رواية يونس وبنت السلطان الفصل الثالث بقلم الكاتبه سعاد محمد سلامه حصريه وجديده

كنت طول الرز ماهو فى الأرض بصطاد منه السمك كتير شوفى بجى دلوقتى 
لو لفيت الأرض كلها فى الرز لو لقيت سمكه صغيره بفرح بها
ردت يسر أصل الأرض بتاعتكم الجديده بعيده عن النيل انما دى تعتبر حته من النيل يلا كل
ضحك حسين قائلا أه والله هى حته من النيل وكمان خيره كتير يما غلبت فى أبوى انه ميبعهاش بس هو جالى لاه كان نفسي يبجى زى عمى حسين بس نصيب بجى
ردت نواره والله دا أحسن شىء عمله صفوان واد عمى بدل ست قراريط بجى عندكم فدانين وخيرهم أكتر
رد صفوان بس ربنا بيبارك فى القليل يا أماى 
يعنى النهارده ربنا رزقنا بأكله الفدانين دول مطلعتش منهم
رد حسين أه والله يا واد عمى متعرفش البركه فين 
ساعات ربنا بيبارك اكتر فى القليل.
.......
وقف ناجى يتحدث بسخريه لهمت 
قائلا عقلك يظهر خف من بعد ما ما المزرعه وقعت على راسك 
كيف بتفكرى أكده عايزه تنتجمى من بنت السلطان
ردت همت أنا عندى أحساس أن البت دى هى السبب فى مۏت راجحى وجلبى مش هيهدى جبل ما أخليها جرسه فى النجع 
هاتلى أنت الراجل الى جولتلك عليه ومالكش صالح بالى هيحصل بعد أكده يا ناجى
نظر لها ناجى لها أنا داخل على أنتخابات ومش عايز عداوة بنت السلطان متنسيش ان أهل النجع بيجولوا عليها مخاويه 
أفرضى نجت من الى ناويه عليه وعرفت مين الى وراه
ردت همت بقوه لأه متخافش هى الى هتتجرس وتخاف تتكلم بعد أكده أنا بعت الى مراجبها من بعيد وهى وأخوها بكره الفجر هيروحوا الأرض علشان يملوا الرز والراجل ده يستفرد بيهم فى الوجت ده محدش هيبجى قريب منهم علشان يساعدهم
رد ناجى أنا ماليش صالح بالى هتعمليه بس بحذرك
ردت همت بشړ متخافش أنا هخرس صوت بنت السلطان وخليها تخاف تتكلم لا تصيبها الجرسه فى البلد. 
.......
فى فجر اليوم التالى 
بدار رشيده 
وقفت مع والداتها وأخيها 
تقول له روح أنت أسيوط هات نتيجتك ربنا يوفجك وتكون من الأوائل وأنا هروح أملى الرز واعاود وسيب يسر نايمه مفيش ورانا غير تملية الرز بلاش تجى معاى هروح لوحدى ومش هتأخر
أبتسم صفوان يقول خلاص أنا هتوكل على الله علشان ألحق القطر وانتى روحى للرز وأدعيلى
ردت رشيده ربنا يوفجك وتبجى وكيل نيابه جد الدنيا كلها علشان تساعد الحق هو الى ينتصر
تنهد مبتسما يأمن على دعائها وكذالك نواره التى تشعر بسوء لا تعرف سببه وأذا تحدثت أمامهم سيسخرون منها
ليخرج الاثنان معا كل منهم لوجهته
وقفت نواره تدعى لهم بالخير وان يبعد عنهم السوء التى تشعر به. 
......
بعد قليل 
فتحت رشيده ذالك السد الصغير الذى يفصل الارض عن النيل لتنزل المياه الى الأرض
شعرت ببعض الحر فقررت الذهاب والنزول الى الماء
فنزلت الى الماء نظرت حولها لم تجد أحد 
خلعت عنها حرامها وبللته من الماء غافله عن ذالك المتسلل الشرير الذى خلفها
وضعت الحړام على رأسها وأستدارت لتعود
لتجد ذالك الملثم الضخم امامها لايظهر منه سوى عيناه الشريره
لم تحدثه وكانت ستخرج من النيل لكنه جذبها من يدها بقوه 
قائلا على فين يا بنت السلطان فى حساب والنهارده هتدفعيه
نفضته عنها بقوتها لم يتزحزح أنشا فهو ضخم كثيرا 
لتقول له مين الى بعتك الهلاليه ولامين
ضحك ضحكه مخيفه ساخره من أسفل التلثيمه 
قائلا واضح أن حبايبك كتير 
بس أنا واحد منيهم واليوم هو الحساب 
نظر لها 
رأت رشيده فى عينه السوء لها لكنها لن تكون ضعيفه أذا أراد أن يغصبها على شىء فمۏته أو مۏتها أفضل
مالت على الماء لتدفعه بالماء فى عينه
أغمض عينه ليترك يدها
حاولت الهرب من الماء