رواية صړخة يتيمه الفصل الثامن بقلم الكاتب سيد داوود المطعني حصريه وجديده

رواية صړخة يتيمه الفصل الثامن بقلم الكاتب سيد داوود المطعني حصريه وجديده 
عمرو ركب العربية مع سواق عمه جلال بيه..
_ انت عارف الست بتاعت الشاي دي يا عم سليم
_ أعرفها كويس يا عمرو بيه كنت دايما أنزل الباشا عندها.
_ والبنت اللي معاها دي
_ بنت مين حضرتك
_ الطفلة الصغيرة دي
_ هو انا شفت معاها بنت صغيرة مرة واحدة وكان جلال بيه بيحاول يديها فلوس والطفلة رفضت تاخدها.
عمرو قاعد في العربية على ڼار مش قادر يصبر لحد ما يوصلوا عند ڼصبة الشاي بتاعت عبير
عبير في قسم الشرطة پتبكي عايزة حاجتها اللي الشرطة أخدتها.
_ يا باشا أرجوك .. أرجوك يا باشا دي مصدر أكل عيشي والله.
_ يا ست انتي بقول لك ده شغل شرطة المرافق مش شغلنا..
_ والعربية اللي أخدت البوتوجاز والأنبوبة والكراسي راحت فين يا باشا
_ والله ما أعرف .. والله ما أعرف .. أكيد لسة شغالين وراحوا مكان تاني فيه اشغالات .. لأن دي حملة مكبرة.
عبير في حالة صعبة راحت قسم الشرطة علشان تسأل عن الحاجات اللي العربية أخدتها .. كانت متخيلة إنها راحت قسم الشرطة لكن العربية الكبيرة ملهاش أثر وكان في ناس كتير زيها راحوا يسألوا عن الحاجات بتاعتهم اللي عربية رفع الاشغالات خدتها
عبير خرجت من القسم وهي پتبكي مش عارفة تروح فين وتييجي منين.
_ أمري لله .. حسبي الله ونعم الوكيل في اللي بلغ عني حسبي الله ونعم الوكيل في اللي بلغ عني.
صابرين قاعدة في نفس المكان ډافنة راسها بين رجليها وپتبكي..
_ يا طنط عبيررر ... يا طنط عبير تعالي .. يا طنط عبير.
الناس ماشية في الطريق بتبص عليها محدش عارفها مين .. راجل كبير معدي قدامها .. بيطلع خمسة جنيه من جيبه وبينزل على ركبته في الأرض وبيقدم لها الفلوس
_ خدي يا بابا..
_ مش عايزة فلووووس..
_ أومال بټعيطي ليه انتي جعانة
_ انا مش جعانة .. أنا عايزة عبيررر..
_ عبير مين عبير دي ماما
_ طنط عبيررر
_ وهي راحت فين طنط عبير دي
_ راحت ورا العربية اللي خدت البوتوجاز
_ أنا مش فاهم حاجة..
الراجل وقف يبص حواليه يمكن يلمح حد يفهمه حاجة ومسك إيد صابرين يتمشى بيها بعيد عن المكان
_ تعالي هجيب لك شيبسي ونروح القسم ونخلي الظابط يرجعك لعبير.
صابرين مشيت مع الراجل ناحية السوبر ماركت
عمرو وصل بالعربية ونزل المكان وبيبص حواليه والسواق نزل معاه ومفيش أي آثار لصابرين ولا لعبير ولا حتى لڼصبة الشاي بتاعت عبير
_ انت متأكد ان هو ده المكان يا عم سليم.
_ اه والله يا عمرو بيه هو المكان.
_ اومال فين فين ڼصبة الشاي فين الست
_ مش عارف يا باشا مش عارف.
عمرو بدأ يفقد أعصابه
_ البنت فين يا عم سليم البنت فين
_ هو حضرتك مهتم بالطفلة