ازمة_ثقة بقلم_مريم_اليوسف الجزء_الثاني
المحتويات
ع العمليات بدي روح فورا .. مشان الله انتبهي ع فهد
ميسون طيب مابدي اجي زورك
عزة لا لا ولايهمك بدبر حالي ..فهودة ضل مع خالتو ماشي ماما
فهد حاضر ماما
طلعت عزة وميسون قالت لفهد انا فايتة البس مشان نروح مشوار اوكي حبيبي
فهد اوتي
وصلت عزة فورا ع المشفى وطلعت لعند الدكتور كان بغرفتو
الدكتور منيح جيتي بسرعة
عزة شو صاير
الدكتور هاد الشب من فرحتو وقع على الدرج .. ووضعو صعب ... مشان هيك قلنا بنعمل العملية فورا ..
عزة طيب انا جاهزة
الدكتور هلأ بخلي الممرضة تجهزك وانا جاي فورا
وصلت ميسون ع الميتم وكالعادة سمعت صوت سما .. ركضت ع مصدر الصوت .. كان معا عصاية وعم ټضرب الولاد عقاپ جماعي .. ميسون ماتحملت المشهد .. هجمت عليها ووقعتا على الارض وبلشت فيها ضړب
ميشون قلتلك بكسر ايدك اذا بتمديها عليهن وانت جكر بتصيري تعملي هيك ... انا بفرجيكي
سما قومي عني .. والله لاخرب بيتك...
دفشتا وقامت بسرعة
سما عم ټضربي ... يا دكتورة .. بسيطة انا بفرجيكي فاتت اخدت شنتتا وطلعت وهية عم تهدد
الضو فوق عيونا .. والدكتور والممرضين حوليها رايحين راجعين .. قرب الدكتور ومسك ايدا وقال عزة انتي متأكدة لسه في وقت
عزة هزت براسا
الدكتور بأبتسامة طيب قولي يارب
عزة يارب
حطولا ماسك الاوكسجين وبلشت تغيب عن الوعي
عباب العمليات واقفة سلمى وبيان واجا بلال
بلال ماما شوفي شبو حيدر
سلمي وقع على الدرج ومابعرف شو صابو وجبناه لهون
بلال طيب شو صار معو
بيان مابنعرف ..
بلال طيب وينو .. وليش واقفين قدام غرفة العمليات
سلمى قال الدكتور في متبرع
بلال بفرح عنجد يعني حيدر هلأ عم يزرع الكلية
سلمى بدموع الفرح ياارب
بيان الله يقومك بخير وسلامة يا اخي
سلمى ماما روح جهز المصاري للمتبرع
بلال ماما لاتخافي بعشر دقايق بكونو هون بس هلأ بدنا نطمن على حيدر
الشرطة بقلب الميتم
الشرطي بساحةالميتم ومعن سماالدكتورة ميسون وينا
ميسون من غرفتا سمعت وطلعت
ميسون خير انا الدكتورة ميسون خير
الشرطي لو سمحتي معك تصريح انك موظفة بهاد الميتم
ميسون ليش فعل الخير بدو تصريح
الشرطي لو سمحتي ردي عقد السؤال
ميسون لا مامعي
الشرطي ياريت هلأ تطلعي من هون لانك عم تعيقي شغل المربيات ..
ميسون بلله واذا مرض شي طفلة
الشرطي بياخدوه ع المشفى المشافي متكفلة بالمياتم يعني شغلك ما الو لزوم
ميسون طيب ماشي بسيطة انا هلأ طالعة بس راجعة ياسما خانم وقلعك برات هاد المكان ضلي متذكرة هالشي
سحبت فهد من ايدو وطلعت
انفتح باب العمليات وطلعو عزة نايمة على النقالة
بلال اول ماشافا اتذكر لما حيدر ساعدا
بلال لحظة .. لحظة
الممرض تفضل استاذ
بلال هي هية المتبرعة
الممرض اي ..
بلال طيب شو صار بأخي
الممرض انا مابعرف هلأ بيطلع الدكتور وبطمنكن بس ع الاغلب نجحت العميلة
سلمى الف حمد وشكر يارب .. الحمد لله يارب
بيان ضمت اما وهية مبسوطة
المسا فاقت عزة وكان الدكتور فوق راسا
الدكتور الحمد لله عسلامتك
عزة الله يسلمك .. دكتور بدي اطلع
الدكتور بدك تطلعي ع الحمام
عزة بصوت تعبان لا لا بدي اطلع عالبيت
الدكتور مافيكي ع القيلي بدك تضلي عنا ٢٤ ساعة
عزة لاتخاف بنتبه عحالي وكمان رفيقتي دكتورة رح ابقا عندا .. بترجاك بدي اطلع ابني ما بنام بدوني ...
الدكتور طيب رح طالعك عمسؤوليتك واذا صابك شي بترجعي فورا ع المشفى
هزت براسا
الدكتور هلأ بخيلهن ياخدوكي بسيارة اسعاف
عزة يكتر خيرك
الدكتور مابدك تتطمني عن الشب
عزة اي صحي كيفو
الدكتور منيح كتير والعملية نجحت ١٠٠
عزة اي الحمد لله
الدكتور بس الجماعة كانو ناطرينك لحتى يتشكروكي ويعطوكي مصاري
عزة انا ماقلتلك مابدي شي
الدكتور طيب انتي قوليلن هالشي
عزة لا لا مابدي يحرجوني
متابعة القراءة
