رواية زوجتي من الريف الفصل الاخير بقلم رنا ياسر حصريه وجديده
المحتويات
بالخارج ولكن كان يفكر لماذا رحلت اهكذا اطمئنت عليه اهي قاسيه لهذا الحد فلم تدخل وتراه وتطمئن عليه
خرج مؤيد ووالدته من الغرفه
مؤيد باستفهام
_في ايه يا ماما
فاطمه بضيق
_ فرحه مش لقياها لتكون مشيت هنعمل ايه تعالي ندور عليها
مؤيد بجديه
_ طيب معاكي نمرتها أو نمره عمي نكلمهم بدل ما نفضل ندور عليهم
فاطمه بإقتضاب
_ ما انا سيبت الموبايل في البيت نسيت اجيبه ده جريت زي المجنونه لما عرفت أنه في المستشفى
مؤيد بتفهم
_ طيب خلاص خليكي انت هنا وانا هشوفهم لو كانوا تحت ولا حاجه ........
فجأه وجدا فرحه وفريد يخرجون من احد الغرف
فاطمه بفرحه
_اخيرا لقيتك الحمدلله تعالي ادخلي فارس عايزك
بس اه صحيح كنتي بتعملي ايه جوه عند الدكتوره انت تعبانه ولا حاجه
فرحه بايجاب
_ دخت شويه بس مفيش حاجه متقلقيش
فاطمه بضيق
_ مقلقش!! طيب قالتلك مالك يا بنتي ايه الدوخه ديه
فريد بابتسامة وسعاده
_ اصل فرحه حامل
فرحت فاطمه بشده وكانت ستطير من السعادة وذهبت واحتضنت فرحه بقوه وهي تهتف بفرحه
_ بجد الف مبرووووووووووك يا حبيبه قلبي متعرفيش فرحتيني ازاي بالخبر ده
ده فارس هيفرح اوي لما يعرف
فرحه بإبتسامه
_ الف يبارك فيكي يا طنط
مؤيد بسعاده
_ الف مبروك يا فرحه
فرحه بإبتسامه
_ الله يبارك فيك يا مؤيد عقبال فرحك ونشوفك عريس
مؤيد بمزاح
_ يارب والله امتي بقا
فرحه بضحك
_ ان شاء الله قريب اكيد
أما ندخل نشوف فارس ده زمانه متعصب مننا
ثم تابعت بنبره مرتبكه
_ بس عمو الشناوي هيزعق لو دخلت
فاطمه بشده
_ لا مش هيزعق مټخافيش وبعدين حتي لو زعق أو حتي عمل ايه ميهمكيش انت داخله تشوفي جوزك وهي عاوز يشوفك يلا ادخلي
مؤيد بمزاح
_ لا استنوا نعمل فيه مقلب هندخل انا وماما واحنا مكشرين كده وعاملين زعلانين وانك مش موجوده وروحتي وبعدين تدخلي
فرحه بإبتسامه
_ ماشي موافقه
فاطمه بضحك
_ يا بني حرام عليك مش بتبطل هزارك ده حتي والراجل تعبان
مؤيد بضحك
_عادي برضو ايه المشكله يلا يا جماعه بقا
دلف مؤيد اولا وهو يتصنع الحزن ودلفت فاطمه ايضا بملامح مقتضبه
نظر لهم فارس بحزن وضيق ثم هتف بشده قائلا
_ روحت صح كنت عارف ........
مؤيد بمزاح
_خلاص يا جماعه الراجل هيقلب علينا اتفضلي يا مدام
دلفت فرحه الي الغرفه وعلي وجهها ابتسامه سعيده بسلامة زوجها وسعيده بخبر حملها
فرحه بابتسامة
_ حمدالله على سلامتك يا فارس
نظر لها فارس نظرات حب واشتياق وندم وحزن وسعاده في آن واحد
فارس بحب
_ الله يسلمك يا فرحتي
ابتسمت فرحه بسعاده وفارس ايضا
جلس الجميع يتحدثون أما فرحه فكانت صامته تفكر ماذا تفعل ولكنها قررت أن تنسي الماضي تنسي كل ما فعله فارس معها تنسي كل ما حدث معهما وتفتح صفحه جديده وحياه جديده مليئه بالحب والاحترام
رآها فارس وهي شارده فخشي أن تكون تفكر في موضوع الطلاق مره اخري فتصنع الالم كي تنتبه له
فارس بتمثيل
_ ااااااااه مش قادر ھموت
انتفضت فرحه و الجميع
فرحه بخضه
_ فيه ايه يا فارس مالك قولي اجيبلك الدكتور
فارس بإيجاب
_ مش عارف حاسس كده اني تعبان وعايزك تنسي موضوع الطلاق بقا علشان اخف
ابتسمت فرحه فقد فهمت خطته اما مؤيد فقد اڼفجر ضاحكا
مؤيد بضحك
_ اه ههههههههههه ھموت من الضحك يا عم طلعت ممثل شاطر
فرحه بإبتسامه
_ جدا!! رعبتنا عليك
فارس بجدية
_ هااا بقا يا فرحه ريحيني بقا وريحي قلبي
اردفت فاطمه بجدية قائله
_ تعالوا يا جماعه نطلع نسيبهم مع بعض شويه
وافق الجميع علي اقتراحها وخرجوا جميعا عدا الشناوي الذي كان جالسا شاردا
متابعة القراءة
