ازمة_ثقة الجزء_الثالث_عشر بقلم_مريم_اليوسف
المحتويات
عم تتعلمي
ميسون شوبدي اتعلم بالظبط .. اذا قصدك عفحص الاطفال ومعالجتن فهاد يلي مر كلو بعرفو .. وعفكرة اذا ماخد برفوسور بأمريكا نحنا عنا هو الدكتور يلي بيتخرج عن مية برفوسور ببلاد برا .. واصلا التعليم عنا هون احسن من هنيك بس ليش الكل بيركض لبلاد برا لحتى يتعلم مابعرف .. ولا بس مشان السيط انو درس برا
مؤيد مانك قليلة ولسانك اطول منك
ميسون لا بس انت مفكر حالك عامل شي انجاز .. وكلشي عم تعملو بالنسبة الي عادي ..
مؤيد هية الحالات عم تجي مانها خطړة
ميسون بجوز
مؤيد بس بتعرفي شو انتي عجبتيني وعجبني تفكيرك .. شو رأيك نطلع نسهر اليوم
ميسون مشالله عنك شو سريع لسه ماصرلنا غير كم ساعة بنعرف بعض
مؤيد ضروري نكون نعرف بعض من سنين لحتى نطلع مع بعض
ميسون لا ماضروري .. بس اسفة مابقدر
مؤيد عراحتك .. لو سمحتي ممكن تندهي للطفل يلي بعدو
فتحت الباب وقالت للممرضة لو سمحتي دخلي الطفل يلي بعدو
دخلت عيلة مكونة من اب وام وطفل رضيع حديث الولادة
مؤيد لوسمحتو حطو الطفل هون عالسرير
حطو ابنن على السرير
مؤيد دكتورة ممكن تشلحي الطفل
قربت من الطفل وبلشت تشلحو
مؤيد من شوعم يشكي الطفل
الام دكتور ابني عمرو اسبوع ولاحظنا عليه انو لونو عم يميل للصفار
ميسون شلحت الطفل وقرب مؤيد وصار يفحصو
مؤيد اي في لون اصفر بجسمو وبعيونو .. شو دكتورة شو رأيك
ميسون انت يلي عم تفحصو انا مادخلني
مؤيد طيب لو هاد الطفل جاي لعندك شو بتعملي
ميسون مابعرف .. مانو جاي لعندي
مؤيد بعصبيةطيب هاد الطفل جاي لعندك
ميسون طيب ماشي .. رح اسأل الاهل واتطلعت على اهلو وقالت حدا عنكن بالعيلة بعاني من اليرقان او التهاب الكبد .. هلأبالعامية بقولولا الصفيري
الام بعيلتنا لا
الاب وكمان بعيلتنا لأ
ميسون الطفل عم ترضعيه رضاعة طبيعية
الام اي
ميسون من ايمت اجا الحليب عصدرك ..
الام من يومين
اتطلعت ميسون بمؤيد بظن فهمت كيف بتعامل معو
مؤيد طيب كملينا .. شو العلاج
ميسون اول شغلة بدنا نعمل تحليل ډم لحتى نتأكد بعدم وجود صغيري مع انو انا اتأكدت من دون تحاليل ..
مؤيدكيف
ميسون متل ماسمعت انو الام صرلا تقريبا يومين عم ترضع ابنا عصدرا .. مدام ابنك صار فيه الصفار بعد مارضع من صدرك ماهيك
الاماي مظبوط حكيك
ميسون بالنسبة الي هاد شي طبيعي لانو الحليب اول مابيجي بيجي تقيل وعشكل صمغة .. وهي الصمغة بتسبب بتغير لون بشړة الطفل للميول للأصفر .. والعلاج مابظن بدو علاج بعدو صغير
الام طيب شو الحل هلأ
ميسون هلأ رح اكتبلكن على هاد التحليل بتعملوه هون بالمشفى مشان نتأكد انو الطفل سليم وبعد التحاليل بنحكي
الام واذا ماطلع فيه شي ان شاء الله
ميسون اطمني مارح يطلع فيه شي وعمسوؤليتي .. وعالحليب حاولي تعطيه نص جرعة من حليبك ونص جرعة من حليب صناعي .. بس ليرجع لونو .. وهلأ بكتبلك على اسم حليب يواتيه
الام ماشي
ميسون شو رأيك برفسور
مؤيد لسه الي رأي ههههه
كتبت ميسون ع التحاليل والحليب للعيلة وطلعو
ميسون شو كنت رح توصفلن
مؤيد انا من اول ماشفت الطفل بين معي الصفار خفيف .. ومافي شي پخوف وعرفت انو من حليب الام .. طبعا كنت رح اكتبلا ع التحاليل واعطيها حليب مع حليبا ..
دخلت الممرضة بسرعة وقالت دكتور المړيض عمر مدري شو صابو
مؤيد دكتورة ميسون لو سمحتي
ميسون حاضر بروفسور
طلعت مع الممرضة شقد رقم غرفتو
القاهرة
بيان ماشية والكاميرا بأيدا وكل شوي تلتقط صورة .. نفخت ونزلت الكاميرا وشافت كافيه قريب ودخلت عليه .. وقعدت جنب الازاز .. اجا الكرسون بتحبي تطلبي ايه حضرتك
بيان فنجانة قهوة سادة لو سمحت
الكرسون ثواني وبكون عند حضرتك.. نورتي
هزتلو براسا مع ابتسامة
حطت ايدا تحت خدا وشردت بالشي الوحيد يلي شاغلا بالا وتحكي بقلبا ياترى شو عم يعمل هلأ .. معقول زعل مني... اكيد زعل .. وبكون كرهاني قد الدني ... ليش صار هيك .. ليش ياربي .. يارب تجعلو من نصيبي والله عم اشتقلو .. ليش هيك عملت يا بلال .. الله يسامحك
نزلت دموعا وهية شاردة بالشارع
الكرسون القهوة يا انسة
بيان شكرا .. تابعت شرب القهوة وتحس بمرار القهوة طيب .. اول مرة بتحب هاد المرار يمكن لانو المرار يلي بحياتا اكبر بكتير من مرار القهوة .. خلصت القهوة .. وفتحت جزدانا لحتى تدفع ... بس تفاجئت انو مالقتو ..
بيان ياربي وينو انا حطيتو بأيدي ... حطت الشنتة ع الطاولة وبلشت تبحبش وماتلاقي شي ..
بيان يضرب حظي ... يضرب حظي .. شوبدي اعمل هلأ وكمان فيه جواز السفر .. ياربي شوبدي اعمل ... لك وييين راح ... معقول ضيعتو بشي مكان .. لا لا ياربي .. شوبدي اعمل ... اوووف ... زاد بكاها والشنتة مازالت عم تبحبش فيها
حس عليها الكرسون واجا لعندا
الكرسون بتدوري على حاجة
بيان وهية عم تبكي متل الاطفال ضيعت جزدان المصاري ما عم لاقيه
الكرسون علشان القهوة مش مشكلة دي ضيافة المحل
بيان مابصير وكمان فيه جواز سفري اذا ضاع انا خلص ضعت .. ياربي .. ياربي
الكرسون طب روئي ودواري عليه بالراحة
تركت الشنتة بأديها يلي عم ترجف وقالت ماعم لاقيه .. ماعم لاقيه .. كمان كيف بدي ارجع ع الاوتيل مامعي مصاري ادفع للتاكسي ... ليش هيك .. ليش هيك
الكرسون بصي .. اتصلي بالاوتيل يبعتولك عربية بتوصلك للاوتيل
بيان اي والله جبتا
مسكت التلفون وفتحت علوحة الاقارم بس ماكبست على الارقام ..
الكرسون في حاجة
بيان مامعي رقم الاوتيل
الكرسون مالكش اي حدا هنا في القاهر
بيان اي صح .. حكم .. رح اتصل فيه .. عنجد شكرا كتير الك
اتصلت عحكم وهية عم تبكي الو حكم
حكم اهلين بيان .. شوفي وليش هيك صوتك
بيان حكم انا ضيعت جزدان المصاري بترجاك تساعدني .. انا ضعت
حكم خلص روقي قوليلي انتي وين وانا جاي فورا
اتطلعت حوليها وقالت للكرسون نحنا وين
الكرسون ممكن التلفون وانا بدلو
عطتو التلفون ودلو ع المحل
سكر وعطاه لبيان نص ساعة وبكون هنا ان شاء الله
بيان شكرا الك .. عذبتك معي
الكرسون ولايهمك .. اهلا وسهلا بيكي
تركها وطلع
بعد شوي وصل حكم .. دخل ع المحل شاف بيان قاعدة عطاولة وعم تبكي
حكم بيان !!
بيان حكم
قعد مقبالا ومسكلا ايدا وصار يهديها ليش عم تبكي يامجنونة
بيان فجأة حسيت حالي ضعت .. منيح انك هون .. شكرا كتير لانك جيت
حكم شو مچنونة انتي .. معقول تطلبيني ومالبيكي عقلبي احب من العسل
صفنت بحكيو .. وسحبت ايدا وصارت تمسح دموعا
حكم قوليلي شو صاير معك
بيان قعدت اشرب قهوة وجيت لادفع مالقيت المصاري
حكم شغلة فاضية .. هلأ مشان هيك عم تبكي
بيان ما زعلانة ع المصاري هلأ بدق لاخي بحولي مصاري بس مشان جواز السفر مشكلة اذا ضاع
حكم ولايهمك كمان مامشكلة ...وين ضيعتي الجزدان
بيان مابعرف
حكم بتكوني نسيته بالجناح
بيان ان شاء الله يكون هنيك .. من بعد اذنك ياريت تدفع وانا ببقا بحاسبك
حكم شو هالحكي هاد ااه .. بدك تعطيني حق فنجان قهوة .. ياعيب الشوم بس .. انا لو محلك بتاخدي مني
بيان لا
حكم لكن يلا فرديها لنشرب فنجان قهوة معك
بيان
متابعة القراءة
