حكاية_اسيل احلام_مؤجلة المقدمة والفصل الأول والثاني حصريه وجديده

بسكليت بدوخ كيف انت بتسوق طيارة
ضحك على براءتا لحتى بينت غمازتو وهيي صفت فيه
اسيل اي يعني انت شو باكالوريتك
ركان أدبي
وضحكو هني التنين ضحكة طويلة
ركان عم امزح باكالوريتي علمي ودارس هندسة طيران .
اسيل امم
وسكتو شوي
ركان انا طالع بعد شوي شوف رفيقي بتحبي جبلك معي شي 
اسيل بخجل لا شكرا مو ناقصني شي .
ركان مع رفيقو وسام بالكافيه ..
وسام وهي اخدنا اجازة منشانك انبسط كابتن ركان
ركان وليش اخدت اجازة لسه قاعد كم يوم انا
وسام لك وجعني راسي من القضايا والمهمات
ركان اي لكن لا تقول منشانك وتطرقنا منيةاستاذ وسام
وسام انا ضابط مو استاذ قايلك ياها مية مرة
ركان طيب لا تواخذنا ههههه
وسام هههه
ركان لك سماع هالقصة ياسيدي مبارح وانا راجع عالبيت _ _ _ _
وسام العما شو هالقصة معقول مصطفى الجابري يعمل هيك ببنتو
ركان انت بتعرفو لمصطفى 
وسام طبعا كان تاجر كبير الله يرحمو والو سمعتو بالسوق
قولتك معقول عم ينتقم من امها فيها بس بتضل بنتو يعني هيك شنططا ورماها بالشارع بدال ماتنعز بورثتو
ركان شبا امها ليش 
وسام بقولو خاڼتو وهربت مع عشيقا
ركان العما ! لك يازلمة مارضيت تستقبلا مبارح وقت حكت معها قالتلا لا تجي لعندي
وسام مسكينة هالبنت كل القصة وقعت براسا
ركان اي والله
وسام ودخلك حلوة 
ابتسم ركان بدون مايحكي شي
وسام شووو شو هالابتسامة 
ركان الله يستر عليها بنت صغيرة عمرا ١٨ سنة مکسورة مالا سند ولا حدا يحميها
وسام الله يكون بعونا
...
وببيت رفيف ..
أسيل اهلين رفيف شلون المدرسة اليوم
رفيف في واحد اجا سال عنك هيك طويل وأسمر وشعرو شايب شوي
اسيل هاد خالو ثائر
رفيف خالو اي يخلو عضامو ان شالله
أسيل انا خاېفة شو بدي اعمل
ابو ركان لازم مابقا تروحي عالمدرسة
اسيل صارت تبكي
ام ركان طولي بالك حبيبتي المهم سلامتك اذا لقاكي ورجعك لعند فريال والله بيعملو فيكي العمايل وماحدا بيقدر يدافع عنك .
اسيل يعني وآخرتا بدي ضل هون 
رفيف بتضلي طبعا مالك مرتاحة عنا 
أسيل ابتسمت مرتاحة بس مابدي تقل عليكن
ام ركان انتي بقلبنا وبعيونا
اسيل الله يجزيكن الخير يارب
بعد شوي بتتصل امها لاسيل ..
رفيف اسيل امك عم تتصل
اسيل أهلين ماما
لميس تقبريني زعلانة مني 
اسيل لا امي اصلا انا لازم اعتذر منك
لميس مو مشكلة ياعمري المهم هلأ انا حكيت مع عمك سمير وقلي تجي طبعا منحطا بقلبنا وبعيونا وسعرا بسعر ولادنا .
اسيل بفرح عنجد أمي 
ماشي رح احكي لاهلا لرفيف يساعدوني بالسفر وبردلك خبر
لميس ماشي حبيبتي الله معك .
اسيل عم تمسح دموعا وتضحك قالتلي روح لعندا
ام ركان يعني رح تكوني مبسوطة عندا 
اسيل اكيد خالة اشتقتلا كتير وبيضل بيت امي .
ام ركان لكن هلأ بس يجي ركان بتعطيه جوازك وهو ببلش باجراءات السفر
ابو ركان بس انا عندي رأي تاني
اسيل ...
ابو ركان فحص الباكالوريا مو باقيلو الا شهر ونص معقول تروحي تعب السنة كلا وتسافري انا برأيي تبقي عنا هالفترة وتقدمي مع رفيف وبعدا بتسافري وانت مأمنة عالشهادة انو معك مابتعرفي الايام شو كاتبتلك بجوز تسجلي بالجامعة هنيك
رفيف اي اي اسيل وافقي بلحق اشبع منك كمان
اسيل طيب موافقة ..
..
بعد شوي بيرجع ركان وبيحكولو شو قررو
ركان اي كتير منيح والله فكرة حلوة بس عطيني جوازك من هلأ لانو الفيزا على تركيا بدا شوية وقت لتطلع
قامت اسيل عالغرفة جابت جوازا ودهباتا
اسيل هي الجواز وهي اسوارة دهب بيعا وخلي حقا معك شو بتدفع مصاري دفاع منهن
ابو ركان ضبي دهبك يابنتي عيب انتي قاعدة عنا
اسيل بس عمو
ابو ركان خلص بنتي