رواية روحي تعاني الفصل الرابع روايات_آيه_شاكر كتابات_آيه_شاكر كتابات_آيه_السيد_Aiah_Elsayed

سمر... عنيده... يعني رغم رفضنا كلنا انك تأجري بره إلا إنك مشيت اللي في دماغك... متعبه ومصممه تتعبي كل اللي حوليك.
قالت پغضب
انا مطلبتش منك تيجي تدافع عني... إنت مالك بيا أصلا وإيه اللي جابك هنا!
بصيتلها بغيظ وضغطت على أسناني وسكتت مشيت ومشيت هي جنبي في صمت...
وبعدما مشينا مسافة ألم ذراعي كان كنت في غاية عصبيتي منها ومتابع نظراتها وهي بتبص ناحيتي كل شويه لكن ما بصتلهاش إلا لما سمعت صوت بكائها العالي بصيت الناحية التانيه وبعدين وقفت فوقفت هي كمان أخذت نفس عميق وقلت من غير ما أبصلها
قالت پبكاء
ذراعك على الأرض يا ياسين... أنا أسفه...
رفعت عيني بصيتلها من غير ما أرد فكملت وهي باصه للأرض بخجل
إنت معاك حق أنا فعلا متعبه وعنيده ومستاهلش اللي عملته معايا كمان... أنا فعلا مستاهلش... بدل ما أشكرك إنك أنقذتني بتعصب عليك كمان...
بصت على ذراعي ومدت إيدها تمسك إيدي لكني رجعت خطوتين لورا مش عايزها تلمسني تاني إلا لما تبقى حلالي حسيت بيها إنها زعلت لما بعدت لأن بكائها زاد فقلت بنفاذ صبر
خلاص يا سمر لو سمحت كفايه عياط... كفايه اللي أنا فيه.
كملنا مشي في صمت الجو بدأ يمطر ومفيش أي تاكسي ظهر قدامنا بصيت حوليا على مكان نقف فيه لحد ما المطر يوقف لكن ظهر تاكسي وقبل ما نركب كانت هدومنا اتبلت من المطر...
ركبت أنا قدام جنب السواق اللي ربطلي شاش على الچرح وقالي
أوصلك لمستشفى الأول يا أستاذ...
بصيت عليها ورا بطرف عيني وقلت
لأ مش مستاهله ان شاء الله خير...
لما وصلنا رنيت جرس الباب ووقفنا شويه لحد ما فتح ياسر اللي كان باين عليه إنه تعبان وبيكح...
فيه إيه يا ياسين!
قلت بتعب
دخلنا يا ياسر بالله عليك وهحكيلك...
دخلنا وحكيت لياسر ونسمه اللي حصل وسمر كانت باصه في الأرض طول الوقت حتى دموعها ما بقتش تنزل قاعده ساكته كنت كل شويه أبصلها ولملامحها الجامده اللي مش بتتحرك!
عاجبك كده!! حرام عليك يا سمر إنت بتعملي في نفسك وفينا كده ليه!!
قالتها نسمه وسمر مردتش عليها كنت خارج من الحمام
بعد ما غيرت هدومي فقلت لنسمه
ملهوش لزمه الكلام ده يا نسمه.
قالت بنرفزة
لأ ليه لزمه يا ياسين... أنا مش عارفه هي عايزه إيه!
قالتها نسمه وبعدين بصت لسمر وكملت
إنت عايزه توصلي لإيه يا سمر كل قراراتك غلط... وكل افكارك غلط...
دموعها نزلت من عينيها بصمت ومردتش فكملت نسمه
أنا هقول لبابا لازم يشوف حل إحنا مش هنسيبك كده!
قالت سمر بسخرية وهي پتبكي
هو فين بابا ده أصلا.... هو أنا فارقه مع حد! بقالي يومين محدش سأل عليا ولو بتلفون.
ضحكت نسمه وقالت بسخرية
عشان إنت السبب... إنت يا حبيبتي زي اللي بيطرد الناس من بيته وزعلان عشان مشيوا! فوقي يا ماما من الوهم ده... متبقيش غلطانه وبجحه.
قالتها نسمه ودخلت أوضتها وفضلت سمر مكانها تبكي ولما ياسر خرج من الأوضه مشينا من غير ما أتكلم معاها تاني...
ياسر كان واضح عليه التعب فقلتله
مفيش داعي تتعب نفسك يا ياسر إنت شكلك تعبان... هات المفتاح وأنا هروح لوحدي...
قال بصوت واضح فيه الزكام
لأ أنا هاجي معاك لأني كنت عايزك في موضوع....
نزلنا من البيت كنت عارف هو عايز إيه فتح العربيه وركبت جنبه وقبل ما يتكلم اتنفست بعمق وقلت وأنا ماسك ذراعي پألم
لو هتتكلم في موضوع بنت عمك فانساه نهائي يا ياسر إنت عارف إني بحب سمر ومش عايز غيرها...
قال بنرفزة وهو بيبدل نظره بيني وبين الطريق
حب إيه وكلام فاضي ايه!