ازمة_ثقة الجزء_الثالث_عشر بقلم_مريم_اليوسف

ازمة_ثقة
الجزء_الثالث_عشر
بقلم_مريم_اليوسف
بصباح يوم جديد وبدايات جديدة لكل ابطالنا
بالاوتيل
نازلة بيان وبرقبتا الكاميرا .. وصلت للرسبشن
بيان تفضلي هاد كرت الغرفة وبدي سيارة توصلني
الموظفة بتأمري بحاجة تانية حضرتك
بيان لا
الموظفة خمس دقايق والعربية بتكون مستنياكي برا
بيان اوكي .. شكرا
صوت من وراها عم يندهلا .. التفتت ولا حكم قاعد وعم يشرب قهوة
ابتسمت وراحت لعندو
بيان صباح الخير
حكم صباح النور .. شو طالعة تعملي جولة سياحية
بيان هيك شي
حكم اقعدي نشرب قهوة
بيان صحة شربتا بالجناح .. غير مرة
حكم شكلك بتحبي التصوير
بيان اي كتير .. اصلا هاد شغلي
حكم اااه يعني انتي مصورة
بيان اي وعندي استديو خاص فيني بالشام
حكم اذا هيك لازم نعملك زيارة
بيان يامية اهلا وسهلا بتنور
حكم انا بقول خدي رقمي هون اذا صار معك شي
بيان اوكي .. فتحت جزدانا وطلعت التلفون .. وضل الجزدان مفتوح ومبين بقلبو حرف الجزدان الصغير يلي بتحط فيه الاوراق والمصاري
بجية حكمت من وراها حكم اشرلو ع الجزدان الصغير
حكم سجلي عندك
بيان يلا
بين ماهية عم تسجل الرقم حكمت كان ساحب الجزدان الصغير وخباه تحت جاكيتو
حكمت صباحو
بيان وحكم صباح النور
بيان يلا رح اتركن لحالكن .. انا صار لازم روح
حكم اتصلي فيني ها اذا صار معك شي
بيان اكيد .. يلا سلام
مشت وراحت
حكمت لأشلك فيه هاد حطو عالطاولة
حكم مشان تتصل فيني ههههه
فتحو كان فيه جواز السفر ومصاري
حكمت وبدك تخليه معك
حكم لا هلأ بخلي حدا من الخدم يحطلا اياه بالجناح
حكمت يلا قوم هلأ بنتأخر ع الاجتماع
حكم يلا

بعد ماضبت غراضا وغراض ابنا اجا اسامة واخدا ع بيت اهلو
اسامة وصلنا نزلو
فهد بابا رح تضل معنا عتول
اسامة اي بابا حبيبي
دخلو ع البيت كان موجود ابوه وامو واخوه ومرتو
عزة وهية حاطة راسا بالارض مرحبا
ام اسامة لاهلين ولا سهلين روحي بسرعة غيري تيابك وبلشي شغل
اسامة تعي معي
هيام انت خلي عنك انا بقلا شو تعمل
قامت ومشت معا
عزة ماما تعال
هيام تركيه يتعرف ع اهلو .. تعالي هلأ
عزة من اول مادعست بهل البيت حست بالاھانة .. كانت رح تبكي بس كابرت عحالا وبلعتا وقالت بقلبا ماوقت البكي هلأ
وصلو ع المطبخ
هيام هون بتنامي انتي وابنك المطبخ واسع .. ليكي هودل الجرارات جرارات نايلن كبار بيتركبو فوق بعضن بتحطي فيهن غراضك وتيابك .. وعشغل البيت مابدك تعليم .. اعتبريه بيتك وشوفي شوبدو واعملي اما ع الطبخ مابعرف بدك تسألي مرت عمي
عزة انتي مرتو 
اتطلعت عليها بطرف عينا وقالت اي مرتو وانت طليقتو وحاليا الخدامة .. للتذكير فقط
تركتا وطلعت
حطت عزة شنتتا عجنب وقالت المسا بضبا . وراحت تبلش شغل

بالمشفى
دخلت هالة ومعها ميسون
هالة رح عرفك ع الدكتور عصام هو صاحب هاد المشفى
ميسون شو اختصاصو 
هالة دكتور اعصاب ..
وصلو ع مكتب الدكتور عصام دقو الباب وفاتو
عصام اهلا اهلا الدكتورة هالة والدكتورة 
هالةميسون
عصام والدكتورةميسون تفضلو
ميسون اهلا فيك دكتور
عصام شو تشربو ياحلوين
الدكتور عصام شخص محترم كتير عمرو حوالي الخمسين 
ميسون ولا شي شكرا مابدنا نعذبك
هالة اي دكتور هي هية رفيقتي ميسون يلي حكيتلك عنها
عصام اي عرفت .. قوليلي يا بنتي وين متخرجة
ميسون بتحب تشوف الشهادة والوراق
عصام لا لا بدي اسمع منك .. وبعدين انتي جاي بواسطة الدكتورة هالة معقول نشك فيكن .. بس حابب دردش معك شوي
هالة لكن انا قايمة شوف مرضاي لبين ما تدردشو .. بالاذن
عصام اذنك معك .. اي دكتورة حكيلي
ميسون انا متخرجة من جامعة دمشق
عصام وشو كان مستواكي
ميسون التالتة عدفعتي
عصام حلو كتير ... ووين تدربتي
ميسون بمشفى ابن النفيس
عصام شقد صرلك متخرجة
ميسون حوالي الخمس سنين
عصام وين كنت تشتغلي .. بمشفى حكومي ولا عيادة خاصة
ميسون لا هي ولا هي .. المشفى الحكومي يلي وظفوني فيه بغير محافظة ورفضت الوظفية
عصام ليش .. كنتي داومي سنة زمان وطلبي نقلك لهون
ميسون ظروفي مابتسمحلي ابعد من هون
عصام اهلك يعني
ميسون لا .. انا ماعندي اهل
عصام كيف هيك .. في حدا ماعندو اهلو
ميسون ماقصة هيك .. بس عنجد انا ماعندي اهل او فيك تقول مابعرفن انا بنت ميتم
عصام ااااه .. عفوا
ميسون لا عادي ولا يهمك
عصام طيب ممكن اعرف شو هية الظروف اذا مافي مانع
ميسون بصراحة هو الميتم .. الميتم فيه ولاد بحاجتي .. يعني بدن حدا يهتم فيهن وينتبه عصحتن ... يعني عدوري الولد ليصير قريب من المۏت يجيبولو دكتور .. مشان هيك انا وعدت حالي ومن انا صغيرة صير دكتورة بس كرمال هالاطفال
ابتسم ابتسامة اعجاب وكمل الحديث يعني هلأ تركتي الميتم
ميسون لا طبعا .. بس اذا صار شي دغري بروح وكمان كل يوم بروح وبطمن .. وانت بتعرف انو مافي عطول مرض .. وان شاء الله مايكون
الدكتور كان الك راتب بالميتم
ميسون هههه لا انا كنت اصرف ع الميتم
الدكتور عنجد
ميسون والله
الدكتور لهل الدرجة حالة الميتم صعبة
ميسون مو صعبة لهديك الدرجة بس انو مصروف الميتم يادوب يكفي اكل للولاد .. والمتبرعين قلو هه.. وانت بتعرف الطفل بيشتي لعبة لبسة وماكنت حب احرمن من شي .. بس ماتفكرني عم امدح بحالي هههه بس انت عم تسأل وانا عم جاوب
الدكتور لا ابدا انا كتير مبسوط من حديثك
ميسون شكرا 
الدكتور طيب من وين كنتي تصرفي عليهن
سكتت ميسون وماردت
الدكتور السؤال محرج 
ميسون لا .. بس كنت اشتغل كرسونة بكازينو .. يعني الراتب كان ممتاز .. انو هيك
الدكتور وليش خجلانة .. الشغل ما عيب اذا ماكان فيه حرام
ميسون لا الحمد لله ماقربت من الحړام والله يبعدو عنا .. وبقلبا هههه بس كنت ارقص ... استغفر الله العظيم 
الدكتور امين .... طيب ممكن تقوليلي شو الامړاض يلي مرت عليكي وعالجتيها
ميسون غير الكريب والحمى وهية الامړاض العرضية .. مر علي السحايا والربو والسل و السړطان و القلب و الاېدز
الدكتور اېدز 
ميسون اي .. مرة اجا طفل حديث الولادة ولما عملنالو التحاليل طلع بيحمل هالفايروس .. بس ماطول وماټ .. الله يرحمو
الدكتور امين .. طيب ذكرتي السړطان شو كانت الحالة
ميسون طفل اصيب بسړطان بالمعدة .. بصرحة الطفل فجأة معد اكل بالتحاليل والايكو مابين معنا .. فأنا اقترحت انو نحول ع الجراحة فورا .. حددت موعد مع مشفى وحكيت مع دكتور جراح وانا اياه اجرينا العملية طلع عندر كتلة داخل المعدة .. استأصلناها وتابعنالو بالعلاج الكيمائي والاشعة .. والحمد لله تعافى .. يمكن لانو المړض كان ببدايتو
الدكتور ممكن وراقك
عطتو اياهن
الدكتور رح خليهن عندي للمسا والمسا بتمري بتاخديهن ..
ميسون طيب هلأ شو 
الدكتور شو شو .. انتي صرتي دكتورة بهاد المشفى وهلأ قومي تعرفي ع المشفى .. ورح تشتغلي فترة مع مؤيد هو كمان دكتور اطفال .. بكون ابني
ميسون الله يخليلك اياه ... بالاذن
الدكتور اذنك معك
طلعت لبرا ونزلت ع الرسبشن
لقت هالة واقفة مع ممرضة وفي بأديهن ملفات .. راحت لعندا
هالة للمرضة متل ما وصيتك هية المړيضة بتحطولا كيس ډم وانا بعد الضهر بمر بشوفا .. واذا صار شي طارئ بتحكيني
الممرضة حاضر
هالة شو صار معك
ميسون حسيتو انبسط مني .. وقلي انتي صرتي دكتورة من هاد المشفى .. بس قلي رح اشتغل مع الدكتور مؤيد .. ابنو
هالةقصدك البروفسور مؤيد
ميسون بروفسور 
هالة اي متخرج