ازمة_ثقة الجزء_الثامن بقلم_مريم_اليوسف
المحتويات
علي
اندق الباب وفات سليم
سليم جاهزة
ميسون جاي
قامت وراحت معو .. اتطلع عليها وقال ستنا ملاحظ عليكي فترة وجهك مصفر فيكي شي
ميسون صارت تلمس ع وجها عنجد .. مبين كتير
سليم اليوم زايد
ميسون والله مابعرف يمكن ما عم اكل منيح
سليم لا دخيلك كلي وتغذي هالمحل مابيسوا شي بلاكي
طلعت ع المسرح وبلشت ترقص اول فتلة والتاني حست الكازينو كلو عم يبرم فيها .. استندت ع الاورغ يلي جنبا ومسكت راسا بالايد التاني قرب منها سليم بسرعة
سليم جوري خانم انتي منيحة
جوري تعبانة كتير والدنيا عم تفتل فيني اسندني خليني روح ع غرفتي
سندا ومشو
سليم قلتلك مصفرا
ميسون مابعرف شو صايبني
وصلا ع الغرفة .. قعدا ع كرسي وقال ارتاحي هون رايح جيب كاسة ليمون
غمضت عيونا مشان توقف الدوخا بس فجأة حست بشي سخن وقفت ولا عم ټنزف
ميسون شو هاد .. شو عم يصير
بسرعة سحبت عبايتا لبستا وطلعت فورا وهية عم تستند ع الحيط مشان ماتدوخ .. كانت سيارتا ناطرتا مع الشوفير
ميسون بسرعة ع البيت
حاضر
وصلت ع البيت وطلعت فورا .. دخلت ع الحمام وقفت تحت المي الفاترة .. وعند البالوعة المي مختلطة پالدم
طلعت ولبست تياب نضيفة ورفعت شعرا وحطتلن مشبك ورجعت نزلت كانت طالبة من الشوفير ينطرا
ميسون بسرعة ع اقرب مشفى
قعدت بالمقعد الخلفي وسندت راسا على بلور السيارة .. وشوي شوي بلشت تغيب عن الوعي
الصبح
طلعت عزة وسميرة من البيت رايحين ع الشغل
سميرة عزة بدك تروحي ع العشا
عزة ايو عشا
سميرة غريب كيف حيدر بيك ماخبرك
عزة خبرني عن شو
سميرة في عشا عاملو حيدر بيك للعمال بالمصنع مع عائلاتن ..
عزة اي
سميرة شو يعني اي
عزة ماش
سميرة بدك تروحي ولا لأ
عزة لأ
سميرة ليش .. حيدر بيك رح يكون موجود
عزة لا ماني رايحة
سميرة اي .. بكرا حيدر بيك بيقنعك
عزة ممكن اعرف انتي عشو عم تلمحي
سميرة اااه ولا شي
كملو وعزة مقهورة منها كتير
بالمشفى
فاقت ميسون والدكتور وممرضة فوق راسا
حاولت تتجلس
الدكتور خليكي .. خليكي مرتاحة
ميسون بتعب دكتور شو صاير معي
الدكتور اجهاض
ميسون انتفضت وقالتشوووووووو
الدكتور شبك مدام ليش انفعلتي
ميسون انا كنت حامل
الدكتور اي .. وللأسف نزل .. الظاهر كان الحمل ضعيف او انك مانك مريحة حالك
ميسون پصدمة ودموعا نازلين ع خدا عم تحكي بصوت واطي انا كنت حاامل .. انا كنت رح صير ام .. .. ليش .. ليش
الدكتور مدام انتي منيحة ..
ميسون منيحة .. منيحة دكتور
الدكتور انتي فيكي تطلعي بس خلي زوجك يجي يوقع على وارق المشفى
ميسون زوجي مو هون هلأ انا بوقعن
الدكتور ماشي .. كتبتلك ع هدول الادوية والممرضة رح تساعدك
بالاستديو
فات سعد وعم ينده على بيان
بيان كانت قاعدة مع رفيقتا مرح
سعد بيان .. حبيبي وينك
بيان هون.. هون حبيبي
فات وشاف رفيقتا
سعد اااه سوري ماكنت بعرف انو عندك حدا
قامت بيان لعندو ضمتو وباستو ع خدوا وقالت اهلين حبيبي .. بعرفك رفيفتي مرح .. مرح سعد
سعد هيك سعد حاف
بيان هههه بعرفك سعد حبيبي
سعد وخطيباوزوجا قريبا
بيان ان شاء الله
مرح هههه شو مهضومين .. تشرفت فيك سعد .. بصراحة حاسة حالي بعرفك من مية سنة
سعد هههه انا ليش
مرح بصراحة لانو بيان ماعندا سيري غير سعد وسعد
ضما اكتر لصدرو وقال من حسن حظي
مرح انا صار لازم روح رح اتركن لحالكن
بيان لا خليكي
سعد خليكي خليني انا اتعرف عليكي طيب
مرح عنجد اتأخرت غير مرة .. وخلي بيان تحكيلك عني
سعد ههههه طيب على راحتك مارح نضغط عليكي
مرح يلا بالاذن
قربت بوست بيان وطلعت
بيان تشرب قهوة حبيبي
سعد مسكا من ايدا وقال تعالي بدنا نحكي
سحبا وقعدا ع
متابعة القراءة
