رواية ندم صعيدي الفصل العاشر بقلم مريم محمد حصريه وجديده

لما قولنا قدامه أمبارح أن انتى طلعتى تغيرى لعيسى على الچرح هههههه.
سلمى پحده  سليم قلنا اسمه بابا مش عيسى اللى بيحصل دلوقتى و اللى حصل زمان و اللى بينى و بين عيسى ملوش علاقه نهائى أن عيسى ابوكم و هيفضل ابوكم و لازم تحترموه.
سالم بلا مبالاه  طب ما احنا بنقولك يا سلمى عادى.
سليم مساندا أخاه  ايوه صح و كمان ما احنا بنادى الكل بأسمهم حتى بهجت و فيكتوريا عادى اشمعنا يعنى هو اللى نقوله يا بابا و كمان ننادى أهله بألقاب.
تحدثت سلمى بطريقه مضحكه  يا اخى احنا عيله فريش معندناش مشاكل هما غيرنا و مش معنى انى معرفتش اربيكوا تقولوا للناس كلها إنى معرفتش اربى و كمان علاقتكوا بيا و بأهلى تختلف عن علاقتكوا بعيسى و بأهله فلو سمحتوا اتربوا الكام يوم دول و اوعدكم اول ما نرجع بيتنا هنصيع و نقل ادبنا براحتنا ........ و كمان متنسونيش سليم انت خدت الدوا النهارده.
سالم بصدق  اقسم بالله بقالى ساعه بقنع فيه و هو مش موافق.
سلمى وهى تنخفض فى مستوى ابنها وقالت بصوت حنون  ليه يا سليم يا حبييى مش احنا اتكلمنا فى الموضوع ده اكتر من مره.
تحدث سليم پألم حاول اخفائه  بس انا زهقت منه يا سلمى كل يوم كل يوم اخده كده ما انا عارف انى عندى القلب و انا زهقت بقى مش كفايه لا بعرف أجرى و لا بلعب و لا عايش زى العيال اللى فى سنى.
نظرت سلمى إلى سالم بضعف حتى ينجدها من هذا الموقف فهى تستطيع مواجهه العالم كله و لكن لا تستطيع أن تواجه ابنها خصوصا فى هذا الأمر.
وضع سالم يده على كتف سليم بحنان و قال بنبره عقلانيه لا تناسب سنه  بص يا سليم يا حبيبى كل واحد فينا عنده حاجه مش عند التانى و كلنا مش كاملين فأوعى يا سليم تبص على نعمه غيرك مهما كانت هى ايه لأنه هو برضو هتلاقيه عنده حاجه ناقصه و الحاجه ديه عندك انت .
الخلاصه يا سليم بص على النعم اللى ناقصه فى الناس اللى قدامك عشان لو كل واحد فينا قعد يبص على نعم اللى قدامه هنتعب أوى يا سليم و مش هنحس بالرضا ابدا أهم حاجه اننا نحمد ربنا على كل حال و على النعم اللى عندنا.
سلمى بدموع حاولت أن تخفيها  و الله يا سليم يا حبييى لو عليا لأديك قلبى تعيش بيه بس للأسف مينفعش اوعدك اول ما تكبر شويه زى ما الدكتور قال نعمل التحاليل تانى و ان شاء الله ينفع نعمل العمليه و تخف على خير.
مسحت سلمى دموعها و قالت مغيره للموضوع  المهم سيبكم من كل ده صليتوا ايه النهارده.
سالم مجاريا لها  أوبس