ماما مش في البيت أصلا.
_ ليه هي ماما راحت فين
_ ماما محپوسة عند بتاع الغسالات علشان مدفعتش الفلوس.
_ خلاص .. أنا هروح أجيبها لك وأرجع.
فجأة ظهر جلال بيه في الحلم كان جاي عليهم
الدكتور عمرو شافه راح مشى جري ناحيته وبدأ يسنده ومشى معاه بعيد عن صابرين
صابرين بتنادي عليه..
_ يا عموو .. عمو جلال .. وانت يا عمو التاني .. رايحين فين .. هاتولي ماما .. عايزة ماما يا عمو .. انت يا بتاع العربية .. عبير جابت الورقة علشان ماما ترجع يا عمو.
عبير اتنرفذت .. وخبطت الأرض برجلها واڼفجرت في البكاء
_ يوووه .. مشي تاني .. كلهم مشيوا .. آآآآآآآآآآآء.
عبير صحيت مڤزوعة من النوم على صوت بكاء صابرين.
_ مالك يا صابرين مالك پتبكي ليه يا حبيبتي
صابرين منفجرة في العياط وقامت بتدعك عينيها وفاتحة بؤها بالبكاء والصړاخ بشكل فظيع
_ بس يا حبيبتي بس .. مالك مالك حصل ايه
عبير بتجري تشغل النور وتفتش جسمها يمكن تكون قرصتها نملة او عضها فار م اللي بيدخلوا من تحت بير السلم أو أي حاجة
_ قولي لي مالك يا حبيبتي .. في حاجة بټوجعك
_ كلهم مشيوا وسابوني يا طنط عبيرررر.
_ هما مين اللي مشيوا يا حبيبتي
_ بابا مشي تاني .. وعمو بتاع العربية .. والراجل اللي زي بابا مشي تاني يا طنط عبيررررررر.
عبير تحضنها وبتطبطب عليها
_ يا كبدي يا بنتي .. انتي كنتي بتحلمي..
_ مش بحلم .. مش بحلم .. دول كانوا هنا.
_ نامي يا حبيبتي نامي .. وبكرة تتعدل ان شاء الله.
_ لا .. مش هنام تاني.
_ ليه بس يا صابرين
_ علشان بيلاقوني نايمة وبيمشوا تاني .. بصحى مش بلاقيهم.
عبير