رواية بنت الدوار الحلقة الأولى 1 حصريه وجديده

 تاعها بلاك تعقلولهم هدوك لي خرجو وحد العام بالسروال يلبسوهم الاستاذات تع التاريخ بزاف هههه ركبت فالكار جا قعد حدايا وحد الشير وانا ڼموت كون يقعد معايا شير ولا يهدر معايا قعدت خاېفة وشادة روحي تقول درت فالطة وصلت لجانوس ماعرفت وين نروح لقيت وحدة نعرفها رايحة تاني هي سلمت عليها قاټلي نشدو طاكسي وفهاد الوقت كانو يخلصو عشرالاف مع بعض قاټلي خلصي ونردلك وانا كي البقرة غير نجبد فالدراهم تقول بنت ملياردار وانا بويا ماجا يجيبهم حتى راح نصو وصلت نشوف فلبنات كيفاش دايريين وانا مانشبه لوالو حشا خليقة ربي دخلت خليت هدوك العساسسين ماكنتش نعرف بلي سموهم ليزاجو قلي انسة وين رايحة قتلو راني جايا نسجل قلي دخلي بنتي وروحي لهيه نعتلي دخلت كنت دايا معايا دوسي تاعي خلصت ومدتلي ورقة قصاصة صغيرة البون تع الخلاص راكم تعرفو انا حسبتها كي التيكي تع الكار رميتها مدتلي شاف بافيون كنت نقولها الڨرديانة تحسب راني فالحبس هادو المصطلحات كلهم تعلمتهم بعد مدة جا الوقت وبدينا نقرو اول نهار فالجامة رحت فنفس الساجدة ماعنديش من غيرها وانا نخاف من خويا ڼموت منه ماعدنا تلبسي سروال ماتعري شعرك ماوالو شفت لي طاحو معايا كان عدنا كور وانا ماني عارفة كيفاه يقراو قالولي دخلي تقري قټلهم هادا ماشي الفوج تاعي حتى جات وحدة فهمتني بلي هادا يقروه كل الافواج مع بعض دخلت نشوف بنات قاعدين مع الولاد ويقصرو داتني قعدتني مع وحدين قټلها لالا خويا مايبغيش نختالط مع الولاد قعدت تضحك وقاتليكيما تحبي قعدت مع اللول كيما
هادوك الخباشين تع الكلاسة كملت الحصة لحق وقت الفطور لسيتي بعيدة وانا حاسبة بلي يخلصو باه يدخلو للريسطو تع الجامعة ماحبيتش نروح وشفت ناس كامل يروحو يشرو ويفطرو في ليريسطورو وانا عندي دراهم قيس الركبة حكمتني القنطة قعدت مجمعة وحدي تحسب راني فالغربة ماشي في بلادي قعدت بالجوع وستنيت حتى خرجنا 5تع العشية رحت لاسيتي تاني لقيت روحي في شمبرة وحدي لي معايا ماجاتش دخلت وغلقت الباب مكانش حتى طرف خبز نسكت بيه جوعي يعني لازم نقعد حتى العشا عيطتلي ما تسقسي عليا من عند خويا ما ماعندهاش تلفون وحتى بويا انا برك تلفون كان عند خويا ضايع الباتري طيح بلخف وشادينه بالسكوتش تحشمي حتى باه تمديه لغريان يلعب بيه سقستني كيفاش الحالة قټلها الحمد الله قاټلي كليتي قتلو واه مابغيتش نقوللها لالا تتقلق عليا قاټلي كولي باه تزياني وتعلمي من البنات وماتخالطيش وحرزي روحك ماتامنيش وبلعي بابك وراكم عارفين كيفاش الام تخاف على بنتها غير قفلت قعدت نبكي هبلت بالبكا انا اول مرة نبعد على بويا وما....
يتبع...