رواية روحي تعاني الفصل السادس كتابات_آيه_شاكر روايات_آيه_شاكر كتابات_آيه_السيد_Aiah_Elsayed

وبص قدامه للحظه وبعدين قال
ابقي ابعتيلي اللينك وأنا هتصرف... المهم دلوقتي نرجع البيت مينفعش وقفتنا كده.
أي بيت أنا معنديش مكان أروحله... أنا مش هرجع بيت نسمه ولا هروح عند بابا...
زفر بق وة وقال بسخرية
أومال هتروحي فين يا سمر هتمشي في الشوارع
قلت بحدة
وإنت مالك أصلا!
قال بتعجب مغلف بالسخرية
أنا مالي!!!
مسح وشه بإيديه ونفخ بضيق قبل ما يقول بهدوء
طيب يا سمر... مترجعيش عند نسمه ولا تروحي عند باباكي... تعالي عندي الشقة...
قلت پصدمة
نعم!!! أجي عندك إزاي!
قال
أكيد مش هقعد معاك في الشقه يا سمر نضفي دماغك.
قلت بارتباك
م... مينفعش وإنت هتروح فين
ملكيش دعوه بقا أنا هتصرف.
بصيت قدامي شويه وسكتت بفكر في كلامه فقال
مينفعش وقفتنا كده والله... يلا بقا
قلت بقلة حيله
يلا...
طلب مني أمشي قدامه ومشي ورايا لحد ما وصلنا لباب العماره فوقفت أستناه لكنه شاورلي اطلع وفعلا طلعت ووقفت قدام باب شقته...
تأملت باب الشقة اللي أنا كنت مختاره لونه البني القاتم كانت هتبقى شقتي لكن كل حاجه نصيب حسيت برعشة جوايا وأنا بتخيل أي عروسه تانيه تدخل الشقه دي غيري! هو أنا مش عايزه أتجوزه لكن برده مش هستحمل أشوفه مع واحده تانيه!
معلش يا سمر هدخل أجيب شوية حاجات وأمشي علطول.
قالها ياسين وهو بيطلع السلم فتح الباب ودخل بسرعه فدخلت وراه وقفلت باب الشقة الټفت بسرعه وقال بحدة مختلطه بالخۏف
قفلت ليه سيبي الباب مفتوح يا سمر وأقفي عنده على ما أجي...
مكنتش عارفه وقتها هو يقصد إيه لكنه كان خاېف عليا! نفذت اللي قاله ووقفت قدام الباب كنت شيفاه وهو بيلف في الشقة ويشيل هدومه وبعد شويه جه يخرج ولكن رجع تاني وهو بيقول بابتسامة
وشاحن الموبايل...
أخذ الشاحن وخرج من الشقة أعطاني مفتاح الشقة وقال
بصي أنا معايا نسخه من مفتاح الشقه لكن مټخافيش مش هدخل هنا طول ما إنت موجوده.
هزيت راسي بحرج فقال
لو احتاجتي أي حاجه... التلفون معاك... وابعتيلي لينك الفيديو اللي بتقولي عليه تمام
هزت راسي بالإيجاب وأنا بقول
تمام.
وخلي بالك من نفسك...
عدلت طرف حجابي وقلت بابتسامة
وإنت كمان...
ابتسم ونزل بسرعه ولما اختفى عن رؤيتي كنت هدخل لكنه طلع تاني وناداني بهمس
سمر... نسيت اقولك حاجه مهمه... فيه أكل على البوتجاز ابقي اتعشي.
قلت
شكرا
حك شعره وقال بمكر
طيب هو الدفتر فين أصل أنا محتاجه...
هو أنا مش قولت إنك مش هتاخده!
حرك إيده وهو بيقول
يعني مفيش أمل ترجعي في كلامك.
حطيت إيدي في جنبي وقلت
قول بقا إنك بتساعدني عشان أديك الدفتر... مش بعيد كمان يكون الأكل اللي على البوتوجاز فيه منوم ولا مهلوس ولا...
شهقت وقلت
ولا يمكن سم عشان تخلص مني قبل ما أقرأ الدفتر!
ضحك وقال بسخرية
بس بس إيه الفيلم الهندي ده!
نزل السلم ولوح بايده وهو بيقول بابتسامة
مش عايز منك حاجه سلام...
قلت قبل ما أدخل الشقه
سلام.
بمجرد ما قفلت الباب ابتسمت وأنا بفتكر كلامه وبلف في الشقة استنشقت رايحتها اللي كانت ريحته حسيت بالراحه والأمان...
ياسين منظم جدا ومش باين خالص إن دي شقة أعزب! 
جذب انتباهي ركن الصلاة اللي في الصالة تذكرت صلاتي أنا محتاجه أتغير بس من بكره عشان تعبانه وعايزه أنام مش عارفه كام مره قولت لنفسي كده قبل ما أنام رقدت على السرير بتاع ياسين وقعدت أحسس عليه وأشم ريحة المخدة وبعدين فوقت لنفسي وقمت من عليه بسرعه ونمت في الصالة...
قعدت أفكر كتير وأحاول طرد الأفكار من دماغي وحاولت أتغلب على نفسي وشيطاني وأقوم أصلي لكن في النهاية غلبني النوم... 
صلوا على خير الأنام  
تاني يوم في الشركه...
شوفت ياسين اللي ابتسملي وسألني عن أحوالي وتجاهلني باقي اليوم