لا أحد سواك

لتلك اللمسات احست باسترخاءه تحت يديها فزاد نشاطها ولكن من داخلها كانت تشعر بتوتر خانق وتشعر بخجل شديد أيضا ولكن هذا ليس وقت خجلها فهو زوجها وستساعدة بكل طريقة تملكها 
فكر رائف انها ماهرة جدا فى عملها ولمسة يدها رقيقة جدا ولكن فكر هل فعلت ذلك لاحد من المرضى من قبل فاعتدل فى جلسته وسألها بنبرة غيرة كادت تفتك بقلبه
رائف....سچى هو انتى عملتى التدليك ده لحد قبل كده
سچى...ايوة طبعا فى التدريب بيخلونا ندرب بشكل عملى
امسكها من يدها بطريقة غاضبة جدا وجذبها نحوه وعيناه تطلق شرار من فرط غيرته عليها انها ربما نعم احد 
رائف بغيرة قوية....انتى ازاى تلمسى حد كده وبالشكل ده ها انطقى
سچى....انت قصدك ايه بكلامك ده ايه اللى انت بتقوله ده
رائف....قصدى ازاى تلمسى راجل غيرى بالطريقة دى او هو يحس بلمسة ايديكى على جسمه
سچى..... اهدى انت فاهم غلط لانى انا معظم التدريب لاطفال او ستات حتى لما اتخرج هعمل كده برضه هعمل الجلسات لاطفال او ستات مش لرجالة علشان انا بنحرج اعمل كده لحد غريب بس عملت ليك كده علشان انتى جوزى ثم انت ايه اللى مزعلك اوى كده فى الموضوع ده
رائف....انتى اتجننتى ولا ايه انتى لو فكرتى تلمسى واحد غيرى او تعمليله كده انا مش هسمحلك انتى فاهمة يا سچى مستحيل تلمسى راجل غيرى بالطريقة دى
سچى...هو انا لو لمست راجل هلمسه علشان حاجة وحشة لاسمح الله ده علاج
رائف....ادينى قولتلك اهو لو حصل ولمستى راجل بالطريقة دى مش هتعرفى انا هعمل فيكى ايه
سچى باستفزاز....هتعمل ايه يعنى يا رائف لو انا عملت كده
رائف.... هعمل ايه !همنعك انك تخرجى من البيت نهائي وهحبسك هنا يا سچى
سچى....ليه هو انا قطة علشان تحبسها فى البيت يعنى ولا ايه
رائف....ادينى قولتلك وخلاص ولازم تسمعى كلامى وانتى ساكتة
سچى.. واسمع كلامك ليه يعنى يا رائف
رائف....علشان انا جوزك انتى ناسية ولا ايه
سچى باستفزاز....مش انت بتقول ان احنا جوازنا على الورق وبس وان احنا هننفصل وانى حرة فى حياتى ليه بقى عايز دلوقتى تتحكم فيا
رائف....بلاش طريقتك المستفزة دى يا سچى علشان متندميش انتى فاهمة انتى لسه متعرفنيش كويس واتقى شرى احسنلك
سچى... وده اسمه ايه بقى دا ټهديد ولا ايه يا...رائف
رائف....اعتبريه تحذير لغاية دلوقتى بس لو استمريتى باسلوبك ده هيبقى ټهديد وهتبقى نتيجته وعواقبه كبيرة
سچى....ومش انا اللى بتتهدد يا رائف وسيب ايدى بقى علشان انت وجعت أيدى وبالنظام ده مش هعرف اكمل الجلسة ونام بقى خلينى اشوف شغلى خلى تهديدك لنفسك مش ليا
رائف...انتى ايه اللى جرالك وايه الجرأة اللى انتى بقيتى فيها دى
سچى...مش علشان انا بحترم اللى حواليا ابقى ضعيفة
كان حامد منهمك فى عمله عندما لاحظ دخول هشام
هشام.... سلام عليكم ياعم حامد
حامد.... وعليكم السلام اهلا يا هشام
هشام...انا كنت عايز حضرتك فى كلمتين
حامد....خير يابنى
هشام....الصراحة كنت جاى لحضرتك علشان عايز اطلب منك ايدك بنتك الآنسة أروى ولو حضرتك وافقت اجيب والدتى واخطبها رسمى
حامد....والله يابنى انت ابن حلال وناس طيبين وانا معنديش اعتراض عليك بس لازم اسال بنتى الاول
هشام...حضرتك اعرف رأيها ولو فى نصيب ان شاء الله اجيب والدتى واجى لحضرتك البيت
حامد....ان شاء الله يا بنى
هشام....استأذن انا دلوقتى
حامد...استنى اشرب حاجة
هشام....تسلم ياعمى اسيبك تشوف شغلك سلام عليكم
حامد....وعليكم السلام
استمرت سچى فى عمل الجلسات لرائف وكل مرة يستفزها أكثر من المرة التى كانت قبلها ولكنها كانت تمسك اعصابها باعجوبة حتى لا تتصرف تصرفات خارجة عن ارادتها
بات رائف يستمتع بعمل الجلسات ففى البداية كان يتأفف من عمل تلك الجلسات ولكن منذ بدأت سچى بتولى عمل تلك الجلسات له اصبح ينتظر ميعاد الجلسة بلهفة وشوق ولكنه لم يفصح عن شئ من اللهيب المشتعل فى عينيه التى كانت تبحث فيهم سچى عن راحة فى ليل عڈابها الطويل
مرت الايام وحان ميعاد زفاف أكرم وريهام فأتصلت ريهام على سچى لكى يذهبوا لشراء فستان لحفلة كتب الكتاب فريهام اصرت على عدم اقامة حفل زفاف ولكن ستكتفى بحفلة عائلية لزواجها من أكرم
ريهام....ايوة يا بنتى مش هتيجى نروح نشترى الفستان
سچى....حاضر يا ستي جاية هقولهم هنا فى البيت واجيلك
ريهام....ماشى متتأخريش بقى كتب الكتاب قرب
سچى....دا انتى تلاقيكى عايزة كتب الكتاب دلوقتى هههه
ريهام....هو ينفع يا اختى والنبى
سچى...يا خرابى عليكى وعلى الوقعة اللى انتى فيها
ريهام....ماشى يا سچى انجزى بقى وتعالى
سچى...ماشى سلام
ريهام....مع السلامة
ارتدت سچى ملابسها ودخلت المنزل لتستأذن زوجها فى الخروج وجدته فى غرفته طرقت باب الغرفة سمعت صوت رائف
رائف....ادخل
فتحت سچى الباب وجدته جالس على السرير يضع على رجله جهاز اللاب توب رفع نظره وجدها هى فوضع الجهاز جانبا واعتدل فى جلسته
سچى...انا كنت جاية استأذنك علشان انا خارجة
رائف....خارجة راحة فين
سچى...هروح لريهام علشان هتخرج تشترى فستان لكتب الكتاب
رائف..ماشى تمام
سچى....ماشى ولما ارجع هبقى اعملك جلسة العلاج
رائف بابتسامة..اوك تمام
سچى.. هو انا ممكن اطلب منك طلب
رائف باستغراب...خير طلب ايه ده
سچى...
رأيكم يا حلوين
لا أحد سواك رائفى
البارت الخامس عشر
سچى..ماشى ولما ارجع هبقى اعملك جلسة العلاج
رائف بابتسامة..اوك تمام
سچى...هو انا ممكن اطلب منك طلب
رائف باستغراب..خير طلب ايه ده
سچى..انك تلبس هدومك قبل ما تدخل الاوضة بلاش تدخلى الاوضة بالشكل اللى بتدخل بيه ده
رائف بلؤم..ليه شكلى مش عجبك يا دكتورة 
سچى..انا مقولتش كده انا يعنى مش شايفة ضرورة انك تدخل من غير التيشرت يعنى
رائف..ما لو حتى دخلت بالتيشرت هتخلينى اقلعه علشان تدليك العمود الفقرى
سچى..دا انت عندك رد جاهز لكل حاجة على العموم انت حر سلام
رائف باستفزاز....ياريت يا دكتورة متتأخريش عليا ماشى
سچى بغيظ....حاضر يا باشمهندس رائف
رائف....تصدقى بقالى زمن ما سمعتش حد بيقولى يا باشمهندس كنت واخد انهم ينادولى بحضرة الظابط
وعند هذا تذكر ما حدث له تغيرت ملامح وجهه فعلمت انه عندما تذكر ذلك ستنتابه الآن حالة من الاستياء والعصبية فحاولت تغيير الموضوع
سچى بابتسامة....بس باشمهندس أحلى لايقة عليك اكتر
رائف ...يا سلام
سچى....وحياة عبد السلام ثم انت لازم بقى تنسى وتبتدى حياتك من جديد ربنا مش رايد تبقى ظابط عندك فرصة انك تبقى مثلا باشمهندس شاطر ورجل اعمال ناجح
رائف....وتفتكرى ده ممكن يحصل يا سچى
سچى...وليه لاء ربنا دايما بيدينا فرصة تانية دا لما بنخطأ بيدينا فرصة نستغفر يبقى لما تضيع مننا حاجة مش هيدينا فرصة ان احنا نبدأ من جديد دا سيدنا ايوب كان غنى وكان عنده مال واولاد وكل حاجة ربنا حب يختبره بمرض فضل صابر ولما زوجته قالتله اطلب من ربنا يشيل عنك المړض قالها ان ربنا اداله نعم كتير فلما يبتيله يقنط بسرعة وميصبرش فصبر ولما ربنا اراد شال عنه المړض ورجعله صحته ورجعله ماله وبقى عنده اولاد تانى فانت حاول يا رائف بلاش اليأس اللى انت فيه ده حاجة ضاعت منك دور على غيرها حاول وحاول بلاش تحبط نفسك بتفكيرك ان خلاص حياتك ومستقبلك كده انتهوا لاء دا جايز ان حياتك ومستقبلك هيبتدوا من جديد وهتبقى هى دى الحياة والفرصة اللى ربنا كتبهالك
كان يستمع لكلامها فكلامها مثل البلسم للجراح كان يستمع لها بكل تركيز وانتباه وفكر لماذا لا يفعل ذلك ويبدأ من جديد
رائف....بس هبتدى ازاى وانا كده
سچى...ان كان على كده انت