ازمة_ثقة الجزء_السادس بقلم_مريم_اليوسف
المحتويات
بس رديت الجميل
حيدر بس هيك حطيتي دين كبير برقبتي .. ع القليلة كان خلينا نساعدك بمبلغ بسيط
عزة انا لما عطيتك كليتي عطيتك اياه تبرع مو بيع.. وانا لو ماعملت هيك كان في دين كبير برقبتي وهيك صرنا متعادلين
حيدر ماتعرفت ع اسمك
عزة عزة
حيدر اسم ع مسمى .. عنجد عزة
عزة شكرا ..
حيدر بس ليش عم تشغتلي هون
عزة اذا عندك مانع بترك
حيدر لا لا .. بس ليش عم تشتغلي بالتنضيف لو بعرف انو انتي كنت دبرتلك وظيفة احسن
عزة مافي داعي .. والشغل سهل مانو صعب
حيدر بنشوف الموضوع بعدين
عزة طيب بدك مني شي هلأ
حيدر لا فيكي ترجعي ع شغلك
عزة بالاذن
قامت عن الكرسي واتجهت لعند الباب
حيدر لحظة
عزة تفضل
حيدر كيفو ابنك
عزة بخير الحمد لله
حيدر شو كان اسمو
عزة فهد
حيدر حلو كتير .. الله يحميلك اياه
عزة تسلم
لفت ضهرا ومشت
مسك تلفونو وحطو ع ادنو بعد ما طلب رقم
حيدر الو بلال وينك ... اي جاي لعندك خليك محلك
طالعة بيان من مطعم ديلفيري ومعا كياس اكل جاهز .. قربت حطتن بالسيارة بالمقعد الخلفي وركبت ورا المقود ومشت .. وصلت لمنطقة مزدحمة كتير
بيان اووف شو هالعجقة هي .. التفتت لجهة اليمين كان في دخلة وفي لافتةمكتوب عليها حي الحصن
بيان بهاد الحي ساكن سعد ع الاغلب .. عكست المقود ودخلت بالحي .. كان عبارة عن حي كبير بس اغلب البيوت قديمة .. وقفت عند اول شخص شافتو ..
بيان لوسمحت بيت سعد وين بيصير
قصدك سعد الزبال
بيان الو اسم
اصلا محدا بيعرفو غير سعد الزبال
بيان المهم وين اسمو .. لك ياربي بيتو
هداك البيت يلي بابو اسود
بيان اي شكرا
قربت ودقت الباب
انفتح الباب وكان سعد لابس بجامة سودة وفوقا بروتيل اسود بارزلو جسمو وعضلاتو ولابس شحاطة نايلن .. لما شافا تلبك وماعرف شو يعمل
سعد انسة بيان اهلا وسهلا .. لاتواخذيني فتحتلك وانا بهي الحالة فكرت واحد من شباب الحارة .. تفضلي .. تفضلي ليش واقفة ع الباب .. ولا قلك لحظة لحتى البس .. لك قصدي تفضلي .. وانا بفوت بلبس .. لك قصدي تفضلي امي واخواتي جوا .. تفضلي .. تفضلي
بيان ههههه شوي .. شوي .. عادي ليش متوتر
تركها واقفة ع الباب وهو فات متل الاجدب
بيان وين راح هاد وتركني واقفة ع الباب لحالي .. فوت ولا استناه .. لا شو فوت عيب خلص بستناه .. وبعدين انا كيف بجي بلا موعد .. خلص رح روح .. بس اذا رحت رح يفكرني زعلت خلص رح انطرو ..
مافي ثواني والا طلع سعد وهو لابس تيشريت نص كم
سعد مشان الله لاتواخذيني فتت ببعض وتركتك ع الباب تفضلي .. تفضلي
بيان عفكرة مافي داعي للخجل .. انو عادي
سعد حك شعرو وقال ههه معك حق .دخلو ع اول غرفة وكان فيها ولاد ناكشين الالعاب بالارض وعم يلعبو وحويليهن فرشات ع الارض
سعد ولاه عبد قوم جيب كرسي للأنسة
بيان لا لا بقعد ع الارض
سعد بس مابصير مانك متعودة
بيان ههه بتعود شو هالمشكلة
قربت وقعدت وھجمو عليها الولاد
انا عبد
وانا سمير
وانا رغد
وانا سارة ودلعي سوسو
بيان ههههه اهلين ياحلوين
طلعت ام سعد من المطبخ ومعهل صينية كبيرة عليها اكل
ام سعد يوه عنا ضيوف
حطت الصينية بالارض وقربت من بيان وبلشت فيها التبويس
سعد امييي .. مو هيك شوي شوي ع البنت
ام سعد مين هالصبية ولك سعد
سعد الانسة بيان المصورة
ام سعد زاتنا البركة .. قومي حبيبتي لناكل
اتطلعت ع الصينية كان عليه صحن كبير فيه بيتنجان مقلي وجنبو
متابعة القراءة
