العاصفة (٢)الحلقة الأولى بقلم / الشيماء محمد شيموووو الروايه حصري

العاصفة ٢الحلقة الأولى بقلم الشيماء محمد شيموووو
الروايه حصري
كريم بتوتر وصوت موجوع طه ! أمل ! كمل بصوت مهزوز أنا مش عارف هي فين 
أمل دموعها نزلت من صوته وغمضت عينيها بۏجع
طه بتوتر أمل هنا يا كريم .
كريم سمع الجملة دي وأحاسيس كتيرة هاجمته .. ارتياح إنها سليمة .. ۏجع إنها بعيدة أوي ! عجز تام ! ضعف ! بيتنفس بالعافية ! شريط اليوم اللي فات كله بيمر قدامه ! وقفته في أوضه مروة في المستشفى وهي فاضية ! وقفته تحت بيت خالها ! طلوعه لكل شقة يخبط عليها ! وقفته في البلكونة بيدعي ربنا تكون سليمة ! لفه بعربيته طول الليل في الشوارع خوفا عليها ! بس أكتر إحساس وجعه كان عجزه ! إحساس العجز اللي كان مسيطر عليه وأفكاره السودا اللي فضلت تهاجمه طول الليل ! غمض عينيه بارتياح
طه سمع صوت أنفاسه ومش عارف يقول ايه وحالة صمت مسيطرة على الكل ..
طه بتردد كريم قول حاجة !
كريم مش عارف ينطق أو يتكلم عايزني أقول ايه ! أنت ازاي قدرت تعمل فيا كده ! كنت متخيل إن ليا خاطر عندك يا طه ! الظاهر إني اديت لنفسي حجم أكبر من حجمي صح 
طه بحزن كريم أنت مش فاهم حاجة .
كريم زعق لدرجة خلت الكل اتنفض أفهم ايه ! أفهم ايه يا طه ! أنا قلتلك إن أمل روحي ! روحي اللي بتنفس بيها وأنتوا تاخدوها مني بالشكل ده ! بالطريقة دي ! أنت عندك ادنى فكرة انا حالتي كانت ايه امبارح ! انت فكرت للحظة فيا ! أنت أخدت روحي مني ! أنت مش متخيل كمية الأفكار السودا اللي طاردتني طول اليوم وطول الليل ! عمال أتصل وموبايلها مقفول .. روحت لمروة في المستشفى وكانت خرجت وفضلت مكاني مش عارف أعمل ايه أو أروح فين ! كلمتها وهي ما تعرفش حاجة ! كنت خاېف أتصل بيك علشان ما تقلقش ! خۏفت عليكم من القلق وأنتوا بتدبحوني ! روحت بيت خالها وقعدت ساعة مش عارف أطلع أقوله ايه ! وطلعت لقيت أربع شقق .. ضحك بۏجع ده أنا اكتشفت إني مش عارف اسم خالك ! أنا خبطت على كل الشقق ومالقيتهاش وشقة واحدة كانت فاضية أنا ماقدرتش أقعد في البيت ونزلت طول الليل ألف في الشوارع يمكن ألحقها لو جرالها حاجة ! وطول الليل عمال أدعي ربنا يبعتلها حد يحميها لو محتاجة لحماية وهي في البيت عندك ! أنت ازاي عملت فيا كده 
طه اتوجع جدا يا كريم أنا ماكنتش .....
قاطعه كريم مش عايز أسمع أي مبرر منك أنا مش هسامحك على فكرة !مش هسامحك يا طه لأني قدرتك صوته مهزوز ومش عارف يتكلم وباين الۏجع في كل كلمة بينطقها أنا قدرتك وكلمتك عن مشاعري وقلتلك هاجي البيت بعد المشروع وللأسف صاحبتها عملت حاډثة فكلمتك تاني وأنا في المستشفى وقلتلك بس مروة تخرج من المستشفى وهاجي .. أنا قدرتك وأنت ماقدرتنيش .
طه كريم اسمعني أرجوك .
كريم زعق مش عايز أسمع ومش هسامحك يا طه .
قفل السكة في وشه وطه بصلهم وصمت مسيطر عليهم كلهم ومتأثرين بكلام كريم خصوصا أمل اللي مابطلتش عياط 
طه بعتاب أنتوا عملتو ايه 
عبدالله بصله أنت اللي عملت ايه هو كلمك قالك ايه 
طه بنرفزة وۏجع قالي إنه بيحبها وعايز يتجوزها بس هي طلبت منه من أول ما