ازمة_ثقة الجزء_الثامن بقلم_مريم_اليوسف
المحتويات
وعم يعمل حالو الصديق الوفي يعني لو ماني متبرعتلو بكليتي مابعاملني هيك ... قعدت وقالت بس هو مانو هيك هو ساعدني قبل ما اتبرعلو بالكلية .. بس هيك احسن
بلال عم تلاحظي عليها شي
سميرة لا ابدا .. من البيت للشغل ومن الشغل للبيت ماعندا اختلاطات ابدا .. واوقات بتروح لعند رفيقة الها .. شو كان اسما ... يارب ذكرني ... اي اسما ميسون
اول ماسمع اسما حس قلبو شغل بڼار
بلال طيب ماشي .. خلي عينك عليها
فات حيدر عليهن
حيدر وينك برمت المصنع عليك
بلال شوفي .. جيت اشرب كاسة مي
حيدر انا رايح تروح
بلال يلا
طلعو من المصنع واتجهو نحو السيارة
بلال شبك
حيدر ولا شي .. انا رايح ع الشركة
بلال اي نزلني انا عند سيارتي بدي روح ع البيت
حيدر ع البيت
بلال اي بدي اتحمم وغير تيابي وبدي ارتاح شوي حاسس حالي تعبان
حيدر شو تاعبك
بلال مافي شي .. انت بس وصلني
حيدر ماشي اركب
ع الطريق يلي بودي ع حي سعد .. ماشي بسيارتو وجنبو رفيقو سامر
سامر والله هالسيارة نضيفة
سعد عنجد ..
سامر اي والله .. مابتصرف كتير وقطعها رخيصة وكمان جديدة .. صح جبتا وكالة
سعد انا قد الوكالة جبتا مستعملة
سامر يلا منيح .. تشوف ع وجها الخير
سعد تسلم وعقبالك
سامر ليك مو هداك ابو محمود وبنتو نهلا
سعد اي هنن
سامر وقف ركبن ..
سعد لا حول واقوة الا بلله
سامر عيب عليك ولو كمان الدنيا قسمة ونصيب والبنت مامن نصيبك
سعد ايمت عرسا مابتعرف
سامر كانو يقولو اخر الشهر .. يلا وقف ولوو
وقفو بالسيارة
سعد وسامر السلام عليكم
ابو محمود سعد وعليكم السلام ..
سعد تفضل عمي اركبو لنوصلكن
ابو محمود يلا .. تعالي يابنتي
ركبو بالمقعد الخلفي .. ونهلا كانت حاطة راسا بالارض .. وسعد كل شوي يتطلع عليها بالمراي
ابو محمود ماشاء الله هي السيارة الك يا ابني
سعد اي والله ماصرلي زمان جايبا
ابومحمود اي مبروك تشوف ع وجها الخير
سعد يبارك بعمرك
سامر عم .. وين كنتو
ابو محمود والله كنا بالمحكمة
سامر خير
سعد عم يسمع بصمت
ابو محمود كنا عم نطلق هالبنت
سعد لما سمع هيك اتطلع بالمراي عليها وهية اتطلعت عليه بنظرات حزن
سامر خير شو صاير
ابو محمود والله صار خلافات وواختلفنا ع المهر .. خلص مافي نصيب
سامر مظبوط الدنيا قسمة ونصيب والله يبعتلا نصيب احسن
ابو محمود اي والله ... انا الحق علي كان لازم اعطيها لسعد ابن حارتنا وبنعرفو وبنعرف اخلاقو .. لاتواخذنا يا ابني
سعد ولا يهمك ومتل ماقلت الدنيا قسمة ونصيب والظاهر مافي نصيب
اڼصدم ابو محمود من ردو بس ماحكي وضل ساكت ..
وسامر طول الطريق يحاول يكتم ضحكتو
وصلن وراح
سامر هههههه ليش هيك قلتلو
سعد شو بدك اياني قلو لكن .. لما كنت زبال ماقبلو وهلأ لما الله فرجا علي صار بدو يعطيني بنتو .. مافشر هو وبنتو .. وبعدين شو كان بدك اياني قلو .. انا الي الشرف ارجع اطلبا مرة تاني .. بعيدة عن سنانو
سامر ههههه مابتقصر
سعد بعدين انا عندي بيان بتسوا الدنيا وحبيتا اكتر من اي شي بحياتي .. بس بدي الله يكملا معي ونتزوج وساعتا بكون اسعد انسان بالكون
سامر الله يتمم عليك يارب
سعد شكرا
سامر وايمت بدك تاخد امك وتخطبا
سعد قالتلي شي يومين لتفتح الموضوع مع اهلا
سامر على خير
وصل ع باب بيت سامر
سامر انزل ولو
سعد لا غير مرة بدي روح ع البيت لعند امي شوف الشغيلة اذا خلصو
سامر شو عم تعمل ليش بالبيت
سعد عم نظبط الحمام ونسوع المطبخ وندهن البيت وهيك ترميم كامل
سامر يلا منيح ... ابقا تعال سهار
سعد ماشي
متابعة القراءة
