رواية روحي تعاني الفصل السابع كتابات_آيه_شاكر روايات_آيه_شاكر كتابات_آيه_السيد_Aiah_Elsayed
ذكاء هبعتلك حد فيهم متقطع في أكياس إنما لو نفذت اللي هنطلبه هرجعلك أخوك والحلوه اللي معايا لكن لما تنفذلنا شويه طلبات كده أولهم تتنازل عن المحضر...
أخويا!!! ياسين!!
أيوه أخوك مشرفنا هنا... هبعتلك ورق بكره عشان تتنازل عن المحضر ولما ترجع بالسلامه هنتفاهم...
وقبل ما يتكلم ياسر قفل الخط فردد ياسر پصدمه
ياسين كمان!
هيثم ومراد كانوا بيبصوله بترقب وبيسالوه حصل ايه وهو مش بيرد كان بيحاول يرن على ياسين لكن موبايله مغلق حط إيده على جبهته بحسره فسأله هيثم بقلق
إيه رد علينا!
قال ياسر بقلة حيلة
سمر وياسين اتخط فوا...
مراد پصدمة
اتخ طفوا! مين عمل كده
هز ياسر رأسه بالنفي وهو بيقول
مش عارف... ومش عارف ورق ايه اللي بتقول هتبعته!
سكت هيثم شويه كان بيبص لياسر بس بيفكر في حل وبعدين قال
متقلقش صدقني هتتحل...
قال مراد
قوم روح ناملك شويه لحد الصبح... عشان نقدر نفكر.
وقف ياسر وهو بيقول بحسرة
أنام إزاي وأخويا مش في سريره!
كمل
والله لو كانت سمر السبب في اللي بيحصل ده عمري ما هسامحها! دي بنت متعبه و....
نفخ بضيق ولما هدى شويه قال
يارب يرجعوا بالسلامه يارب... هسامحها بس يرجعوا بالسلامة.... يارب لطفك يارب.
استغفروا
بقلم آيه شاكر
وتاني يوم فتحت سمر عنيها لقت نفسها متغطيه مكنتش عارفه الوقت لأن الأوضه على اضائتها وكأنها تحت الأرض بصت جنبها لقت ياسين نايم وهو قاعد على الكرسي وقفت ونفضت هدومها وقربت منه براحه...
وقفت تتأمله وهو محاوط نفسه بإيده من الرطوبه والبرد وساند رأسه على الحيطه أخذت الغطاء وحطته عليه فاتنفض وهو بيردد بفزع
سمر.
اهدي يا ياسين أنا كويسه.
ولما شافها قدامه اتنفس بارتياح كان قاعد يحرسها طول الليل خاېف عليها لكن غ ص ب عنه عينه غفلت مسح وشه من أثر النوم وبص في ساعته اللي كانت ٩ صباحا وقف يبص للمكان وقال
وبعدين! هنعمل إيه يا سمر!!
قالت پخوف
مش عارفه!
اتجه ياسين ناحية الباب فنادته سمر بتوتر
رايح فين
مردش عليها وبدأ يخبط على الباب جامد وهو بيقول
افتحوا... افتحوا... عايزين الحمام...
قعد يخبط أكتر من مره لحد ما فتح راجل باين عليه شاب متخطاش الثلاثين وكان معاه سلاح فرجع ياسين بسرعه يقف قدام سمر وهو بيبلع ريقه بارتباك وبيندم أنه خبط على الباب.
قال الشاب الملثم
خير عامل دوشه ليه!
قال ياسين بارتباك
ع... عايزين ندخل الحمام... عشان نتوضى ونصلي
شاور الشاب على حيطه ورانا وقال
الحمام وراكوا أهوه.
بصوا الاتنين للحيطه وقال ياسين
دا جدار!!
نفخ الشاب بزهق وزق الحيطه اللي اتفتحت وكأنها باب وظهر حمام فعلا قال الشاب
أدي الحمام والأكل هيجيلكم دلوقتي.
لما حس ياسين بهدوء الشاب سأله
انتوا مين وعاوزين مننا ايه
ولا حاجه! موضوع كده بنحله وهنسيبكم.
موضوع ايه
دخل راجل تاني ملثم بس لما بصيت لعنيه حسيت إني أعرفه! حط الأكل قدامنا قال
كنا محتاجين حضرتك وحضرتها تكتبوا رسالتين حلوين بخط ايديكم بعد ما تفطروا.
انتفض قلب ياسين وهو بيسأل
رسالتين ايه!!
قال الشاب بابتسامة ضهرت في عنيه
هتكتبوا انكوا اتجوزتوا وبتقضوا شهر العسل.
سأل ياسين پصدمة
إتجوزنا إزاي يعني!
ضحك الراجل وقال بسخرية
اخص عليا هو أنا مقولتلكش! ما انتوا هتتجوزوا النهارده...
عقدت الصدمه لسان ياسين فسكت شاور الراجل للشاب وخرجوا وقفلوا الباب وسابوهم مذهولين من اللي بيحصل وكأنه حلم غريب! يمكن حلو لياسين ومرعب لسمر الټفت ياسين وبصلها كانت واقفه وراه بتبصله پذعر قالت
جواز ايه! دول مجانين!!!
تنهد ياسين بق وة وقال
مټخافيش...
يتبع
متنسوش تتفاعلوا وتقولوا رأيكم وتوقعاتكم
كتابات_آيه_شاكر
روايات_آيه_شاكر
كتابات_آيه_السيد_Aiah_Elsayed
