دكة_الساده الفصل الرابع بقلم فاطمه محمد علي النعيمي حصريه وجديده

خسران وان ذبحو منا خسران
ومالها حل غير اهج و ابعد عنهم
واخذ الرجل يبكي بل اجهش بالبكاء
كان السيد نمر يسمع كلامه ويشعر بحزنه واهتم كثيرا حين 
رأى زيد يبكي
والرجال ينتخون لبعضهم 
خصوصا ان السيد نمر يحب زيد محبة عظيمة
لهذا نهض السيد نمر واقفا
وقال لزيد 
اسمع يخوي والله انك رجل شهم واني مراگبك هاي سنين
وماشفت منك الناگصة
وزينة حرمتك چثير تحمد بيك
وترى زينة عندي بمثابة اختي
اني ربيتها بعد مۏت عمي
وزواج أمها ومن كثر معزتك انطيتك زينة
والله انك رجل صاحب كلمة وسبع وكريم 
ويشرفني ويشرف عيلتي
اني أخطب نفلة لأبني عبدالله اذا ماعندك مانع على عبدالله
واذا اخذها عبدالله كل الحلوگ راح تنسد من حالها
رفع الرجل راسه ونظر إلى السيد بجفن مثقل بالدموع
وقلبا مثقل بالقهر ونظرة تسائل وذهول تملىء عينيه
هل مايقوله السيد حقيقة ام لحظة نخوة اجبرته الدموع عليها
قال زيد بحذر
يخوي انتم السادة تاج على روسنا
بس يخوي مايصير تخطب لعبدالله بلا ماتگلو
ابتسم السيد وقال
والله يخوي من سنة وعبدالله يطلب مني اجي اخطب نفلة وسبحان الله من أول ماشب واني اريد اخطبلو وهو مايگبل
گبل سنة جاني وگلي اريد تخطبلي نفلة
گلت لو منين تعرفها 
گلي...
اشوفها نوبات تنزل للمي 
وحبيت بيها نظرتها المکسورة وحياها واخلاقها
بوكتها گلت لعبدالله
يا ابني البنت عدها واليد عم ومايصير نتقدم
نحنا اجناب وابن عمها اولى بيها
گلي عبدالله 
سمعت انو ابن عمها خطبها وهي ارفضت
وراح وتجوز
گلت له
صحيح خالد تجوز بس ماهر اعزب
اصبر وخل نشوف تاليها
رد زيد قائلا
اول البارحة جاني عطا وطلبها لماهر
حتى نسكت الناس 
گلت له
اذا انطيت بنتي لماهر راح نثبت التهمة على بنتي
راح يگولون الناس ماهر اخذ البنت حتى يستر عليها
عبن اخوه كسرها
وانوب لمن نفلة عرفت تخبلت
گالت
ما آخذ من بيت عمي لو اجدل شعري شيب
رد السيد نمر وقال
على بركة الله
گوم يخوي وروح شوف راي نفلة وهم شوف راي اخوك الچبير وباچر ردلي خبر 
اذا وافقتم نجي اني ورجال الجرية جاهة ونخطب 
وڼزف ان شاء الله بأگرب وكت
والناس راح تسكت وتروح السالفة مع الايام.
نهض الرجل بنشاط كأن الهم الذي كان كأنه
جبل يثقل كاهله قد انزاح عنه
وكان سيخرج حين وصل الباب ثم تسمر في مكانه 
و رجع وجلس
وقال للسيد نمر
اسمع يخوي گبل كلشي
اريد اسولفلك سالفة عود اذا ضليت تريد البنية
يشهد الله اني انطيها لك هدية ما من وراها جزية
وابد ما انسى يوم زوجتوني زينة اشگد حطيت من جيبك عليها وأبد ما انسى وگفاتك معايا ومع اخوية
ولخاطر كل الزين الي سويتو لازم تعرف الصار،
حتى تكون الامور واضحة اريد اسولفلك كلشي
من اول يوم الي فكيت عيني عالدنيا الما جينا اني واخوي عطا عليكم گبل اربعة وعشرين سنة
اسمع يخوي ياسيد نمر الي صار عند اهلنا بالشام
والسبب الصحيح الي طلعنا من هناك
يتبع....
١ غالبا عندما ترى عراك يدور بين الناس على سبب تافه
وحين تنظر لشراسة العراك وتعرف السبب ترى ان السبب اتفه بكثير من تلك الشراسة
يتبادر للذهن ان سبب العراك الخفي شيء كبير
ولكنهم جميعا يدعون سبب اخر 
لهذا قيل 
العركة عالديچ دا يستر الچطاط
والمقصود بالچطاط هو الذي تم الامساك به وهو يحاول 
ان يقفز من فوق السياج بعد ان قابل حبيبته
٢حين يزوج العربي ابنته ياخذ مهرها لنفسه قد يشتري بهذا المهر اغنام او يزوج احد اولاده أو يتزوج هو
لكن...
المتعارف عليه ان الرجل الذي يسحب ابنته من زوجها يرجع المهر للزوج
مالم يفعل هذا الزوج فعلا مشينا
كالسړقة والژنا فقط
بهذه الحالة يحق لوالد الزوجة سحب ابنته دون ارجاع المهر
والغريب ان البنت المطلقة تتزوج مرة ثانية اسرع من البنت الباكر
لسببين
اولهما ان ابوها لايطلب مهر مرتفع كونها مطلقة
والسبب الثاني
لايتقدم

لها شاب اعزب بل غالبا مايخطبها رجل متزوج
واحدة فتكون هي الثانية او الثالثة
2361كلمة