ازمة_ثقة الجزء_الثالث_عشر بقلم_مريم_اليوسف

يكون هدية .. بليز لاتخجليني
بيان طيب متل مابدك
حكم اي دخيلووو

المسا
دخل بلال ع البيت كان هدوء .. طلع عغرف الولاد .. كانو عم يدرسو
بلال كيفكن بابا
اهلا بابا .. قامو وباسوه
بلال شو وين الماما
مهند كانت بالمطبخ
وعد بابا انت شفتا للماما
بلال لا جيت دغري لهون
صارو يتطلعو ببعض ويضحكو ع السكت
بلال شوفي ليش هيك عم تتطلعو عبعض
مهند بابا ماما طالعة حلوة كتير .. روح شوفا
بلال شو يعني
وعد لما بتشوفا بتعرف
ورجعو على كتبن
طلع بلال وراح ع المطبخ .. كان مبين عليه بس ضهرا ..بس استغرب من لباسا كانت لابسة تفريعة قطنية قصيرة لفوق الفخد ومن فوق ربع كم .. مع انها قطن بس كان شكلها مثير ..ولاحظ على شعرا قصير
بلال سلوى !!
الټفت عليه وقالت بنشافة اهلين .. ايمت جيت .. ورجعت اتطلعت قداما كان قداما طنجرة فيها حليب وعم تحركا
قرب منها ومسكا من دراعا وفتلا لعندو
بلال شو عاملة بحالك
سلوى انت قلتا بحالك .. يعني بحالي .. يعني انا حرة بعمل يلي بدي اياه بلبسي وبشعري
بلال انتي شو ضارب على مخك وليش هيك عم تتصرفي معي
سلوى كيف المفروض اتصرف معك .. ضل قلك شوبدك وشو بتأمر وانت تتنتور فيني ع الطالعة والفايتة.. ومايعجبك العجب .. خلص ايام زمان راحت وانا معد ارجع سلوى القديمة .. يلي فهمتوو انو مابدك اياني ولا بدك اياني قرب منك .. قلت بسعد حالي بحالي بعمل الشي يلي بحبو ويلي بريحني .. تعبت وانا ضل اترضى خواطرك وانت بس شاطر تزبلني وتعاملني برخص .. وهلأ تركلي ايدي هلأ بېحترق الحليب
تركها وهو ساكت .. بعدين حكي انتي مامن راسك بتعملي هيك اكيد في حدا بحياتك
سلوى حاج تشكك فيني ... انا مستحيل اعمل هيك .. اصلا حتى لو عملت هيك بكون من اهمالك الي .. عفكرة انا انسانة وعندي مشاعر ومن حقي دور عحدا يعوضني .. بس انا مابعمل هيك
بلال هي حالات الحب لمين عم تحطيها
سلوى كمان بدك تتدخل بالحالات .. اطمن مانها الك لانو حبك من قلبي راح من زمان وعشان الحالات كل العالم بتحط حالات وماضروري اذا حطينا عن الحب نكون بنحب .. واذا حطينا عن السعادة نكون سعداء
بلال وينو تلفونك
سلوى ليكو ع الطاولة وراك
قرب حملو واجا لعند وقال فتحيه
سلوى ماني فاتحتو
بلال عم قلك فتحيه
سلوى وانا عم قلك ماني فاتحتو .. هية خصوصيات وياريت تحترملي خصوصياتي
بلال فتحيه والله مابصير خير
سحبتو من ايدو حطت بصمتا وعطتو اياه وطفت تحت الحليب وتركت المطبخ وطلعت
سحب الكرسي وقعد يفتش بالتلفون
هية كانت طايرة من الفرحة وطلعت عغرفة الولاد
بعد شوي دخل وعطاها التلفون
سلوى شو لقيت شي 
بلال بدي اتعشى .. قومي حطيلي عشا
قامت وراحت تحضرلو العشا
وهو طلع وراها
قعد ع الطاولة وهية عم تجهزلو العشا وتروح وتجي قدامو وهو عم يراقبا بعيونو وعم يراقب لباسا وقصة شعرا .. كان كلشي فيها حلو
الاكل صار جاهز قدامو
سلوى تفضل وهي العشا جاهز
بلال مابدك تاكلي
سلوى اكلت مع الولاد
بلال بالعادة بتنطريني
سلوة بالعادة !! .. هي العادة بطلتا اذا كنت انطرك وماتجي .. واكتر الايام نام بلا عشا .. مشان هيك بطلتا وصرت اكل مع الولاد .. صحة وهنا
توجهت ناح الباب لحتى تطلع .. بس وقفت والتفتت عليه وقالت انا بكرا طالعة مع رفقاتي
بلال ع وين
سلوىبظن قريت المحادثات وعرفت ع وين
بلال اي
سلوى تصبح على خير .. اي ومشان النومة بعرف انك كنت تدايق من النومة جنبي واكتر الاوقات تنام ع الكنبة .. انا فضيتلك الغرفة فيك تنام ع التخت
بلال وانتي
سلوىرح نام مع وعد بغرفتا
تركتو وطلعت

حكم واقف عباب الجناح الخاص ببيان وعم يروح ويجي ويتطلع ع الساعة.. فجأة انفتح الباب وطلعت بخطوات بطيئة
وهو بلش يتطلع عليها من رجليها لراسا .. كانت لابسة سكربينة لون احمر فاقع والفستان اسود داكن مع لمعة دهبية مع فتحة على الرجل وجاي عقد الجسم ومن عند الكتاف جنب بكم والجنب التاني بدون شي حتى بدون حمالة من جزدان احمر من لون السكربينة والروج على تمها احمر مع مكياج حلو وشعرا منزلتو عكتفا .. واقف مصډوم فيها ومامصدق انها هية يلي واقفة قدامو .. قرب منها ومسكلا ايدا وباسا
حكم يا ارض حفظي ماعليكي... طالعة بتجنني
ابتسمت ابتسامة هادية وقالت شكرا
حكم عنجد ماعم اقدر شيل عيوني عنك شو هالجمال
اتطلعت بحالا وقالت بس حاسستو شوي اوفر
حكم لا لا بالعكس .. بيفلج
بيان بقلبا ياترى لوين بدو يوصل .. وانا شو يلي عم اعملو
حكم ثنى ايدو مشان بيان تدخل ايدا وتشنكلو ومشو
وصلو للسيارة وساعدها لحتى ركبت بالسيارة جنبو ومشو
بيان قلتلك انو لقيت الجزدان
حكم بلله جد
بيان والله
حكم اي مبروك .. قلتلك رح تلاقيه
بيان اي والله ..الله يبارك فيك

سعد واقف تحت بناية مرح وحاسس قلبو شاعل بڼار وضايج ... دقلا وهية ردت
سعد الو ..
مرح هلا سعد
سعد شو صار معك ليش اليوم رحتي وما نطرتيني لحتى خلص تصوير
مرح اااه. بعتذر صار عندي شي طارئ
سعد مامشكلة .. هلأ شو عم تعملي
مرح ولا شي .. ليش
سعد انا واقف تحت البيت البسي خلينا نطلع عشي مكان نتعشى
قامت ع الشباك وشافتو
سعد ههه شو عم تتأكدي .. يلا بسرعة روحي البسي
مرح بس
سعد بس شوو ولو انا ضايج .. يلا خلينا نطلع سوا
مرح خمس دقايق
سعد اوكي

عزة بعد ماخصلت شغل البيت وضبت تيابا طلعت بريق مي وكاسة حطتن عطاولة السفرة برا مشان اذا حدا بدو يشرب بليل وقفلت الباب عحالا وقعدت جنب ابنا يلي نايم ع الارض
طلعت تلفونا وصارت تحكي ميسون واتساب
عزة كيفك
ميسون هلا .. كنت بدي ابعتلك بس كنت ناطرتك لتبعتي
عزة هلأ خلصت شغل
ميسون الله يعطيكي العافية
عزة ويعافيكي يارب
ميسون اي حكيلي شو الوضع
عزة بالبيت في امو واخوه وابوه
ميسون والمغضوب ومرتو 
عزة لا هادك قاعد ببيتو بالبيت يلي كنت ساكنة فيه انا
ميسون وباقي اخواتو
عزة لسه بنتين متزوجين يمكن .. بس بعرفون لانو هنن يلي صارو يضبولي تيابي يوم الي قلعوني فيه .. بكرا بيجو 
ميسون الله لايجيبن .. وكيف المعاملة
عزة لفهد عم يعاملوه منيح .. وانا عم يعاملوني بحقارة ..
ميسون الله لايوفقن
عزة معلش انا مبسوطة بهي المعاملة مشان شعور الاڼتقام يكبر جواتي وما تجيني شي لحظة ضعف واتراجع
ميسون يعني بعدك عند حكيك
عزة والله لزلن متل مازلوني .. لك بدي سففن التراب
ميسون مابتقصري
عزة اي انتي حكيلي كيف دوامك بالمشفى
ميسون حلو كتير .. بس الدكتور يلي عم اشتغل معو غلييييظ .. وفلتان ومابينطاق
عزة دخليك اصلا متلو متل غيرو
ميسون اي والله .
عزة لا تخليه يتمادى معك
ميسون مافشر .. اصلا عم جاقرو ورد عليه كل كلمة بكلمتا
عزة اي هاه .. هيك بدي اياكي
ميسون اي والله
عزة ليكي حبيبتي انا تعبانة وانتي كمان بتكوني تعبانة بكرا بحكيكي
ميسون ماشي .. سلام
عزة سلام
طفت التلفون وحطتو تحت المخدة
__________________
بالمطعم
قاعدين حكم وبيان مقبال بعض وعم يتعشو
حكم شو بتحبي تشربي جنب العشا
بيان ممكن مشروب
حكم مشروب مشروب 
بيان اي .. حابة ضيع شوي بهل العالم .. وبقولو انو بخفف ۏجع القلب
حكم هيك بقولو .. بس انتي شو موجعلك قلبك
بيان