حكاية_اسيل احلام_مؤجلة المقدمة والفصل الأول والثاني حصريه وجديده

حكاية_اسيل
احلام_مؤجلة
المقدمة والفصل الأول والثاني حصريه وجديده 
فتحت عيونا الخضر لما دخلت خيوط الشمس الدافية لتعكس على خصلات شعرا شلال مايل للدهبي بيعجز اللسان عن وصف جمالو 
نهضت من سريرا وقفت مقابل مرايتا الطويلة تتأمل بحالا مع ابتسامة مشرقة 
كانت لا بسة قميص نوم ساتان ابيض طويل وفوقو روب نفس لونو وطولو 
بدلت تيابا لبست فستان صيفي ابيض ورفعت شعرا بدبوس فضي ناعم ورجعت اتطلعت بالمراية وحكت  
أسيل هالهدوء كلو في وراه ماضي قاسې أقسى من القسۏة نفسا لازم احكيه لولادي 
على سيرة ولادي ههههه اشتقتلو كتييير 
_ فتحت الدرج أخدت دفتر الو غلاف دهبي وقلم دهبي وعملت قهوة بالماكينة وطلعت لتقعد عالبكلون 
هون سرحت اسيل بخيالا ليوم بعيد كتير تقريبا من ١٥ سنة تقريبالوقت كان عمرا ست سنين ...
حكاية_اسيل
احلام_مؤجلة
الجزء_الاول
فريال يلا يابنت قومي حطي راسك ونامي بكرة الصبح بتطالعي عيوني لحتى تفيقي .
اسيل خالتي خليني العب بألعابي شوي طول الوقت دراسة وشغل معك بالبيت
فريال انا قلت عالنوم بنادي لابوكي ها 
أسيل لا خلص خالتي والله رح نام
...
مصطفى أبو أسيل شو نامت 
فريال اي نامت الله يحميها
مصطفى كأنك عم تقسي عليها شوي 
فريال الله يسامحك يعني لأني خالة مرت اب ومابجيب ولاد عم تحكي هيك انا بدي مصلحتا وعم ربيها
مصطفى الله يرضى عليكي يافريال شو حنونة
فريال وانت كمان مصطفى عم تدللا كتير بكرة بتجبلك العاړ
مصطفى لك عار شو لسه البنت عمرا ست سنين .
فريال اي لا تخاف الا من هالجيل والله بنات هالإيام بياخدونا عالبحر وبرجعونا عطشانين بعدين يعني بدا تطلع لحدا غريب 
مصطفى حاول يخبي ڠضبو اي استهدي بالرحمن وطولي بالك
_متل ماشفتو أسيل بنت وحيدة لأبوها بتربيها فريال مرت ابوها الي بتتظاهر انها بتحبا وبتقسى عليها لتربيها لدرجة انو اسيل نفسا بتحبا ومصدقة انو خالتا بتحبا وبدا مصلحتا بس الحقيقة عكس هيك تماما فريال شيطان عايش بين البشر ورح نشوف هالشي خلال القصة ..
أول شي عملتو لما دبرت ڤضيحة لرفيقتا أمها لأسيل وخلت مصطفى يطلقا وتجوزتو هيي وطلعت ببياض الوش .. وبعد هالحادثة بفترة صغيرة لميس امها لاسيل تجوزت شب قرايبا وسافرت معو على تركيا
و الشب الي بعتو فريال ليشوه سمعتا اجا لعند مصطفى وحكالو انو مافي شي من هاد ومرتو عفيفة وشريفة بعد مافريال قصرت عليه بالمصاري بس طبعا دبرت الموضوع معو وماحكى انو هيي الي باعتو
اسيل الو الو ماما عم تسمعيني 
مصطفى بقلبو أخ يالميس شو اشتقتلك بس ظهرت براءتك متأخرة كتير بعد ماكنتي متجوزة وانا تجوزت فريال .
أسيل يالله بابا ماعم اسمع شي ..
فريال كانت ساحبة شريط التلفون يلا حبيبتي انقطع الخط فوتي نامي منشان تفيقي بكير على مدرستك
اسيل حاضر خالتي 
_مضو ايام وسنين واسيل كبرت وازدادت جمال وسحر
صار عمرا ١٨ سنة عم تقدم باكالوريا أدبي ..
فريال ماتغيرت بطريقتا ابدا لساتا بتخفي الشړ وبتظهر الخير وهي سياستا كانت تتبعا مع الكل بحياتا حتى مع جيرانا ورفقاتا .
ابوها لأسيل كبر بالعمر وتدهورت صحتو ..
..
_ لبست بدلة المدرسة وعملت شعرا ضفيرة وحملت شنتتا وطلعت
اسيل بدك شي خالتي
فريال سلامتك ياروحي ديري بالك على حالك ولا تروحي يمين وشمال مابدنا العالم تقول بنت مصطفى عم تتلعون
أسيل پخوف لا يوه شو اتلعون والله بروح وبجي وانا راسي بالارض
فريال اي يلا روحي الله ييسرلك
نزلت عالدرج شافت ثائر أخوها لفريال 
اسيل اهلين خالو
ثائر لك شو هي خالو عم تحسسيني اني ختيار مو انا وانت رفقات من لما كنتي صغيرة
أسيل