رواية موضوع_عائلي "بيت الهنا" الحلقه التالته بقلم الكاتبه رحاب القاضي حصريه وجديده
المحتويات
شهد زعقت فيه وقالت..
شهد
انت هتنام...
قعد تاني وقال
يا نعم..
شهد پحده
ازاي تخلي ابني يتجوز وانا ما اعرفش..
يونس
عشان ما كنتيش هتوافقي..
شهد
ايوه طبعا ما كنتش هوافق لان البنت دي مش هتنفع تبقي مرات ابني...
يونس
هو انا ضړبته علي ايده يعني وقولتله يتجوزها ما هو اللي اختارها..
شهد بغيظ.
اختيار غلط ومنيل بستين نيله وبعدين مدام اتجوزها رجع لوحده ليه ما جبهاش ليه معاه..
يونس بملل
مالنااش دعوه حاجه بينهم هما الاتنين..
شهد پحده
هو ايه اللي حاجه بينهم هما الاتنين يعني ايه ابني يتجوز وهو يقعد في مكان ومراته في مكان تاني اومال مين ياخد باله منه ويهتم بيه ولا يا خبة عيني هيفضل علي طول في ارابيزي...
يونس بغيظ
شهد انا فاصل وعايز انام فأسكتي..
شهد
هو انت تخربها وتقولي عايز تنام ما فيش نوم يا يونس..
يونس پحده
طيب انا هنام يا شهد وتيجي تتخمدي جنبي وما اسمعش صوتك تاني..
شهد بجمود
عندي شغل مش فاضيه انام تعالي استني هوريك حتت مصممه جات تشتغل عندي من فتره بس شغلها حلو اووي..
يونس بضيق
هو انا مش قولت عايز انام..
شهد پحده
اتخمد يا يونس وابقي اروح اجيب حد من الشارع اشاركه اهتماماتي..
يونس بجمود
عايز انام يا شهد..
شهد
ما تنام هو انا مسكاك..
نام يونس وهي قالت بسرعه
نسيت اقولك يا يونس...
يونس بغيظ
الله يخربيت يونس وسنينه عشان جه في وشك..
ضحكت بهدوء وقالت
ههههه استني والله اخر حاجه عارف مين كلمني النهارده..
قعد يونس وسألها باهتمام
مين..
شهد
فيروز...
يونس
فيروز مين..
شهد
فيروز صحبتي انا وجميله يا يونس فيروز طليقة عزالدين صاحبك..
يونس
ااااه مش دي اللي اختفت وقطعت علاقتها بيكم اول ما اطلقت.
شهد
المسامح كريم وبعدين جميله سافرت مع جوزها بقالها سنه اهو وانا بقيت فعلا لوحدي ولما كلمتني وطلبت اننا نتقابل ما قدرتش اقولها لا.
يونس
وهتقابليها فين..
شهد
قالت هتيجي هنا عندي وجايه بكره بعد المغرب كده..
يونس بخبث
تيجي نعزم عزالدين هو كمان ونخليهم يتقابلو..
شهد
ليه الشړ ده يا حبيبي..
يونس
طيب والله لولا ان عز مسافر بكره لكنت خليته يجي بحب انا جو محاكم الاسره ده...
شهد
طيب ما تيجي اوريك تصميمات المصممه الجديده مدام صحيت..
يونس
تصبحي علي خير يا شهد ولو هتشتغلي اطلعي بره..
شالت الورق جنبيها وحضنته وقالت
لا خلاص هنام بس لسه هحاسبك علي ابني اللي خليته يتجوز من ورايا...
ابتسم بقلة حيله وقال
رينا يهدك يا شهد قوليلي ابنك فين..
شهد بقلق
يزن نايم فوق في شقته..
يونس بجمود
الزفت التاني وما تكدبيش يا شهد..
شهد بقلق
هو قالي ساعه وهيجي والله..
يونس پغضب
طيب نامي ومالكيش دعوه بقي في اللي هعملو فيه...
شهد بقلق
ربنا يستر...
بقلم_الكاتبه_رحاب_القاضي
_وفي بيت الاستاذ حسن دخل البيت وكان الوقت متأخر وقبل ما يدخل اوضه في حاجه مسكت في ايده..
حسن پخوف
بسم الله الرحمن الرحيم ايه يا روفان ايه اللي مصحيكي لحد دلوقتي..
روفان
مستنياك يا سي بابا تقدر تقولي كنت فين لحد دلوقتي..
ابتسم حسن وقال
ايه الطريقه دي دي امك ما بتعملهاش ادخلي نامي يلا..
روفان
لا مش هدخل انام وقولي يلا
متابعة القراءة
