ازمة_ثقة الجزء_الواحد_والعشرون_والاخير الكاتبة_مريم_اليوسف
ازمة_ثقة
الجزء_الواحد_والعشرون_والاخير
الكاتبة_مريم_اليوسف
ع باب معهد الموسيقا
طالعة عزة ومعا شب وصبية
الشب عفكرة صوتك كتير حلو .. اكيد انتي مشروع نجمة كبير
البنت مظبوط وانا بأيدو .. عنجد عندك خامة صوت بتجنن .. انا لو محلك بعمل فيديو كليب بنزلو ع السوق خليه يكسر الدنيا .. وخديها مني .. يومين وبتنشهر
عزة لو معي اعمل فيديو كليب ماكنت نطرت لهلأ هههه عكل حال بنمشي خطوة خطوة
الشب بتحبي وصلك بطريقنا
عزة لا شكرا مابدي عذبكن
الشب والله مافي عڈاب .. بالعكس مبسوطين بالتعرف عليكي
عزة طيب رح اقبل التوصيلة
الشب بتنوري السيارة وصحاب السيارة ههههه
مشت معن وهية عم تضحك .. وحيدر عم يراقبا من بعيد وباين الڠضب على وجهو وعم يشد على الدركسيون .. شافها فتحت الباب لتركب .. دعس على البنزين ومشي لقدام السيارة
هية كانت راكبة .. نزل من السيارة وفتح عليها الباب
عزة حيدر
حيدر اي حيدر تفضلي نزلي
عزة مادخلك فيني وامشي بطريقك
حيدر عزة انزلي
عزة حييدر .. امشي بطريقك .. مابدي اجي معك
مسكا من دراعا وسحبا برات السيارة
عزة لك تركني يا مچنون
حيدر دق على السيارة دقتين وقال امشي حبيب
بس الشب ما مشي ونزل هو والبنت
الشب مين هاد عزة
عزة خلص خالد امشي
خالد ماني ماشي .. وانت يا استاذ بعد عنها
حيدر سماع حبيبي ركاب بسيارتك وامشي .. احسن ماوديك بخبر كان
عزة خالد اسمعني .. روحو انتو .. هاد مابينعلق معو
خالد مين ما كان يكون
حيدر مسكو من ياقة قميصو وقال بتمشي ولا بوديك لورا الشمس
البنت خالد بترجاك تعال
عزة حيدر تركو
حيدر روحي اركبي بالسيارة بتركو
عزة خلص رايحة اركب .. بس تركو
حيدر يلا رووحي
راحت ركبت بالسيارة .. وحيدر تركو ومشي
ركب جنبا وخالد مشي بسيارتو
عزة شو تصرف المراهقين هاد
حيدر عم يربط الحزام وقال والله انتي يلي خليتني اتصرف هيك تصرف
عزة مدت ايدا لتفتح الباب لتنزل بس لقتو مقفول
عزة شووبدك انت .. قلتلك مابدي اياك طلاع من حياتي
حيدر مين هاد يلي عم تركبي معو .. بتعرفيه
عزة اي زميلي بالمعهد
حيدر شي حلو .. شوبدا تحكي عنك العالم .. طالعة مع واحد مابيقربا
عزة ايو عالم بدا تحكي .. وبعدين ليش انت بتقربني
حيدر اي انا بقربك
عزة وشو بتقربني بلله
حيدر زوجك المستقبلي
عزة مافشرت
حيدر لسانك طولان
عزة طولان ولاقصران مااادخلك
حيدر انت فلتي ع الاخير وصار لازمك ضب
عزة مين يلي لازمو ضب .. حيدر احترم حالك
حيدر والله انتي يلي لازم تحترمي حالك .. مطلقة وعم تركب مع هاد وهاد .. شي حلو
عزة مين موكلك علي انت .. وبرجع بقلك مادخلك
حيدر مطلقة بتقعدي ببيتك مع ابنك ومصروفك بيوصل لعندك .. اما تطلعي وتفوتي ممنوع
عزة لك ياااربي .. شوبدك مني انت
حيدر بدي اياكي
عزة يا الله .. من وين اجتني هالمصيبة
حيدر وبتشوفي ياعزة .. اذا مابحرمك تطلعي من البيت مابكون اسمي حيدر
عزة بدي اطلع وفوت ومابحقلك تمنعني
حيدر ممنوع .. بتقبلي تتزوجيني ساعتها بوافق
عزة معد ردت
حيدر احكي شبك سكتي
عزة شوبدي احكي .. ليش خليتلي مجال للحكي
حيدر يعني وافقتي
عزة لأ .. بس معد بدي ناقشك .. انا اكره شغلة علي هية انو ناقش حدا مابيتناقش
حيدر رايحة ع البيت
عزة لأ بدي جيب فهد من المدرسة
دور السيارة ومشي
حيدر بكرا عرس اختي .. بدك تجي
عزة بصفتي شو بدي اجي
حيدر زوجتي المستقبلية
عزة هه محدا عزمني
حيدر انا هلأ عم اعزمك
عزة اي ماني جااي
حيدر بس بدي اعرف من وين جايبة هالعند
عزة يمكن وراثة
حيدر ههه المشكلة ما بنعرف مين اهلك .. بدنا نعرف من ناحية الاب ولا من ناحية الام
عزة
________________
بالفيلا
نازلة بيان مستعجلة
سلمى ع وين
بيان مشوار صغير مابطول
طلعت ركبت سيارتا ومشي ومن وراها كان جاي حكم .. زمرلا ما انتبهتلو وهو شافا مستعجلة كمل وراها
وصلت لقدام كافيه
حكم شو جايبا لهون
نزلت وهو صف السيارة ونزل وراها .. فات ولقاها قاعدة على طاولة فاضية وما معا حدا
حكم احساس غريب تسلل عقلبو راح لمكان مخفي وقعد وكان في مجلة فتحا قدام وجهو
بيان قاعدة على الطاولة وعم تهز برجلا وتتذكر المكالمة
فلااااش_باااااك
بيان سعد !
سعد اي سعد
بيان خير ليش متصل
سعد قال بكرا عرسك
بيان اي انتم السابقون ونحن الاحقون
سعد بدي شوفك
بيان اسفة
سعد بتعرفي .. اذا ماجيتي ع المكان يلي رح قلك عليه .. بكرا بوعدك خليه يوم ماينتسى
بيان شوبدك تعمل
سعد رح اخطفك
بيان حاج جنان
سعد اذا مانك مصدقة لاتجي .. وشوفي بكرا شو ممكن يصير
بيان وين المكان
سعد بعد ساعة .. بالمكان يلي كنا نتقابل فيه
بيان جاي
بااااك
حكم قاعد عم يراقب .. ضړبت عينو ع الباب وشاف سعد فايت .. اڼصدم صدمة كبيرة
سعد ضل مكمل لعند بيان .. سحب الكرسي وقعد مقبالا
حكم صفن فيهن شوي والشرار عم يطلع من عيونو .. لفت انتباهو علبة محارم محطوط منها عكل طاولة مصنوعة من السيراميك ..
نده للكرسون .. وطلع موبايلو وفتحو ع تسجيل الصوت ..
حكم هديك الطاولة شايفا
اتطلع عليهن وقال اي شايفا
حكم في عليها علبة محارم .. بدي تاخد هاد الموبايل وتحطو بقلب علبة المحارم
الكرسون كيف هيك .
حكم مابعرف دبر حالك .. عأساس عم تبدلا يلي بدك اياه عملو .. وطلع رزمة مصاري وعطاه اياهن
الكرسون طلباتك اوامر
حكم لحظة لحطو وضع طيران وصامت .. وشغل المسجل
شغلن وعطاه الموبايل
الكرسورن راح لعندن
الكرسرون شو بتشربو
بيان قهوة وبسرعة
الكرسون تكرمو
لف ليمشي ونكع العلبة بأيدو لتوقع ع الارض وتنكسر
الكرسون سووري .. رح جيب وحدة تانية ..
راح جاب وحدة تانية وحط فيها الموبايل .. وحطا ع الطاولة .. واجا شب تاني صار ينضف الازاز
بعد مدة .. قامت بيان .. وسعد وراها حاسب وطلع .. وحكم طبعا متخفي ورا المجلة .. ولما طلعو .. نده للكرسون نفسو
الكرسون اخد العلبة ع المطبخ .. ورجعا ع مكانا واجا لعند حكم وقلو تفضل
اخد الموبايل منو ووقف وكبس ع ايقاف التسجيل وطلع .. ركب بالسيارة وفتح التسجيل
صوت الكرسون اسف ع الشي يلي صار
بيان مامشكلة ولا يهمك
سعد بنرجع لموضوعنا
بيان تفضل
سعد بيان انا بحبك
بيان وبعدين
سعد نحنا لبعض .. نحنا خلقنا لنكون لبعض
بيان ههههه .. نسيت الكلام يلي قلتلي اياه بالمشفى بعد ماطلعت انا صابني اڼهيار عصبي تاني وكنت رحت فيها
سعد سلامة قلبك
بيان الله لايسلم فيك ولاعضمة ..انت لو ماهددتني ع الموبايل ماني جاي .. احكي شوفي عندك وخلصني
سعد بيان تعي نهرب
بيان ههه هيك بهل البساطة
سعد اي .. نحنا غلطنا بس اذا بنتسمر هيك اكبر غلط .. لازم نرجع لبعض ونكمل مع بعض .. بيان خلقت لسعد وسعد خلق لبيان
بيان على حد علمي تزوجت ههه بدك تنزلني ع ضرة
سعد لا .. مرتي رح طلقا .. بيان انا صح تزوجت بس بالاسم .. مرتي والله مالمستا
بيان مابهمني .. سعد نحنا كلشي بيناتنا انتهى .. وانا بكرا عرسي
سعد حاج تكابري .. بعرف انك بتحبيني وپتموتي فيني كمان .. بيان اقسم بلله اذا ماجيتي معي .. بكرا رح اخطفك من العرس
بيان حاج تخبيص .. ورجاع لمرتك
سعد انتي مرتي عم تفهمي
بيان انا ماني الك .. انا بحب حكم
سعد كذااابة .. حاج تكذبي عحالك .. لاتدمريني وتدمري حالك .. على غلطة وانا سببها .. بيان انا متقبلك
