ازمة_ثقة الجزء_السادس بقلم_مريم_اليوسف

ازمة_ثقة
الجزء_السادس
بقلم_مريم_اليوسف
بالمعمل
طلع حيدر من غرفتو وهو لابس مريول ازرق وطلع يتفقد البضاعة .. وبلشت يمرق بين الخزانات .. وهو عم يمشي اجا بلال ووقف وراه
الټفت عليه حيدر وقال اهلين
بلال شو خلصت
حيدر اي لسه شوي... ماتوقعتك تجي
بلال ليش
حيدر مابعرف مجرد احساس
بلال اي
حيدر بلال قلي انت شو عم يصير معك انو شو الشي يلي خلاك توصل لهون .. اخي حكيلي
بلال ولا شي .. خلص انسا شي راح
حيدر مابظن انو شي وراح
بلال شو قصدك
حيدر قصدي انو سلوى مارح ترجع علاقتك فيها متل اول .. وهي الرقاصة انا متأكد مارح تتركا بحالا
بلال ....
حيدر حكي صح مو هيك
بلال لا .. خلص انسا .. انا كنت حابب عيش بطيش .. كلشي بقدر اوصلو بدي اوصلو .. بس خلص معد بدي شي
حيدر يعني فينا نقول عقلت
بلال هههه هيك شي
حيدر طيب وسلوى حرام عليك المخلوقة مالا غيرك لو وحدة غيرا كانت تركتك من زمان .. بس هية عم تتحملك مشان هالولاد
بلال ههه خلص رح فكر فيها بشكل جدي
حيدر لا يكتر خيرك ههههه
اجت سميرة ومعا فنجانين قهوة
سميرة وين بتحبو تشربو القهوة
بلال مابعرف شوفي حيدر بيك
حيدر وصليها عمكتبي جايين
سميرة بتأمر
مشت خطوتين ووقفا صوت بلال
بلال سميرة
سميرة نعم يابيك
بلال في وحدة اجت من طرفي عأساس تشتغل هون اجت
سميرة قصدك عزة
بلال مابعرف شو اسما .. يمكن هية .. وينا هلأ
سميرة اي عزة .. اليوم اخدت اجازة قال عندا وضع طارق
بلال طيب روحي يعطيكي العافية
حيدر مين هي
بلال واحد صديقي طلب مني شغل وحدة عنا بالمصنع وهية كتير فقيرة وانا شغلتا
حيدر ومن ايمت قلبك طيب وبتحب تساعد غيرك
بلال ههه هو صح مافي بالعادة بس ماحبيت خجلو وهية البنت عنجد محتاجة عهوا ماحكالي
حيدر يعني ماشفتا
بلال لا
​​​​​دقت الباب وفاتت رمت شنتايتا ع اول كرسي ولحقت ميسون يلي فتحت الباب وفاتت قداما
عزة ميسون شبك
ميسون فوتي هلأ فوتي
فاتو وقعدو بالصالون
عزة حكيلي شبك
ميسون صارت تبكي
عزة ليش عم تبكي
ميسون تعبت
عزة شوو في
ميسون انا شو بنظرك
عزة ...
ميسون انا رخيصة .. عم امشي وعفس بهل الدنيا ومابعرف شوبدي .
عزة مافكرتي توقفي
ميسون عن شو بدي وقف
عزة عن كلشي .. وتبلشي من جديد
ميسون مابقدر .. خلص انا مشيت بين الۏسخ وصرت ۏسخة
عزة لا مانك ۏسخة .. ع القليلة بعدك محافظة على ميسون .. العالم بتعرف جوري .. مۏتي جوري وبلشي من جديد فتحي عيادة خاصة فيكي وفيكي تنظمي وقتك بين العيادة والميتم
ميسون مابقدر اتراجع
عزة ليش ..
ميسون بدي مصاري .. مشان نرمم الميتم
عزة مو شغلة الدولة هي
ميسون هه دولة .. الدولة صح بتساعد بس مامتل مابدنا
عزة شو بدكن
ميسون عم اعمل تعديلات لغرف الولاد .. وكمان مافي متبرعين والولاد عم يشتهو كتير شغلات وعم يطلبوها مني وانا ماعم اقدر ارفضلن طلب .. ومصاري الرقص عم حسها حلال لانو بجيبا من عالم عم ترمي مصاريها ع الرقاصات وفي ولاد عم يشتهو لقمة الخبز
عزة طيب ليش عم تبكي اذا مقتنعة بالشي يلي عم تعمليه
ميسون لاني رخصت حالي كتير اخر فترة .. بعت حالي لواحد حقېر
عزة عنجد 
ميسون بلشت تحكي بدون وعي كان بدو اياني وصار ېهدد انا قلت مابدي مشاكل بروح معو بس بشرط يكون بالحلال وهو وافق كتب كتابو علي وتغير ١٨٠ درجة صار مايقلي غير ياوسخة ويافلتانة ومن هالحكي حتى وصلت المواصيل واهلو عرفو كمان ماخلو كلمة ۏسخة والا حكوني فيها
يا الله شو قرفت من حالي .. تخيلي قاعدين عم يسبو ويشتمو فيني وانا ساكتة وماعم اقدر دافع