ازمة_ثقة الجزء_الثامن بقلم_مريم_اليوسف
المحتويات
صار يلوحلو بأيدو
فهد بابا .. يا بابا .. شايفني
اسامة صار يتطلع عبنت عمو ويرجع يتطلع عليهن .. بس سرعان ما مشي واتجاهلن وركب جنب بنت عمو ومشي بالسيارة ..
فهد صار يبكي يا بااابااا .. يا باااباااا
مرق من جنبن ولا كأنو بيعرفن ..
ضلت واقفة مكانا وحست حالا رح ټنهار ... قلبا رح يوقف من الۏجع .. سحبت ابنا ومشت بسرعة وقطرات الدمع عم تتطاير خلفا وابنا يلي بأيدا عم يبكي بدو ابوه
وصلت ع البيت وفاتت فورا ع غرفتا وسكرت الباب بقوة
اميرة شبا عزة
سميرة مابعرف ابصر
المسا ..
بلال قاعد على طاولة وبأيدو كاس وعم يشرب بهدوء ويراقب ميسون
وميسون من جواها فرحانة انها قدرت تأثر عليه صح هو عم يكابر ومابيعترف بس عم يجي مشانها وهية هيك عم تحس بالنصر عليه
فات جوهر نقل نظرو بين الطاولات لحتى شافو وراح لعندو
جوهر مرحبا بلال
بلال جوهر اهلين
جوهر توقعت انك هون
بلال ليش شوفي
جوهر من نهارين جيت من حلب ورحت ع البيت لقيتو فاضي .. شو صار
بلال ماصار شي
اتطلع جوهر ع ميسون وقال هاي هية مو هيك
بلال اي
جوهر وانت ليش هون
بلال ماناقصني غيرك
جوهر قلي انت شبك بشو عم تحس بشو عم تفكر
بلال بدي اياها
جوهر ماكانت معك
جوهر طيب ليش تركتا
بلال اهلي عرفو
جوهر اممممم .. طيب رجعا
بلال ماعم تقبل عنيدة .. وهاد يلي عم يشدني الها عنادا
جوهر والله انت غريب
بلال بعرف
جوهر بس هيك وبوجودك هون عم تأثبتلا انك حاببا
بلال بس انا مابحبا
جوهر هية هيك هلأ بتفكر .. وبتكون مبسوطة انك عم تجي كرمالا وبتكون حاسة حالا انها اثرت فيك
بلال ......
جوهر اتطلع عليها نظرة قرف وهية شافت هية النظرة
جوهر بعدين شو عاجبك بهيك وحدة عم ترقص قدام العالم وعم تكشف جسما قدام العالم .. بترضا تكون هيك وحدة قڈرة الك ... اوعى ع حالك ولووو .. مانك متفق مع مرتك تزوج .. بس وحدة تكون بنت عالم وناس ما رقاصة هي لا معروف لا اصلا ولا فصلا ورقاصة .. قوم يازلمة حاج ترخص بحالك وتجي ع هيك اماكن قوم هلأ طلاع من هاد الباب ولا ترجع تجاهلا متل ماهية عم تعمل فيك ومعك معك بتنساها
بلال قنعتني .. يلا قوم
جوهر اي هاه هاد هو بلال يلي بعرفو
وقفو دفع الحساب بلال ونظر لميسون نظرة اخيرة نظرة احتقاروقرف وطلع
جوهر اذا عاجبتك كتير دور ع وحدة متلا بس تكون مرباي بس والله مرتك منيحة .....
بعد هي النظرة تخربطت وقفت رقص وراحت على غرفتا
ميسون ليش هيك اتطلع علي .. شو قصدو من هي النظرة .. ورفيقو شو قلو .. وانا ليش هيك انهز بدني يروح الله لايرودو ولايرد رفيقو
فات سليم شو صار معك .. مابدك تكملي
ميسون جاي
بلشت تمر الايام
بلال معد اجا ع الكازينو نهائيا وميسون داخلا موجة ڠضب انو تجاهلا ومعد فكر فيها وخطتا عم تفشل
سعد وبيان عم يتقربو من بعض وحبن لبعض عم يكبر ..
عزة بعد ماشافت اسامة زاد ۏجعا اكتر وكانت عطول منعزلة عن الكل وتتجنب الكل بس حيدر كان كل يوم يومين يمر يسلم عليها بمكتبا وهية تستقبلو بأبتسامة لطيفة .. سميرة عم تراقب عزة وعم تراقب تحركاتا ..
وسلوى بعدا على حالا وبلال بعدو بعاملا وكأنها مو موجودة
بعد مرور شهر
المسا بالكازينو .. قاعدة ورا مرايتا وشاردة
ميسون ليش معد اجا .. انا لازم احرقلو قلبو متل ما زلني وعاملني بحقارة .. لازم لاقي طريقة خليه يتقرب مني .. وخليه يعشقني بعدين رح ارفضو خليه يتلوع
متابعة القراءة
