رواية حكايه شمس بقلم الكاتبه سلمي سمير حصريه وجديده

وانا هتجنن واعرف حصله ايه وكل يوم انزل الاسكندرية واروح لشركته اسأل عليه ومفيش اي فايدة ولا فيه اي جديد
شمس طيب ما تتصلي بالتليفون تسألي عليه بدل السفر كل يوم للاسكندرية ده مرهق عليكي هو انتي ساكنه فين
العجوز في كفر الدوار وانتي
شمس بمرح انا كمان من كفر الدوار بس في القري من جوه بس انا اول مره اشوفك تركبي معانا القطر
العجوز كنت بسافر بعربيتي لكني تعبت من السواقه كل يوم فكرت اركب القطر واريح نفسي وفجاء وهي بتكلمني جسمها يرتعش وتقع عليا وكانت عرقانه جدا وجسمها متلج بصراحه انا اټخضيت وبقيت اصړخ الحقوني الحقوني
وتجي شابه صغيرة شكلها متخرجه جديد وتقول انها دكتورة وتمسك ايدها تقيس النبض وتبصلي بړعب 
دي حاله غيبوبة سكر حد معاه حاجه مسكره بسرعه
وواحده حشرية من الركاب شافت علب الحلويات اللي معايا وقالت بصوت عالي سمعه الكل اللي قاعدة جمبها معاها حلويات ويسحبوا علبه من الطلبيه ويفتحوها ويدولها قطعه 
والدكتورة تكلمها افتحي بوقك وتحط ليه قطعة الحلويات وتديلها قطعه تانيه وبعد خمس دقائق تبدء الست الكبيرة تفوق
وانا كنت هصوت اه وربنا هصوت لان اللي فتحت العلبه داقت الحلويات لقت طعمها حلو بقت تعزم زي ما تكون بتاعتها وكل اللي في العربيه حبوا يدوقوا هما كمان وراحت الطلبيه في ابو بلاش وانا روحت في داهيه
تشوف الست الدموع في عيني بعد ما ضاع تعبي لا كسبت فلوس ولا حتي ثمن التكاليف اللي اقدر اعمل بيها طلبية جديدة وكده خسړت زبون كان بياخد طلبيه كبيره ومكسب ممتاز 
اكيد لان الطلبيه كانت لحفله وكده هو هيخسر وطبعا هيرفض يتعامل معايا لاني خلفت اتفاقي معاهم واكيد هيخسر بسببي
العجوز اكيد الحلويات ده شغل انتي بتوصليه واكيد ليه تمن
وحرام تتحملي ثمنها لوحدك وكنت انا السبب انك تخسري شغلك تعالي معايا اروح الشركة اسأل علي ابن بنتي وبعدها تروحيني وانا هدفعلك كل التكاليف وتمن الحلويات كامل
وقتها قلبي ردت فيه الروح وانتعاش الامل من جديد وسالتها بلهفه وعدم تصديق وقلبي بيرقص من الفرحه بجد انتي بتتكلمي بجد
العجوز ايوه بتكلم بجد يلا قبل القطر ما يتحرك 
وخدتها ونزلت واتفاجات من مظهرها كانت سيدة شيك جدا وانيقه وشكلها بنت ناس زيادة عن اللزوم من طريقة تعاملها مع سواق التاكسي اللي طلبناه ووصلنا لمقر شركة كانت شركة كبير عالمية للتعدين والجولوجيا دخلت للاستعلامات تسأل علي حفيدها
الموظف يا مدام وصال احنا قولنالك كذا مره حفيدك المهندس يزن في رحلة بحث خارج البلاد هو والبعثه كلها واخبارهم اتقطعت من فترة لو وصل لينا اي جديد هنبلغك اتفضلي ده موقع الشركة بره راسليهم وهما اكيد هيبلغوكي باي جديد او يوصلوا رسايلك للمهندس يزن ده كل اللي اقدر اعمله ليكي
انا مقدر لهفتك وخۏفك عليه بس انا معنديش اي حل تاني والله وزعلان علشان 
وصال تاخد منه الورقه اللي مكتوب عليها مكان المرسله لحفيدها وتحطها في شنطتها وتبص للموظف پغضب
لو حفيدي جراله حاجه انا مش هرحمكم كلكم وتخرج مټعصبه انا بصراحه خفت منها دي شخصيته قوية اووي
وخرجت اجري وراها وطلبت تاكسي وركبنا وطول الطريق ساكته طلبت من السواق يكمل بيها لكفر الدوار وهتديله اللي يطلبه ووافق السواق كانت رحله مريحه غير القطر وسالته
ليه مجتيش في سيارة اجرة بدل تعب السفر بالقطر مدام عندك مقدرة تدفعي اجرة السواق
العجوز خفت اركب معاه لوحدى انا مريضة سكر وزي ما شفتي اللي حصلي في القطر كان ممكن يحصلي وانا بالعربيه مع السواق لوحدى