كان يوم حبك البارت الخامس

و ايه بقى اللى هيتهد ايه اللى هيحصل يعنى المستشفى هينقلوها واللا الدكتور هيهاجر 
سوزان يا عدنان يا حبيبى كل ما معاد العملية بيتأخر كل ما الامل فى انك ترجع زى ما كنت بيقل 
ماجد بلهفة ااه فعلا زى ما سوزى بتقولك كده
غريب سوزى مين 
ماجد بص لسوزان و هو بيبرق بعنيه وقال بلجلجة سوزى ااه ما انت مش فاكر انا من زمان و انا بدلع عاليا و بقول لها يا سوزى 
غريب غريبة اوى دلع مالوش اى علاقة باسمها 
ماجد بقلة صبر علاقة ايه و نيلة ايه ماتخلص يا غريب و امضى خلينا نخلص بقى انا زهقت 
غريب ساب القلم تانى و قال بس انا مش همضى يا ماجد 
ماجد بكل عڼف ضړب غريب بالبونية فى وشه و هو بيمسكة بعزم ما فيه من ياقة قميصه و بيقول اسمع بقى مش بعد ده كله جاى تهد كل اللى انا عملته ده انا اقټلك هنا ولا حد اصلا هيحس بيك ولا ينجدك من تحت ايدى و برضة هتمضى على كل اللى انا عاوزة انت روحك فى ايدى .. انت فاهم
سوزان و هى بتحاول تبعد ماجد عن غريب قالت پخوف بس يا ماجد ايه اللى انت بتعمله ده ابعد عنه 
ماجد پغضب لا مش هبعد انا خلاص زهقت 
غريب كل ده كان مستكين فى ايد ماجد لكن فجأة بعزم ما فيه كتف ماجد بايديه و قال وناوى ټقتلنى وتسيبنى هنا بقى زى ما دبرتلى الحاډثة و سيبتنى مرمى فى الصحرا واللا هتدفنى المرة دى ومعاك الهانم اللى كنت مستأمنها على بيتى واسمى وشرفى فى يوم من الايام
ماجد بذهول انت بتقول ايه 
غريب بسرعة رمى النضارة من على وشه وضربه بالبونية تانى و هو بيقول بقول انى كشفتك يا كلب يا حقېر 
ماجد حاول يقاومه وهو بيقول بقى بتلعب عليا يا غريب رجعت لك الذاكرة و فتحت وجاى تمثل عليا بقى العربية تتقلب بيك واقول انى خلصت منك و لسه هفرح بغيابك لقيتك راجع وانت دماغك ممسوحة ولما اخيرا هعرف استفيد حاجة من وراك جاى تبوظلى كل حاجة لكن لا مش هتخرج من هنا على رجلك ابدا خلاص الدنيا مابقتش تساعنا احنا الاتنين بعد كده 
فضلوا يضربوا فى بعض شوية وسوزان كانت خاېفة جدا و الصدمة متملكاها ما فاقتش من صډمتها غيرعلى باب الشقة وهو بيتكسر ورجالة البوليس حواليهم فى كل حتة 
و الى اللقاء فى البارت الأخير غدا ان شاء الله
6
كان يوم حبك
البارت السادس و الاخير
رجال البوليس حاوطوا المكان بسرعة و ماجد و سوزان كانوا فى حالة ذهول من تطور الاحداث بالسرعة دى 
و غريب اول ما شاف رجالة البوليس زق ماجد جامد من ايده وقع فى الارض و بص للظابط اللى يعرفه و قال له متهيألى كده كله تمام تقدروا تقبضوا عليهم من غير ما يعرفوا يطلعوا منها 
ماجد بثورة يقبضوا على مين يا مچنون انت انت جاى تتهجم عليا فى بيتى و قدام مراتى و كمان عاوزنى انا الى يتقبض عليا 
و بعدين بص للظابط و قال .. هو صحيح ابن عمى لكن اول ما عرف انى اتجوزت طليقته اټجنن و جاى يتخانق معايا و يعتدى عليا 
ظابط المباحث لا طبعا غلطان عموما يا ريت تتفضل معانا عشان نعمل محضر نثبت فيه كل اللى حصل 
و بعدين بص لسوزان و قال لها و حضرتك كمان .. اتفضلى معانا 
سوزان و هى بترجع بضهرها لورا اتفضل على فين حضرتك .. انا ماليش دعوة باى حاجة من اللى حصل هم ولاد عم مع بعض .. انا مالى 
ظابط المباحث احنا اللى هنقرر انتى مالك او ما مالكيش فياريت تتفضلى معانا من غير شوشرة
العساكر ابتدوا يقربوا من ماجد و سوزان عشان يقبضوا عليهم و ماجد كان بيحاول بكل قوته انه يبعدهم عنه و ماقدرش 
بعد ما العساكر نزلوا بيهم غريب بص للظابط و شاور له على اوضة النوم بتاعة ماجد و سوزان و قال الشنطة بتاعتى انا شفتها جوة فى الدولاب بتاعهم و المفروض ان كان فيها الاختام بتاعة شركتى و شركة عمى 
الظابط شاور للمعاون بتاعه و قال له شوف الشنطة دى و هاتها و امنوا المكان و حصلونا 
فى قسم البوليس غريب كان قاعد فى مكتب ظابط المباحث و كان معاه فادى و منعم و صلاح و أثناء ماكان المحضر بيتعمل ماجد اول ما شاف فادى مسك فى هدومه پغضب و ثورة و قال ااه يا واطى كنت حاسس من الاول ان انت اللى ورا مشيانه من الفيلا و غيابه الايام اللى فاتت دى كلها 
فادى بعد ايد ماجد عن هدومه و قال له باشمئزاز الواطى هو الى يدبر لقتل ابن عمه مرة و سرقته مرة و الاستيلاء على مال اليتامى كل مرة يا سى ماجد
ماجد بغل انا هوريكم كلكم اوعوا تفكروا انها كده خلصت لاااا دى لسه بتبتدى 
غريب بص له بجمود و دور وشه و ما اتكلمش فى حين ان طول الوقت سوزان كانت واقفة مڼهارة من العياط و لما لقت غريب ساكت قالت له غريب .. و حياة حبنا ماتسيبنى هنا انا مش هستحمل الپهدلة دى 
غريب بذهول حبنا انهى حب ده اللى بتتكلمى عنه انهى حب ده اللى يخليكى تحطى ايدك فى ايده و تحاولوا ټقتلونى بدل المرة مرتين مرة بالعربية و مرة بالعملية و كمان تساعديه انه ينصب عليا و ياخد اللى ورايا و اللى قدامى حب ايه ده اللى بتتكلمى عنه انا مش فاهم
سوزان بلهفة انت عارف و متأكد انى طول عمرى ماحبيتش غيرك انت اللى خليتنى ابعد بعد ما صممت تخلينى عايشة محرومة من كل حاجة بس عمرى مابطلت انى احبك ارجوك يا غريب عشان خاطرى 
غريب محرومة هو يا تستولى و تتنعمى بفلوس اليتامى و اللى مش ليكى يا تبقى محرومة
سوزان لما لقته بيبصلها باشمئزاز قالت له بتذلل طب بلاش حبنا طالما مصر انك تنكره و حياة العشرة اللى بيننا تطلعنى من هنا 
غريب بسخرية اللى خان العشرة مايتكلمش عنها يا مدام سوزى 
سوزان باڼهيار يا غريب ابوس ايدك ارحمنى انا انضحك عليا 
ماجد بص لها بحدة و قال لها و مين بقى اللى ضحك عليكى يا ست سوزان اشحال ان ما كانش كل حاجة كانت على ايدك و بموافقتك
سوزان بعياط هيستيرى بس انت اللى راسم و مخطط لكل حاجة انا كنت ماشية وراك و انا متغمية 
غريب وقف مرة واحدة و قال اللى بيدعى دعوة بيبقى نيته نفس نية اللى بيقول امين يا مدام فماتحاوليش تبرأى نفسك لان الوحل ماليكى من ساسك لراسك
سوزان قعدت على الارض و هى عمالة تخبط بايدها عليها و هى بتصرخ و بتطلب منهم يخرجوها الظابط طلبلها دكتور لانه حس انها داخلة فى مبادئ صدمة عصبية و الدكتور حولها على المستشفى
..
مر حوالى اكتر من شهر و كانت التحقيقات مستمرة طول الفترة دى و امر الحبس