ازمة_ثقة بقلم_مريم_اليوسف الجزء_الثاني
المحتويات
ويعطوني المصاري ڠصب عني .. انا بدي روح هلأ مشان مايعرفو عني شي
الدكتور يعني مابدك يعرفو هويتك
عزة لا
الدكتور طيب ع راحتك .. انا رح اعملك وراق الخروج وخبرن مشان ياخدوكي على بيتك
تمت اجراءت الخروج وطالعو عزة بسيارة اسعاف على بيت ميسون
دخل الدكتور لعند حيدر وكان اول مانو فايق والكل حواليه
حيدربصوت تعبان مبحوح وين انا وشو صار معي
الدكتور الحمد لله عسلامتك.. هلأ صار فيك تعيش حياتك طبيعي والله ريحك من جلسات الغسيل
حيدر زرعتولي كلية
الدكتور اي .. الحمد لله عسلامتك
حيدر الله يسلمك يادكتور .. بس ماني متذكر شي
سلمى وقعت ع الدرج بالبيت .. مانك متذكر
حيدر اي .. اي .. كنت نازل خبرك انو لقيت متبرع
بيان صح دكتور فاقت الصبية يلي تبعرت بالكلية لاخي
الدكتور اي فاقت وطلعت عبيتا
بلال كيف هيك .. وكيف بتطالعوها وهية طالعة من العملية من ساعات
الدكتور اصرت انها تطلع وقال رفيقتا دكتورة بتعتني فيها
حيدر طيب مين هي الصبية
الدكتور قال مابدا حدا يعرف عنها شي
بلال طيب مابدا تاخد المصاري مشان الكلية
الدكتور قال هية تبرعت بكليتا مو باعتا ..
بلال ما بصير هيك هي مخلوقة عباب الله .. ع القليلة نساعدا بحيلا شي
حيدر انت بتعرفا بلال
بلال هية نفسا يلي انت دخلتلا ابنا ع المشفى لما ماكان معا مصاري
حيدر امممم .. شكلا مابتحب يكون عليها شي وعملت وحدة بوحدة
بلال بس هية كلية
الدكتور المهم هلأ المخلوقة عملت يلي بريحا ونحنا مابنقدر نمنعا .. المهم هلأ صحة حيدر .. حيدر لا تتعب حالك ولاتحكي كتير
حيدر هز براسو
الدكتور بالاذن
ميسون حاطة عشا وعم تتعشا هية وفهد
فهد خالة ماما بدا تطول
ميسون ماما مرضت شوي وهية هلأ نايمة بالمشفى بكرا بنروح لعندا ماشي
فهد ماشي
ميسون بصوت واطي لك انا كيف بدي اطمن عليها ماعطتني لا رقم اتصل فيها ولابعرف هية بأيو مشفى .. ياربي بركي صرلا شي .. الله يكون معك ياعزة
الباب عم يندق
قامت ميسون فتحت وكانو ممرضين حاملين عزة على نقالة
ميسون عزة !!
عزة خليني فوت هلأ
ميسون يلا .. يلا
فتحت درفتين الباب وفوتتن
ميسون ع غرفة النوم .. اي عنكن
حطوها على التخت وحطو جنبا كيس ادوية وراحو
ميسون سكرت الباب ورجعت لعند عزة بسرعة هية وفهد
ميسون شوو صار معك .. عملتي العملية
عزة هزت براسا
ميسون وليش ماضليت بالمشفى
عزة هون احسن
ميسون ولا يهمك انا هون وبعتني فيكي
عزة الدكتور كتب كلشي بالورقة
فتحت كيس الدوا وطلع الروشتة وقرتا
ميسون هلأ مابدك شي يلا نامي وانا رح شغلك السيروم
فهد كيفك ماما
عزة مشتاقتلك ياروح الماما
ميسون علقتلا سيروم ومسكت فهد من ايدو وقالت خلي الماما ترتاح
بعد اسبوع
المسا ببيت ميسون
لابسة بدلة الرقص وحاطة ع وجها تاتو مع مكياج تقيل خافي ملامح وجها طبعا المكياج مابيخفي ع الاخير بس التاتو بيخفي شوي .. وعم تلبس العباية فوقا .. كانت عزة متسطة ع الكنبة وابنا نايم جنبا كانت عم تتفرج ع ال
عزة ع وين
ميسون مو مبين ع وين
عزة فكرتك بطلتي
ميسون لا بس كنت اخدة اجازة مشانك
عزة امم .. انا بكرا رح اطلع دور ع شغل
ميسون ليش صرتي منيحة
عزة اي منيحة
ميسون طيب دبرلك عن طريق معارفي
عزة لا لا .. خليني بعيدة عن شغلك
ميسون طيب متل مابدك ..
بلال قاعد ومتسطح قدام ال رن تلفونو
بلال الو
_كيفك بلال بيك
بلال شوفي
_جوري اتصلت وقالت انها رح تجي اليوم
بلال اها .. طيب ماعرفت وين كانت مختفية
_لا هلأ بنعرف منها كلشي
بلال طيب جاي
سكر التلفون وقام
سلوى مين هي يلي مختفية
بلال مادخلك
صفنت بال وحبست الدمعة بعينا
بحديقة الفيلا
سلمى ماما حيدر قوم خلينا ندخل لجوا هلأ
متابعة القراءة
