رواية روحي تعاني الفصل السادس كتابات_آيه_شاكر روايات_آيه_شاكر كتابات_آيه_السيد_Aiah_Elsayed
حاجه يا سمر إنك بترجعي... يعني لما تغلطي بتراجعي نفسك وترجعي...
اتنهد بعمق وكمل وهو بيبصلي
وأتمنى تراجعي نفسك في أكبر غلط عملتيه في حقي وحقك.
بصتله وتلاقت نظراتنا فارتبك وبص حوليه يشوف لو حد شايفنا قال بجدية مصطنعة
تمام... وفي أي وقت لو حسيت إنك عايزه مكان فبيتك موجود.
قال كده ودخل الشركة حطيت إيدي على بوقي بذهول هو كده طلب مني إننا نرجع! أيوه طلبها بطريقة غير مباشرة! ما كنتش عارفه هعمل إيه واتوترت زياده! قررت أتكلم مع همسه وأحكيلها...
انتبهت على صوت بسام اللي وقف جنبي وقال بابتسامة
صباح الخير.
اعتدلت في وقفتي وبلعت ريقي قبل ما أرد
ص... صباح النور.
كنت حاسه إنه عاوز يفتح معايا كلام بس دخلت الشركه بسرعه بخطوات مرتبكه عدلت طرف حجابي وأنا بسأل نفسي بغرور
وبعدين بقا في جمالي الطاغي اللي بيسحر الشباب ده!
سألت على همسه كنت عاوزه أتكلم معاها حاسه إنها بتفهمني جدا من نظراتي قبل كلماتي...
لما عرفت إنها ما جتش النهارده قررت أروحلها البيت بعد الشغل قبل ما أروح عند والدي...
وبعد الشغل ركبت تاكسي لبيت همسه كنت أول مره أدخل بيتهما وقفت على البوابه متردده! ولحسن الحظ لقيت مستر هيثم وصل قال بتعجب
الله! إزيك يا سمر
ال... الحمد لله... كنت جايه أقابل أستاذه همسه
كده من غير ميعاد
بصيت للأرض بحرج أنا فعلا مرنتش عليها أستأذن! فضحك وقال بمرح
بهزر معاك... اتفضلي طبعا.
كان أول مره يهزر معايا! وسبحان مغير الأحوال...
ابتسمت ابتسامة صغيرة بحياء وبمجرد ما دخلت وراه من البوابه ووقفت في الجنينه اټصدمت لما شوفت زوجة ياسر الثانيه قاعده على الطاولة وقصادها ياسر اللي بيتكلم معاها ويضحكوا...
اتسمرت مكاني وبلعت ريقي بارتباك لما شوفت ياسر بيأكلها في بوقها...
بدلت نظري بينهم أطفال بيلعبوا وهمسه وهيثم اللي ألقى السلام بنبرة مرتبكة فكلهم بصولي پصدمة...
سألت نفسي هو فيه ايه!! وإيه اللي بيحصل...
ياسر حط الأكل من إيده وبص للأرض وحمحم بتوتر...
وهمسه قامت من مكانها ورحبت بيا بنبرة مرتبكة قالت
أ... إ... اتفضلي يا سمر تعالي م... مقولتيش إنك جايه ك... كنا فرشنا الأرض ورد.
مكنتش عارفه أرد بإيه اكتفيت بابتسامة صغيره وأنا ببص لزوجة ياسر ببغض وفجأة لقيت طفل بيقول لياسر
مصطفى ض ربني يا بابا.
ياسر بصلي بلغبطه وطبطب على ظهر للطفل بارتباك وهو بيقول
م... معلش... معلش يا حبيبي.
صوت الطفل اتكرر جوه عقلي دا قال بابا! هو كمان مخلف منها! والظاهر إن همسه وهيثم عارفين! فعلا مفيش حد سالك أشفقت على أختي جدا محستش بنفسي إلا وأنا بدير ظهري عشان أمشي فمسكت همسه ذراعي وقالت بتوتر
رايحه فين اقعدي...
تنحنحت عشان أزيح الصخره اللي سدت حلقي وقلت
وقت تاني... بعد إذنك.
بصيت على ياسر اللي وقف وقال
استني يا سمر أنا...
ابتسمت بسخرية وقلت
على فكره أنا عارفه من زمان إنك متجوزها عارفه من يوم ما سيبت ياسين... بس متقلقش مقولتش لأختي...
كملت بحزن
كل مره كنت باجي أقولها كنت بشوف ثقتها فيك فبتراجع وأسكت... كنت بخاف أوجعها... بس اتفاجئت إن عندك أطفال كمان... ليه يا ياسر ليه!
قال
إنت فاهمه غلط...
إيه هتنكر إنك متجوزها
قولتها وإنا بشاور على آلاء اللي متابعه الحوار في صمت فقال ياسر
اه متجوزها بس الحكايه مش زي ما إنت فاهمه...
قلت وأنا كاتمة دموعي
مش مهم الحكاية... وأنا أصلا مش عايزه أفهم حاجه...
وقبل ما ينطق بكلمه مشيت بسرعه وخرجت من البيت والدنيا بتلف بيا كنت بتخيله ياسين وكأن إحنا متجوزين وأنا اكتشفت خيانته ليا!
افتكرت والدتي وبكيت بحرقه قررت إني مروحش لوالدي ولا أعتذرله شاورت لأول تاكسي ظهر قدامي وماكنتش عارفه أقوله
وديني فين فركبت وهو مشي من غير ما يسأل وكان جوايا بيتردد صوت واحد
كلهم خاينين...
وبعد ما مشينا مسافة فوقت على صوت السواق اللي كان بيتكلم في التلفون
الأمانه معايا وكله تمام يا باشا.
قلبي دق پخوف خۏفت إنه يكون هيخطفني! فاتعدلت في قعدتي وقولتله
نزلني على جنب لو سمحت.
مردش عليا فكررت جملتي أكتر من مره وكل مره كنت بعلي صوتي عن اللي قبلها وهو مش بيرد عليا تسارعت دقات قلبي وأنفاسي وأنا بخبط على باب التاكسي وبقول بصوت عالي
بقولك نزلني هنا...
يتبع
