البارت_الثالث_عشر رواية_قُدِرَ_لنا_اللقاء الكاتبة_ريهام_أبوالمجد

بدل ما أزعلك.
محمود بخبث بس كدا من عيوني حبيبي.
محمود قربها منه وحضنها من ضهرها وقال مقدرشي أتعصب عليكي يا شروقي بس مش عايزك تلتفتي لحد وأنتي معايا ركزي معايا أنا وبس.
شروق عدلت رقبتها وبصتله وباسته من خده وقالت عندك حق يا حبيبي متزعلشي مني.
محمود باسها من راسها وقال مقدرشي أزعل منك يا جميل.
فضلوا قاعدين سوا قدام البحر ومحمود حضنها من ضهرها وساند راسه على راسها وبعدين شروق بصتله وقالت حبيبي أنت مش جعان
محمود ابتسم وقال واقع من الجوع والله إية رأيك نروح نتغدى سوا
شروق اللي يعجبك يا حبيبي المهم نكون سوا.
محمود قام ومدلها إيده وقومها وراح ناحية عربيته وفتحلها الباب فهي بصت جنبها كدا وضحكت.
محمود اركبي يا حبيبتي واقفة ليه
شروق بحماس محمود نفسي أعمل معاك حاجة كمان كنت بحلم بيها.
محمود وأي هي يا حبيبتي وأنا أعملهالك
شروق شاورت على موتوسيكل كان واقف وقالت نفسي أركب وراك على الموتوسيكل وأعيش الإحساس دا.
محمود ابتسم وقفل باب العربية وقال بس كدا عيوني ليكي أنا هنا عشان أحققلك أحلامك.
بقلمي ريهام أبو المجد 
شروق فرحت اووي وقفزت في حضنه واتعلقت في رقبته وقالت بفرحة حقيقية هااااااي أنا فرحانة اووي ومش مصدقة.
محمود حاوطها من وسطها وقال ربنا يقدرني وأسعدك دايما وأشوف فرحتك دي على طول.
شروق باسته من خده وقالت بحبك يا محمود.
محمود نزلها ولاعب أنفه بأنفها وقال وأنا بعشقك يا قلب محمود.
محمود سابها وراح لصاحب الموتوسيكل وأتكلم معاه وشافته وهو بيعطيه فلوس كتير ورجعلها تاني وقال يلا الموتوسيكل جاهز.
شروق بإستغراب عملت إية!
محمود بضحك مفيش استأجرته منه لباقي اليوم ودفعتله في المقابل.
شروق بس عطيته فلوس كتير.
محمود ابتسم وقال حبيبتي مفيش حاجة ببلاش وبعدين انا الحمد لله مقتدر يبقى أدفع مقابل دا لإني متعودتش أخد حاجة من حد بدون مقابل وحتى لو مش معايا هعمل المستحيل عشان يبقى معايا وأسعدك وأحققلك أحلامك.
شروق حضنته وقالت ربنا ميحرمنيش منك ابدا يا حبيبي.
محمود ابتسم وقال طب يلا عشان نقضي اليوم سوا متنسيش إننا لسه عرسان وفي حاجات كتير لسه معملنهاش.
شروق بكسوف مفيش فايدة مش هتتغير.
محمود ضحك وأخدها من إيدها وركب الموتوسيكل وهي وراه وأول ما أتحرك هي حطت إيديها على أكتافه وهو زود السرعة وأول ما عمل كدا لفت إيديها حوالين وسطه جامد وهو ضحك بخبث فهي أخدت بالها فقالت أبو غلاستك.
محمود ميرسي يا قلبي.
شالت إيدها وقامت وقفت وهو قال پخوف شروق أقعدي لتقعي مفيهاش هزار دي.
شروق بصوت عالي متخافشي يا حبيبي.
شروق فردت إيديها الإتنين والهوا كان بيطير شعرها وقالت بصوت عالي بحبك يا محمود بحبككككككككك.
محمود ضحك من قلبه وقال بصوت عالي بعشقك يا شروقي.
شروق قعدت تاني ولفت إيديها ببطء حوالين وسطه وهو غمض عيونه للحظة عشان يستمتع بلمساتها لية وبعدين طلعت إيديها ببطء لصدره وسندت راسها على ضهره وغمضت عيونها وهو رجع راسه وسندها على راسها.
شروق كان نفسي أعمل كدا من زمان. 
محمود لو أعرف كنت أنا اللي أخدتك من إيدك وعملنا كدا بصي أنا هبيع العربية وأجيب موتوسيكل.
بقلمي ريهام أبو المجد 
شروق ضحكت وقالت طب 
شروق حطت إيدها على خده وقالت حبيبي.
محمود سبيني يا شروقي أنا مرتاح كدا.
شروق حطت إيدها على راسه 
جالهم إتصال فشروق قالت بهمس محمود التليفون بيرن.
محمود سيبك منه.
شروق بعدت عنه وقالت لا رد يلا.
محمود بغيظ دا أنتي ما بتصدقي مش عارف هاكلك يعني
شروق ضحكت وقالت طب رد وبطل لماضة عشان أقفلك باقي الزراير.
محمود رفع السماعة وهي قربت منه وبتقفل باقي الزراير وهو حط إيده التانية على وسطها واتكلم في الفون وقال الوو.
حازم محمود احنا مستنينكم تحت يلا متتأخروش علينا.
محمود حاضر يا حازم نازلين حالا.
وحط السماعة تاني وشروق خلصت وظبطت اللياقة بتاعة القميص وقالت خلصت يا حبيبي.
محمود حازم دا فصيل اووي وبيقتل اللحظات.
شروق ضحكت وقالت طب والله عندك حق بس أنت تستاهل عشان تبقى تحترم نفسك شوية.
محمود شدها جامد لحضنه وقال أطلعلك قسيمة الجواز عشان تعرفي إننا متجوزين أصلي حسك شاكة في الموضوع مش عارف ليه! كل إما أقربلك تقوليلي عيب.
شروق بضحك ما أنت اللي بتحرجني وبتكسفني.
محمود أعمل إية يعني أروح أقرب من واحدة تانية ولا أتجوز عليكي وأريح نفسي
شروق بصتله پغضب وقالت طب ابقى أعملها كدا وأنا أقتلها وأقتل نفسي وتعيش بذنبي عشان مش هقدر أقتلك عشان أنت حبيبي.
بقلمي ريهام أبو المجد 
محمود حضنها وقال بهزر يا حبيبتي أنا مقدرشي أقرب من بنت غيرك ولا أحب غيرك.
شروق شددت على حضنه وقالت متهزرشي كدا تاني عشان أنا بغير عليك اووي حتى من نفسي وخلاص مش هزعلك تاني.
محمود بحب وهو بيبوس راسها حاضر يا حبيبتي وخدي راحتك أنا بحبك وأنتي بتتصرفي بخجل وبطبيعتك كدا.
أخدها ونزلوا تحت ولقوا الكل قاعد حوالين الڼار على الرمل والبحر قدامهم وأول ما لمحوهم هيام جريت عليها وقالت شروق أنتي كويسة يا حبيبتي صح أنا كنت هجيلك بس غسان قالي بلاش عشان أسيبكم على راحتكم.
شروق ابتسمت وباستها من خدها وقالت متقلقيش يا حبيبتي أنا كويسة ومحمود غير مزاجي الحمدلله.
لارين كنت واثقة إن أبية محمود قادر يعملها.
ميرا بغيرة دا أبية بتاعي أنا وبس.
لارين خلاص يبقى متقربيش من شوشو لأنها أختي أنا وبس.
الكل ضحك عليهم ومحمود قال أهدوا يا حبايبي ميرا أنتي ولارين أخواتي زي ما شروق بتعتبرك أنتي ولارين أخواتها فهماني يا حبيبتي كلنا هنا واحد وعيلتنا كبيرة وحلوة ولارين أختك الصغيرة وبتحبك وأنتي بتحبيها أنا واثق.
ميرا ضحكت وحضنت لارين وقالت لولو متزعليش مني أنا بحبك.
لارين ضحكت وقالت وأنا كمان بحبك يا مرمر وبعدين أنتي هتبقى مرات أبية حازم.
الكل ضحك وصفروا وميرا اتحرجت اووي وشروق قالت بطلوا تغلسوا عليهم.
محمود قال هو الكلام دا صح
شروق محمود هو الموضوع....
محمود استني يا شروق لو سمحتي.
شروق سكتت بس زعلت منه وهو بص لحازم وقال فهمني معنى كلام لارين.
حازم أتشجع وقال بص يا محمود الصراحة كدا أنا بحب أختك لارين ومش عارف دا حصل أمتى وإزاي بس وقعت بدون ما أحس.
محمود ضربه في صدره وقال ومقولتليش لية
شروق جريت عليه ومسكت دراعه وقالت محمود حبيبي أهدى.
محمود بصلها فسكتت وبعدت عنه فشريف قاله قالي أنا يا محمود ومعرفني.
محمود طب وأنا أخوها الكبير فين من الموضوع
حازم خۏفت أقولك يا محمود لأن علاقتنا مش أفضل حاجة وخۏفت ترفضني بس كنت هقولك والله بس أنا اخترت استني شوية لحد ما تتحسن علاقتنا وبعدين كنت خاېف لأني مش من مستواكم الإجتماعي ومش عايز أظلمها معايا ولا أحط نفسي في موقف محرج قدام أهلك.
محمود فضل يقرب منه وشروق خاڤت يضرب حازم فراحت عليه عشان تمنعه بس لقته بيحضن حازم وبيخبط على ضهره وبيقول طول عمرك أهبل يا حازم مش احنا فتحنا صفحة جديدة سوا وقولنا نبقى أخوات.
بقلمي ريهام أبو المجد 
حازم بصله بذهول وقال بجد يعني مش زعلان مني.
محمود زعلان عشان خبيت عليا بس مش هلاقي أحسن منك لأختي أنت جدع يا حازم