رواية مرسال كل حد الفصل الاول والثاني والثالث والرابع والخامس بقلم آيه السيد حصريه وجديده

ايه تحسه اسم خرع كدا في نفسه.. قالت الاخيرة وهي بتضحك بصلها بنظرات فيها قلق ممزوج بالاحراج حسيت هي بخوفه من انه يقوله فكملت كلامها بتقول بص اوعدك انه مهما كان غرابة اسمك اني مش هضحك.
بصلها في تردد وقبل ما يتكلم كان الجرسون جه وبيحط قدامهم القهوة بعد ما الجرسون ما مشي سألته هو انت طلبت قهوة أمتي
_انا متعود اجي هنا عالطول وعلشان كدا هو عارف طلبي ايه.
طب وهو عرف طلبي منين انا اول مرة اجي هنا
_اه مانا عارف انها اول مرة لك هنا بس بتبقي معروفة يعني اغلب البنات بتحب القهوة سكر زيادة او مبتحبهاش عموما.
اتضايقت ومفهميش ليه وفجأة بدلت فنجان القهوة بتاعها ببتاعه وهي بتقول وانت مين علشان تقرر عني اشربها سكر زيادة ولا سادة ولا إن شا الله حتي بملح..
ابتسم وقالها براحتك بس انا قهوتي مرة وماظنيش هتعجبك القهوة فيها مركزة بحجم الماية
حسيت انها ورطت نفسها وهي اصلا مبتحبش القهوة بس عنادها خلها تشرب رغم ترددها من جوه بس مع أول شرفة بوقها كش من مرارة القهوة وميلت راسها علي التربيزة مش قادرة لا هي تخرجها ولا تبلعها كان بيتابع حركاتها وهو بيضحك جامد ناغشها بنبرة باردة فيها لذة شماتة كدا قلتك يا بهجت انها مرة مصدقتنيش
رفعت صبعها السبابة وهي لسه مميلة علي الترابيزة ويكأنها بتقول الشهادة.. رفعت راسها بعد ما استجمعت قوتها وهي بتقول ممكن زبادي خلاط لو فيه انا غيرت رأيي ومش عايزة قهوة.. قالت جملتها الاخر وهي بتزق فنجان القهوة ناحيته
ابتسم وقالهامانا قلتك من الاول يا نوسة قلتي لا ولا يمكن
ماخلاص بقي يا عم بخ وشوفلنا زبادي خلاط ولا رضعة القرد انا حاسة اني ھموت
_ابتسملها وشاور للجرسون بطلبه وفهم عليه وهي تابعت اسئلتها تاني مقولتش بقي اسمك ايه!
اتنهد وبصلها كدا بتردد بيقول هقولك بس من غير تريقة
وعد
اتنهد وقال بسرعة وهو مغمض عينيه حد
فضلت باصله بهدوء تام مستينه يتكلم فتح عينه واستغرب ردة فعلها وسألهاغريبة يعني متريقتيش
اتريق علي ايه هو انت قلت حاجة
_مانا قلتك حد
ايوة ماله يعني ده يوم ولا بتتكلم عن حد معين ولا انا هكمل باقي الجملة ولا ايه بالظبط.
_لا.. انا اسمي حد
بصتله بتناحة شوية شاور بايده قدام عيناها آنسة شكرا انت معي
معلش عيد كدا اسمك تاني اصل سرحت شوية او ودني هي الي بايظة مش عارفة.
_ بدأنها استظراف.
صدقني مابستظرف بس مش فاهمة او مش مستوعبة انت اسمك ايه بقي.
اتنهد حد
وده من ايه
_نعم
مش قصدي حاجة بس ايه الي رامك علي الاسم ده 
يعني هم اهلك سابوا كل الاسماء الي في الدنيا ومالقوش غير ده.. طب حتي هيثم طيب.
_اصل كنت ضحېة هرومانات
لا مش فاهمة
_ ستي الله يرحمها هي الي سمتني وكانت بتعاني بدماغها..
ايه كفنا الشړ كان عندها الۏحش
_لا طبعا.. بعد الشړ عليها قصدي كان بعد الشړ عليها ما علينا..
امال ايه
_قصدي انها كانت بتعاني بدماغها من ال thinking بعد ١٢ ولسوء حظي يوم ما اتولدت كان طافح عليها الأوفر ثاننكنج وهروماناتها ال٢
لا احكلي اكتر شكل فيه حاجات كتير مشتركة بيني وبين ستك.
_في يوم كان جدي راجع البيت تعبان ولاقي ستي قاعدة في الصالة بټعيط سألها فيه ايه مالك
ردت وهي بټعيط هو ليه محدش مهتم بي
قالها وهو بيحط البسبوسة قدامها ودي تجي.. جبتلك البسبوبسة الي بتحبها
لا انا مش عايزة بسبوبسة
_امال عايزة ايه
سكتت وبصتله بعيون موجوعة هو ليه الناس بتسمي خميس وجمعة ومحدش بيسمي ابنه حد
جدي فهم ان الهرومانات وال اشتغلوا عندها ويا ليلة مش فايتة حاول جدي يجاريها وقالها اشمعنا الحد ماهو فيه اربع ايام تانية محدش بيسمي بهم
ستي عيطت اكتر وقالته شوفت علشان تعرف انك مش مهتم ومش فاكر ان من ٧٠ سنة عدت اتولدت يوم حد الساعة ستة ونص الصبح ..
جدي حاول يناغشها وقالها ستة ونص الصبح مش بدري شوية يا قمر يعني كنت استنيت لبعد الضهر كدا تكون الناس قامت.
انت كمان بتتريق
وقبل ما جدي ما ينطق بكلمة اتصل ابوي بجدي علشان يقوليه ان أمي بتولد ستي بصت لجدي بكل جدية وقالته اسمع لو غريب ابني جاب ولد محدش هيسمه غيري والا أسيبلك