ازمة_ثقة الجزء_الواحد_والعشرون_والاخير الكاتبة_مريم_اليوسف
المحتويات
ميسون لعندن
ميسون سلاام
الكل اهلين
بيان اهلين ميسون .. شكرا لانك جيتي
ميسون معقول ما اجي
سلمى كيفك دكتورة
ميسون تمام بنشكر الله
بيان صبايا بدي تهتمولي بهل العروس
ميسون لا .. انا رايحة ع الصالون .. بس قلت بمر عليكن
بيان وشو عرفك انو نحنا هون
ميسون حكيت سلوى
سلوى اي انا خبرتا
بيان بس مافي تروحي .. بدك تعملي الميكب والشعر هون معنا تعالي
ميسون لا مابدي غلبكن
بيان هسس ولا كلمة .. وكمان شو ماكان الصالون مارح يكون احسن من الصبايا والشباب .. من احسن خبراء تجميل بالبلد
ميسون ههه لا اذا هيك رح ضل
سلوى ميسون رفيقتك مارح تجي
ميسون لا .. عجزت فيها تسطفل
بيان مين بتكون رفيقتك
سلوى مرت عمو بتتذكري البيت يلي تبرعت بكليتا لحيدر
سلمى هية
سلوى اي
سلمى يادكتورة ليش ماجبتها .. والله حابة شوفا واتشكرا
ميسون والله ماقبلت ياطنط .. قال مشان ابنا صغير
سلمى لكن بعد العرس بدي اجي واتعرف عليها
ميسون اهلا وسهلا
سلمى سبحان الله شو الدنيا صغيرة
ميسون اي والله
بيان ميسوو .. شوفيلي ظابط الميكب
ميسون فيري ناايس .. بجننن
بيان تسلميلي
ميسون اي نيالو حكم عهيك عروس
بيان لازم يشكر ربو ليل وانهار ماهيك
ميسون هههه اكيد
بيان وانتي ايمت بدنا نفرح فيكي
ميسون والله الظاهر رح ضل معنسة هههه
بيان ليش .. والله انتي بتجنني ومليون شب بيتمناكي
ميسون الله كريم
خبيرة التجميل بيان خانم ممكن تغمضي عيونك
بيان غمضت وتابعت حكيا وقالت هلأ مافي حدا حواليكي
ميسون في ومافي
بيان كيف يعني
ميسون قصة حب دامت شهور .. واول ما اعترفنا لبعض .. وعايشن الحالة مني كلمة ومنو كلمة وعلقنا
بيان ههههههه عم تحكي جد
ميسون ههه شايفة انتي هالحظ
بيان وبعدين شو صار
ميسون تركنا
الكل صارو يضحكو
سلوى ههه اخ منك يا ميسون
بيان هههه يا الله ياميسون شو مهضومة .. بس رح يرجع انا متأكدة
ميسون مابعرف .. يرجع ولا لأ معد تفرق معي
بيان لا ولوو لاتحكي هيك .. بيرجع .. بيرجع
سلوى بيان خبرتي حكم يجبلك بوكيه الورد .. مشان ندخلو لعندك لهون ونصوركن فيديو متل ماعم يعملو عمواقع التواصل .. انتي بتكوني بارمة ضهرك وهو بيدخل وبتلتفي عليه ببوسك من راسك وبقدملك البوكيه
بيان والله فكرة حلوة .. كيف راحت عن بالي
سلوى انا ماراحت عن بالي ههه
بيان حكم عم اتصل ليه ماعم يرد اكيد كمان هو بكون معجوق .. بس بعتلو رسالة مشان البوكيه ..رح يشوفا
بيان شو كنت حابة انا صور فيديو عرسي
ميسون كيف بدك تصوريه وانتي العروس
بيان ماهاد يلي كاسر ادي .. بس هون رفيقتي وحبيبة قلبي هية يلي رح تصورنا مو هيك هبوش
صبية من بين الصبايا طبعا حبيبتي .. وكمان جود رح يكون معي لاتهكلي هم
بيان عنجد ميرسي الكن
هية والو .. كم عنا بيان نحنا
........................
تقدمت بيان لقدام المراي بفتسانا الابيض المائل للفضي ومع الشاحط يلي زاد من جمال الفستان .. حطت اديها على خصرا وبرمت بهدوء .. وكأنها شي ملكة
وهبة عم تصور بكاميرة الفيديو ..
والكل حوليها عم يصورو بموبايلاتن
وقفت وهنن وقفو تصوير
سلمى بنبونة القمر صارت عروس وبتجنن ..
قربت وضمتا
سلمى مبروك يا روحي
بيان الله يبارك فيكي يا روحي
بيان كانت على وشك تبكي
تقدمت سلوى وقالت لا لا .. هلأ بېخرب الميكب لاتبكي
ضحكت بيان وحبست دمعتا
بعدت امها عنا ووقفت عجنب .. والصبايا الموجدين قربو وصارو يباركولا
ميسون العريس اجا
برمت بيان ونزلت الطرحة على وجها
ميسون هبة بلشي تصوير
فتحو الباب وفات حكم كان بطقم العرس وكرافة فضية من لون الفستان .. فات وهو عم يتصرف عادي ومعو بوكيه الورد .. تقدم من بيان حط ايدو على كتفا .. وهية فتلت لعندو ومنزلة راسا بخجل .. رفعلا الطرحة وسرح فيها وبجمالا .. وجمد بمكانو ومعد حرك ساكن
سلوى يلا ياعريس قدملا البوكيه للعروس .. وبوسا من راسا
قدملا البوكيه وقرب من جبينا وغمض عيونا استنشق من ريحتا وقبلها قبلة كلها دفء وحب
وكل صارو يزلغطو .. راح وقف جنبا وحنى ايدو لتدخل ايدها ويضمو الزراعين ببعض وطلعو من الجناح لينزلو على الصالة المجهزة لحفلة العرس .. وصلو لقمة الدرج والدرج كلو ورود وفرقة دبكة لابسين ابيض مع شموع ودخان وغنيه طلي بالابيض .. نزلو ببطء لحتى خلصت الغنية .. وتقدمو عمنصة الرقص .. هية حطت اديها حوالين لقبتو وهو حط اديه على خصرا .. وبلشو يرقصو سلو على غنية اليسا عابالي حبيبة .. رقصو ع الغنية وعيونن معلقة ببعض بدون مايحكو ولا كلمة .. خلصت الغنية .. مشو ليقعدو على منصتن .. بس حيدر وقفن وقلن مافي تقعدو اليوم .. اشر للديجي يشغل اغنية لجوزيف عطية ياكل الدني ع هاللليلة شهدي
حيدر هيدي الغنية هديةمني الكن
ورجعو يرقصو والكل قام ع الساحة يرقصو .. بلال سحب سلوى وصار يرقص معا وحيدر راح جاب ميسون
حيدر لميسون رح نمشي حالنا مع بعض هي الليلة هههه
ميسون اي والله
حيدر ما اجت العنيدة ماهيك
ميسون لا .. عم تقولا عنيدة
حيدر اااخ .. بسيطة انا بډبرها
ميسون هههه
وقضو الليلة كلا رقص وضحك
قرب يخلص العرس والعرسان بدن يروحو يعملو جلسة تصوير ويرجعو ع الاوتيل
جود وهبة بيان نحنا سابقينك ع الاستديو
بيان ماشي
حكم هاتي ايدك
حيدر تفضلو .. بشرفني كون شوفيركن
حكم تسلم ياحيدر وان شاء الله بنردلك اياها يوم عرسك
حيدر طبعا بدك تردلي اياها مفكر عم اعمل هيك لسواد عيونكن
حكم ههههه تكرم
حيدر عم امزح تفضلو
طلعو من الاوتيل .. والورد عم ينرش عليهن
ركبو السيارة وانطلقو
بيان حكم انت منيح
حكم اي اي منيح
حيدر شو صهر شو موترك ههه
ضحك وقال مافي شي والله بس من الفرحة ماعم اعرف كيف عبر
حيدر الله يهنيكن
طلعو ع الاستديو تصورو .. ورجعو طلعو عجبل قاسېون وتصورو ..
ورجعو ع الاوتيل
بيان الصور رح يطلعو كتير حلوين .. مع صور يلي بالاوتيل .. ماهيك حكم
حكم بقلبو عم تقلي حكم ع القليلة تقلي حبيبي قدام اخوها
________________
ميسون عم تسوق السيارة ورايحة ع البيت .. برن تلفونا
بتفتحو وبتشغل السيبكر وبتحكي
ميسون الو
ممرضة دخيلك يادكتورة ميسون الحقينا
ميسون شووفي
ممرضة في خمس اطفال مخنوقين بالغاز بترجاكي تأسرعي .. هو كل الاطباء والبروفسور كمان .. بس نحنا بحاجتك .. بسرعة تعي
ميسون يلا .. ثواني وبكون عنكن ..يلا سكري
دعست ميسون وراحت ع المشفى
وصلت وفاتت بسرعة
ميسون ووين الولاد
الممرضة تعي معي من هون .. هنن بالعمليات
ميسون ليش بالعمليات
الممرضة تعي معي بسرعة
ركضت وراها بس ماعم تقدر تأسرع بالكعب العالي والفستان .. دخلت على العمليات بس ما عغرفة العمليات الاصليه .. عالمحرك يلي قبل الغرفة .. كان عتمة
ميسون ليش عتمة .. شوعم يصير هون .. وين الدكاترة .. وين الولاد
شعل الضو ولقت حالا محاوطة بالدكاترة والممرضين من كل جهة وعم يتطلعو عليها ويبتسمو
ميسون بأستغراب شووفي .. ليش عم تضحكو .. ليش جبتوني عملا وجهي
طلع مؤيد من خلف الدكاترة ووقف قداما
ميسون مؤيد شوفي
نزل مؤيد على ركبة ونص وطلع علبة صغيرة من جيبتو وفتحا كان فيها محبس وبراسو حجر الماس .. رفعو لعندا وقال بتقبلي تتزوجيني
مانا مصدقة يلي عم يصير .. عيونا دموعا صدرا عم يعلا ويوطا .. رفعت اديها وغطت وجها وصارت تضحك وتبكي بنفس الوقت
مؤيد شو قلتي
رفعت اديها عن وجها وقالت اي ..
متابعة القراءة
