حكاية_اسيل احلام_مؤجلة المقدمة والفصل الأول والثاني حصريه وجديده

غرفتا بسرعة بعد مادارتلا انو التلفون فريال اخدتو
ورفعت فرشة التخت تدور على شي وطالعتو
اسيل بقلبا الحمد لله ياربي انو ماوصلت للدهبات الله يرحمك ياأبي كنت تشتريلي بهالدهب وتقلي هدول للايام ماكنت بعرف انو الايام الي عم تحكي عنها قريبة كتير 
ضبت شنتة صغيرة فيها كم قطعة تياب وتسحبت بسرعة وهربت من البيت
اسيل وين بدي روح ياربي ماالي غير رفيقتي رفيف .
.......
ببيت رفيف ..
ام ركان يلا حبيباتي الاكل جاهز
رافي ايييه شو هالريحة الطيبة
رفيف ماما مو اليوم راجع ركان ليش ماستنيناه عالغدا 
ام ركان مابعرف والله يابنتي ماقال شي وقت حكى آخر مرة شكلو بدو يعملا مفاجأة
رفيف يقبر قلبي شو اشتقتلو
رافي لكن ركان يقبر قلبك أما انا ابن البطة السودة
ام ركان وانت ليش غيران ههههه
ابو ركان يعني بدك ياها تقلك تقبر قلبي بتنبسط استاذ 
رافي ضما من راسا بمشاكسة بعيد الشړ بس بيطلعلي شوية دلال مو كلو لركان
رفيف تقبرو قلبي انتو التنين كل واحد اغلى من التاني بس ركان عم يطول بغيبتو عم اشتقلو
رافي الحق معك والله وانا عم افقدلو فضيت عليي الغرفة
ابو ركان يلا اليوم اكيد بيجي ان شالله هاد موعدو
وهون برن الجرس
رفيف معقول اجا 
ام ركان لا ركان بيفتح بمفتاحو قوم ماما رافي شوف مين عالباب الله يرضى عليك
رافي يلا أمي وراح فتح طلعت أسيل 
تركت شنتااية تيابا بمكان عالدرج وحاولت تمسح دموعا وتبين طبيعية قدر الإمكان
أسيل مرحبا انا اسيل رفيقة رفيف
رافي اي يا اهلا وسهلا تفضلي
أسيل عم تطلع لجوا يعني هيي بالبيت 
رافي اي اي بالبيت ورفع صوتو يارفيف تعي اجت رفيقتك
اجت رفيف لا حظت عليها بكيانة وفات رافي لجوا
رفيف لك شبك ليش بكيانة .
أسيل مصېبة ووقعت على راسي يارفيف
رفيف يوه خير ان شالله فوتي فوتي نقعد بغرفتي
فاتت اسيل مرحبا
ام ركان اهلين حبيبتي اسيل كيفك
اسيل الحمد لله
وفاتو عالغرفة
ابو ركان بنت مين هي اسيل 
ام ركان بنت مصطفى الجابري
ابو ركان مصطفى الي ماټ من كم يوم !
ام ركان اي ماشفتا شلون مكسور خاطرا
ابو ركان لا حول ولا قوة الا بالله .
رافي ياحرام الله يرحمو ويصبرها
وبغرفة رفيف أسيل حكتلا كل شي
رفيف العما كل هاد يطلع منها والله ماكان مبين عليها
أسيل ماعرفت وين بدي روح ف اجيت لعندك
رفيف بارتباك هلأ اهلا وسهلا بس انت بتعرفي اخواتي شباب بالبيت .
اسيل خلص خلص فهمت
رفيف لا تزعلي اسيل انا منشانك
اسيل ما زعلت هلأ تذكرت بابا كان عندو عمة بعرف بيتا رح روح لعندا
رفيف اكيد اسيل 
اسيل اي اكيد يلا بخاطرك ..
طبعا اسيل مابتعرف بيت العمة ولا شي اصلا مابتعرف اذا عايشة ولا مېتة بس كانت بدا تروح من بيت رفيف بعد الي قالتلا ياه وطلعت من البيت بدون مايشوفوها اهل رفيف كانو خلصو غدا وكل واحد قام على شغلو .
_ صارت تمشي وتدور بالشوارع وتبكي بكيت عن عمرا كلو لحتى نشفت دموعا وماعرفت وين بدا تروح ولقت رجليها لحالن عم يرجعوها على بيت رفيف
طلعت اول درج والتاني وفجاة زغللو عيونا وماعد شافت فيهن ووقعت عالأرض
هون بكون شب فايت عالبناية بأسرع لما بيسمع صوت الخبطة ..
هاد الشب كان ركان لابس بدلة الطيار البيضة مع الطاقية ركان شب عمرو ٢٧سنة طويل والو عضلات ابيض بعيون وشعر ولحية سودة بيشبه رفيف بجمالو بس بملامح رجولية ..
ورفيف كانت بالبيت حكت لامها وابوها ورافي شو صار مع اسيل
ام ركان الله يصلحك يابنتي شلون خليتيها تروح
رفيف والله انا تصرفت متل ماربيتوني