ازمة_ثقة بقلم_مريم_اليوسف الجزء_الثاني
المحتويات
مالي حظ
نزل راسو وكمل تكنيس الطريق
بعد يومين
ماشية بيان بسيارتا وعم تتلفت يمين وشمال
بيان وينو هاااد .. اووف كان مشروع نجم كتير حلوو .. وليش ما اتصل ولا حتى اجى لعندي ... خلص حاج عذب قلبي مارح لاقيه .. بس انا ماصدقت لقيتو
دعست ع البانزين ومشت بسرعة
خلصت شطف الدرج ونزلت ع باب البناية وهية عم تنزل الكم ع اديها وعم تنزل البنطلون .. كان ابنا قاعد ع الكرسي جنب الناطور ابو العز
عزة شو ماما شو عم تعمل
فهد ولا شي قاعد حد عمو عم يحكيلي قصة
عزة اي منيح ..
ابو العز يعطيكي العافية يابنتي
عزةالله يعافيك .. عمو بدي روح مشوار صغير معلش خلي عندك فهد
ابو العز اكيد فهودة بعيوني
عزة يسلمولي عيونك
راحت لعند الدرج اخدت جزدان صغير وراحت .. وقفت تاكسي ومشت
بالميتم
والله معد عيدا ... والله معد عيدا
هاد الصوت سمعتو ميسون اول ما فاتت من باب الميتم .. وركضت لمصدر الصوت ..
كانت سما واقفة قدام ولد صغير وعم ټضربو على اديه يلي مغطي وجهو فيهن
مسكتلا ايدا ودفشتا لورا
ميسون انتي .. ليش عم تضربيه
سما عاملا على حالو
ميسون وهيك بتضربيه
سما منيح اكتفيت بس هيك
ميسون شو رأيك جبلك شي تنين يساعدوكي عليه .. العما مافي بقلبك رحمة
سما دكتورة ميسون لا تتدخلي احسن ما امنعك من فوتت هاد الميتم عم تفهمي
ميسون بلله شوو
سما اي متل ماسمعتي .. ع حسب معلوماتي انك عم تجي لهون تطوع منك .. يعني مانك موظفة .. واي غلطة معي بمنعك تفوتي على هالميتم بالقانون عم تفهمي
ميسون بسيطة اعملي وكتير
سما هه يلي بيطلع بأيدك بيطلع برجلك
ميسون سحبت الولد عم يبكي ومشت وهية عم تزور سما ..
اخدتو ع غرفتا وصارت تتطلع على اديه الحمر
ميسون الله يكسر اديها .. خلص حبيبي حاج تبكي
ضمتو لصدرا وهو صار يبكي عصدرا وهية صارت تبكي معو
نزلت من التاكسي ووقفت قدام المشفى .. اتطلعت عليه نظرة طويلة بعدين قررت تفوت
دخلت لعند ممرضة الاستقبال
عزة لو سمحتي .. وين بلاقي الدكتور يلي عم يتابع حالة حيدر بيك
ليش عم تسألي حضرتك
عزة بدي اتبرعلو بكيلتي بس اذا اتطابقت
الممرضة طيب لحظة .
رفعت التلفون وقالت جود تعال شوي
اجا ممرض لعندن
جود شوفي
الممرضة هي المدام وصلا لعند الدكتور ايهم
جود تفضلي معي يامدام
طلعت معو ووصلا لعند الدكتور
جود دكتور المدام بدا تقابلك
الدكتور تفضلي
عزة بصراحة بدي اعمل تحاليل وشوف اذا كليتي بتتطابق مع كلية المړيض حيدر
الدكتور بدك تتبرعيلو
عزة اذا اتطابقت
الدكتور كتير محتاجة مصاري لحتى بدك تبعي كليتك
عزة لا انا مابدي بيعا بدي اتبرع فيها
الدكتور بتقربيه يعني
عزة لا مابعرفو
الدكتور كيف هيك
عزة خلص هلأ ما مهم .. المهم بدكن تعموليلي التحاليل
الدكتور اي تفضلي ..
مشو اتجاه المخبر
عزة بس انابقول ما تقولولو انو في متبرع بركي ما اتطابقت
الدكتور وهيك عم نعمل
عزة ممكن اطلب طلب
الدكتور تفضلي
عزة اذا اتطابقت ومشي الحال .. مابدي حيدر يعرف مين انا قبل العملية
الدكتور ليش
عزة يمكن اذا شافني مرة وضعيفة مايرضى ياخد الكلية
الدكتور شو عامل معك حيدر
عزة فضل مابنساه لمۏت .. وكمان مابدي تخبرن انو مارح اخد مصاري .. لبعد ما اطلع بتخبرن
الدكتور ولايهمك ..
وصلو ع المخبر
الدكتور تسطحي هون لو سمحتي
المسا وهية على منصة الرقص وعم ترقص وماخدة عقل الكل .. فجأة من وراها بلال مسكا من زندا ووقفا
وقفت الطبلة والكل صارو يتطلعو عليه
جوري بلال تركني
سحبا لبرا وطلع فيها
جوري بلال .. يا بلال ..
وقفو برا جنب سيارتو
بلال شبك
جوري انت يلي شبك
بلال نسيتي شوفي بيني وبين
جوري لا ما نسيت .. بس
متابعة القراءة
