ازمة_ثقة الجزء_الثامن بقلم_مريم_اليوسف
.. يلا سلام
دخل بلال ع بيتو
سلوى اهلين .. شو نسيان شي لحتى جاي مالك بالعادة تجي بهيك وقت
بلال ليكون ممنوع
سلوى لا البيت بيتك ..حطلك اكل
بلال لا .. انا طالع ع غرفتي ارتاح
تركها وطلع
سلوى شو صايرلو
فات ع غرفتو شلح جاكيت البدلة رماه ع التخت وتمدد عليه وحط ايده تحت راسو .. ضل صافن شوي بالسقف .. بعدين قلب ع جنبو وحط ايدو تحت خدو وصار يفكر شو صايبني انا .. ليش هيك حابب شوفا .. صرلي اكتر من شهر ماشفتا بس كتير مدايق وحابب شوفا .. ليش عطول عم فكر فيها ليش ماعم تطلع من راسي .. لك طلعي من راسي ..يابنت طلعيييي
المسا
عزة قاعدة جنب ابنا النايم وعم تقلب بتلفونا بملل .. زفرت بضيق ورمتو ع جنب .. اوووف ياربي اوووف .. لقوم فوت ع الحمام واجي نام احسن بركي بقدر نام ويوقف عقلي عن التفكير شوي .. قامت طلعت واخدت ابريق المي بأيدا لحتى تعبيه مي للشرب .. طلعت من غرفتا ووصلت لجنب غرفة اميرة وسميرة يلي بنامو فيها .. سمعتن عم يحكو
سميرة مابعرف خاېفة كون تسرعت لانو سكنتا عنا .. خاېفة منها تجبلنا شي مصېبة
اميرة حرام عليكي اختي البنت مافي منها وماشفنا منها غير كل خير
سميرة بعرف .. بس خاېفة تكون عم تتمسكن لتتمكن .. والله يا اختي هالايام مابينوثق بحدا
اميرة طيب انتي شفتي عليها شي
سميرة بصراحة لأ .. بس علاقتا بحيدر بيك مابتطمن دغري صارت صحبة هية واياه وتاني يوم رفعا بشغلا وكل مابروح وبيجي بمر عليها .. يعني بعاملا معاملة خاصة .. وحيدر بيك بحياتو ماعطا موظفة وش
اميرة بس كمان مافي دليل
سميرة لك انا جدبة كان لازم من وقت قالتلي انها مطلقة وبنت ميتم ماكان لازم دخلا بيتنا .. لك مابتعرفي قرعة ابوها منين وكمان لحد هلأ ماعرفنا ليش جوزا طلقا .. بتعرفي حتى اني شاكة انها مطلقة ومانا متزوجة من اصلو.. بركي ابنا ابن حرام
اميرة شووو
هية واقفة برا حاطة ايدا على تما لحتى تخفي شهقاتا
يتبع .....
