ازمة_ثقة الجزء_السادس بقلم_مريم_اليوسف
المحتويات
.. معقول مابحب مرتو
بيان مابعرف .. مع انو هو يلي اختارا وقال لاهلي يروحو يخطبولو اياها يعني محدا ڠصبو .. انا كتير زعلانة على سلوى حرام مابتستاهل كتير ادمية ومع كل هالشي ما حردت او زعلت ضلت ببيتا وعند ولادا
سعد والله بنت اصل
بيان بس كلو من هديك الفلتانة يلي فاتت عحياتو .. ويلي عرفتو من حيدر انها رقاصة
سعد كمان!!
بيان اي والله .. اكيد لعبت بعقلو
سعد بس سمحيلي بهل الكلمة عهوا ماحكيتلي عن اخوكي انو صعب ينلعب بعقلو .. بس اكيد لقى شي عند هديك ماعندا اياه مرتو
بيان انت هيك بتشوف
سعد وجهة نظري مو اكتر
بيان بس شو ماكان هي خړابة بيوت
سعد اكيد .. الله يبعدا عنو
بيان امين .. انا رح استأذن رح روح شوي ع الحمام
سعد اي اكيد تفضلي اذنك معك
اول ماراحت سعد طلع جزدان وفتحو وماكان معو مصاري ابدا يادوب يشترو كيس بطاطا شيبس
سعد شوبدي اعمل هلأ ماحلوة خليها تدفع .. اوووف
كانت راجعة تاخد شنتتا ووقفت لما شافتو عم يفتح جزدانو .. رجعت ع الحمام بقيت شوي بعدين رجعت ع الطاولة
بيان طولت
سعد لا ابدا
فتحت شنتتا وطلعت شوية مصاري وقالت تفضل ..
سعد شو ها...
قاطعتو قبل ماتكمل هدول من المخرج طلب مني اعطيك اياهن كدفعة ع الحساب .. لانو عطلناك عن شغلك وقعدت بالبيت .. وقال بكرا رح نبلش بروفات
سعد بس
بيان شو بس مابس هدول امانة وانا مأمنة وصلك اياهم .. الا اذا مابدك اياهم
سعد ههه طيب شكرا الك
بيان رح اطلب الحساب ..
اجا الكرسون
بيان اخدت الفاتورة لحتى تدفع
سعد انا بحاسب
بيان مابصير انا عزمتك
سعد لا والله انا بدفع .. سحب الفاتورة فتحا حط فيها مصاري وعطاها للكرسون بعين قوية
خفت ابتسامتا وقامو
بعد عدة ايام
سميرة عزة وصلي القهوة عغرفة المدير
عزة مدير اي مدير
سميرة المدير حيدر .. ااه صح انتي مابتعرفيه لسه
عزة وين كان هاد
سميرة هاد بيجي بالنوادر ع المصنع اكتر شغلو بالشركة بيجي بيتفقد البضاعة وبروح
عزة طيب شوي وبوصلا
سميرة ماشي وانا رايحة نضف شوي
حملت عزة القهوة وراحت عغرفة حيدر
دقت الباب كان عندو شخصين عم يحكي معن
حيدر طيب ماشي يلي بدك اياه والسعر مارح نختلف عليه
قربت ضيفت القهوة وراسا بالارض واخر فنجان حطتو قدام حيدر .. حيدر اتطلع عليها نظرة سريعة بس سرعان مارجع نظرو عليها
حيدر لحظة شوي
عزة رفتت راسا واتطلعت فيه خير يابيك
حيدر هي انتي
عزة اتطلعت فيه بتمعن بس ماعم تتذكرو لانو سمنان شوي ووجهو متحسن لانو قبل كان السواد كتير تحت عيونو
عزة مافهمت عليك
حيدر اتطلع ع الاشخاص يلي عندو ورجع اتطلع على عزة وقال لوسمحتي انطريني برا بس لخلص
عزة طيب ماشي
طلعت ووقفت ع الباب وهية ضامة الصينة وعم تفكر
عزة وجهو مألوف عندي ياترى مين هاد .. والله شايفتو .. معقول كمان هو بيعرفني .. العما معقول صابني زهايمر ... الله ېخرب بيتك يا اسامة عم افقد ذاكرتي بسببك ..
طلع حيدر ودع ضيوفو ع الباب وطلب من عزة تدخل
حيدر تفضلي ارتاحي
قعدت وهية متلبكة
عزة ممكن احكي
حيدر اكيد تفضلي
عزة انت يعني بتعرفني ..انا حاسة حالي بعرفك بس ماعم اتذكرك
حيدر مو انتي يلي تبرعتيلي بكليتك
وقفت وقالت هاد انت
حيدر اصبح ماني مخربط
عزة بس .. بس .. بس كيف عرفت انو انا
حيدر اخي شافك لما طلعتي من العمليات وخبرني انو ام الطفل يلي ساعدتو هية يلي تبرعتلي
عزة بصراحة ماعرفتك كتير متغير
حيدر للأحسن مو هيك
عزة اي
حيدر كلو بفضلك .. قوليلي ليش عملتي هيك
عزة انا ماعملت شي .. انا
متابعة القراءة
