ازمة_ثقة الجزء_الواحد_والعشرون_والاخير الكاتبة_مريم_اليوسف
واياه وتبكي
عزة وين كنت ياعمري .. وين كنت ياروحي
فهد وهو عم يفرك عينو من البكي ماما انا كنت خاېف
عزة انا كنت روح مۏت عليك ياعمري
الشرطي بتأمر شي حيدر بيك
حيدر لا شكرا .. بس وين لقيتوه
الشرطي كان متخبي جنب حاوية ژبالة وعم يبكي
حيدر يعطيك العافية
الشرطي بالاذن
اسامة قال يعني بفضلك التقى الولد
حيدر لا بفضلك .. انت لماخبرت الشرطة محدا تحرك من مكانو قالولك عم ندور وهو محدا عم يدور ..انا بتلفون واحد خليت كل شرطة المنطقة تنزل تدور
اسامة اي شكرا
حيدر اي اهلين
اسامة انا ماشي ..
ميسون الله معكن
طلعو هو واخوه والشخص يلي كان معن وبقي حيدر
فهد ماما جوعان
عزة خسا الجوع ياعمري تعا لطعميك
ميسون انا بطعميه .. ولا قلك نعمل عشا ونتعشا ..كلنا بلا اكل
عزة مالي نفس لشي انا
ميسون ماعليكي انتي ..بس فوتي ارتاحي واشبعي من ابنك
قامت ورجليها عم يرجفو ع اثر الړعبة وفاتت لجوا هية وفهد
حيدر لحق ميسون ع المطبخ وقال لاتعملي شي هلأ بوصي ع اكل جاهز
ميسون ياريت .. لانو حيلي كلو عم يرجف ومارح اقدر اعمل شي
حيدر ولايهمك انتي روحي ارتاحي
ميسون تفضل لنقعد معها شوي
حيدر يلا بس لوصي
راحت ميسون وقعدت جنب فهد وباستو من راسو
ميسون وين كنت يا ازعر خوفتنا عليك
دخل حيدر وقال الاكل شوي وبيوصل .. انا بدي روح بدكن شي
ميسون خليك .. بنسهر سوا
حيدر لا مابدي ازعجكن ..
عزة بصوت تعبان خليك
حيدر لا غير مرة .. تصبحو على خير
مشي لعند الباب
ميسون ع القليلة قومي تشكريه .. شو لئيمة
قامت ولحقتو لعند كان عم يفتح الباب
عزة حيدر
الټفت عليها وقال في شي
عزة شكرا
حيدر ماعملت الا واجبي .. وفهد متل ابني ومن واجبي خاف عليه واعمل كلشي بقدر عليه لحتى ما ينأذى
عزة والله ماني عارفة كيف ردلك هالجميل
حيدر انتي مسبقة بجمايلك علي
عزة لاتروح .. خليك نتعشى سوا
حيدر لا ماحلوة بيت مافيه غير البنات اقعد عندن
عزة مافيها شي .. خليك
حيدر بصفتي شو بدي ضل
عزة اذا قلتلك بصفتك خطيبي بتضل
حيدر كييف
عزة حيدر انت لسه بدك اياني
حيدر لك انتي صرتي امنية .. وبتقوليلي لسه بدك اياني .. عزة انتي هلأ بموافقتك عم تحققيلي حلمي
خجلت وماحكت
ميسون من وراها واخيرا .. واخيرا عزة خانم
حيدر بدها زلغوطة ماهيك
ميسون زلغوطة وبس .. مابقلك غير الله يكون بعونك كيف بدك تمضي هالعمر معا
عزة بتشارطي انو هنيه طول عمرو .. وبحياتي ماخليه يزعل مني
ميسون اي بشارط
حيدر لعزة شوبدك فيها .. حكيني هون هلأ انتي عنجد بدك تهنيني طول عمري
عزة جرب وشوف
حيدر قلتلك حلمي بدو يتحقق
ميسون لكن انا هلأ ما الي لزوم .. صار لازم ارجع ع المشفى خدو راحتكن .. اخدت جاكيتا وجزدانا وقالت بس ماتاخدو راحتكن ع الاخير عيب انتو لسه ماتزوجتو
حيدر وعزة هههههههه
فتحت ميسون الباب وبيطلع بوجها عامل الديلفري
ميسون وهي الاكل اجا .. يلا سلام
رمتلن بوسه بالهوا ونزلت
حاسبو حيدر واخد الاكل وسكر الباب ..
ومع تسكيرة هالباب خلصت قصتنا هون
النهاية
