ازمة_ثقة الجزء_الثالث_عشر بقلم_مريم_اليوسف

من امريكا ... تعي لعرفك عليه .. بس ديري بالك منو هاد عقلو عقل غربي .
ميسون شو يعني
هالة ماعندو حدود
ميسون اصلا مين من الرجال هلأ مانو عقلو غربي بس عأهل بيتو بيعمل فيها الرجل الشرقي
هالة اي هاد مطلق يعني ماعندو اهل بيت ههههه
ميسون كمان .. وشو كمان مشان ما اتفاجئ
هالة نسونجي جدا .. وهون كل الممرضات والدكتورات مطبقن ههههه .. بس انا مابقرب علي لاني متزوجة
ميسون اي اشوا اذا بيحترم العلاقات
هالة لا من هي الناحية محترم ههههههه
ميسون ههههههههه.. وهو كمان دكتور اطفال
هالة بروفسور .. بروفسور يابنتي
ميسون يلي هوو .. انو بروفسور في طب الاطفال ههه
هالة اي .. وعليه ضغط فظيع .. ماعندو عيادة خاصة لانو مابيفضى يطلع من المشفى مشان هيك الكل بيعرف انو هو هون بدوام يعني هون عيادتو
ميسون اممم .
هالة بس جد كتير مهضوم .. وروحو مرحة
ميسون اذا ماكان هيك كيف رح يطبق البنات لكن
هالة ههه اي والله معك حق
وصلو ع عيادة مؤيد كانت عبارة عن صالة استقبال وممرضة بتدخل العالم والصالة عم تضج بالاهلي ضلو مكملين ع غرفة مؤيد .. دقو الباب وفاتو
كان مؤيد واقف عم يفحص طفل على السرير .. الټفت عليهن كان لابس نظارات .. صفن بميسون وعيونو لمعو فجأة .. وكأنو حب من اول نظرة
هالة كيفك دكتور
مؤيد اهلا .. اشر ع ميسون وقال ميسون ماهيك
ميسون اي
هالة كيف عرفت
مؤيد ابي هلأ حكاني وقلي في دكتورة جاي لعندي وقلي اسما ميسون .. والله اسم ع مسمى
ميسون وهالة 
كمل فحص الطفل وحكي ابي كان مبسوط كتير منك .. شو حكيتو ياترى
ميسون بثقة اسفة مابقدر قلك 
مؤيد ههههه والله لنكيف

ببيت بلال
سلوى واقفة قدام المراي وعم تلبس وتجهز حالا للطلعة وتتذكر الخطوةالتالتة
فلااااش_بااااك
ميسون الخطوة التالتة بتنزلي ع السوق بتشتري تياب جديدة التياب القديمة كلا نسقيها ... بدنا نبلش حياة جديدة بدك تقوليلو لبلال انا هون بس بدو ماتحكي .. وكتري من تياب البيت بس جيبيهن قصار وكتري من الشورتات .. عفكرة الشورت للمرى كتير حلو .. وطبقي عليهن كنزات حفر .. وقمصان النوم جيبها الوان فاقعة ومغرية .. بس بدك توصيليو فكرة انو انتي عم تعملي هالشي الك مو الو .. وقصة شعرك غيريها .. واذا سألك ليش هيك عاملة .. قوليلو انا عاملتن لحالي وماني طالبة رأيك .. اي صح انتو بتنامو بنفس الغرفة
سلوىمالحتى شوفو .. بس لأ اوقات بيجي بوقت متأخر بنام ع الكنبة .. واذا نام بغرفة النوم بتركو وبطلع بنام عند الولاد
ميسون حلو .. هو هلأ اجباري بدو يضل لازق بالبيت .. انتي لاتنامي معو بنفس الغرفة .. خليه يستوا عملهو .. اي صح ولاتنسي وغير صورة بروفايلك ع الواتس والفيس وصير حطي حالات وستوري حب وماحب بااااااك
خلصت لبس .. مسكت تلفونا وغير الصورة الشخصية وحطت ستوري مقطع فيديو حب

سعد عم يلبش ويجهز حالو ليروح ع الشغل .. رن تلفونو وكانت مرح
سعد اهلا مرح
مرح كيفك سعد
سعد تمام
مرح شو عندك نطلع نفطر
سعد والله عندي تصوير شو رأيك تجي انتي معي ولما بنخلص بنطلع بناكل شي
مرح لا خلص خليها لغير مرة .. مابدي عطلك
سعد لا مابتعطليني .. تعالي وبنتسلى سوا
مرح طيب ماشي قلي وين
سعد رح ابتعلك العنوان بمسج
مرح اوكي ..
سكر التلفون وصفن شوي بأسمها .. طلع من اسمها وراح ع اسم بيان .. ضل صافن فيه شوي .. كان كتير مشتقلا ومشتاق يسمع اسما حتى مشتاق لحروف اسمها لما بتطلع على الشاشة .. ماقدر يمسك حالو وكبس ع الاتصال .. بس طلع خارج نطاق التغطية .. سكرو بخيبة امل وقال ليش عملتي فيني هيك .. ليش .. ياريت ترجعي ياريت .. مستعد سامحك المهم تضلي معي ..
وصلتو رسالة من مرح وين العنوان
بعتلا العنوان وطلع ع موقع التصوير .. وصل ع الموقع وبلشو يجهزوه .. كان اعلان عن ماكينة حلاقة
وقف قدام الكاميرا وبلشو يلتقطولو صور
وصلت مرح واشرتلو بأيدا وهو رد عليها بنفس الاشارة
المخرج بريك شباب
سعد شكرا
تركن وراح لعند مرح
سعد بأبتسامة كيفك مروحة
مرح منيحة كيفك انت
سعد الحمد لله بخير .. متل مانك شايفة
مرح ان شاء الله دووم
سعد ابتسماي قوليلي كيف طالع
مرح انت 
سعد لكن مين 
مرح طالع حلو
سعد بس حلو
مرح انتبهت عجمال سعد وقالت قصدي حلو كتير
سعد كان قصدو انو يبرز حالو وجمالو قدام مرح لانو البنات بينجذبو للشب الحلو
سعد شو تشرب ضيفتنا الحلوة
مرح اي شي
سعد رح شربك شاي .. هو صح انو البنات بتعملو حالكن كيوت وما بتشربو شاي بس انا رح شربك
مرح هههه متل مابدك
طلب شاي وقعدو عجنب يشربو شاي
مرح بصراحة انا فكرت رح تتاثر بالشي يلي عملتو معك بيان وقلت بضل جنبك
كان عم يشرب شاي يتطلع بالارض .. عم يخفي مشاعرو لما بينذكر اسما ..
مرح سعد عم تسمعني
رفع راسو واخد رشفة شاي وقال انتي بنت اصل .. وكمان اكيد اتأثرت .. بس انو كنت مضحكة عندا بخفف من تأثيري وبخلي الحب يزول ويصير بدالو كره ..
مرح يعني مابدك ټنتقم منها
سعد لا .. تسطفل منها لربا .. الا مايجي يوم ويصير فيها متلي .. وكمان انا من النوع يلي بيتطلع لقدام ومابيتلفت لورا وبيان صارت ماضي وما مستاهلة الټفت مشانا .. انا انسان متفائل وببحث عن الاشياء الايجابية يلي حولي واتمسك فيها
مرح متل شو
سعد متلك انتي .. طبطبلا على ايدا وغمزا وقام
هية قاعدة مكانا مصډومة .. بقلبا شو قصدو ... معقول .. لا لا .. اكيد قصدو عني كصديقة .. لك شو عم يصيبني .. لقوم احسن الشي
قامت وراحت وهية مصډومة .. وهو عم يتطلع عليها ويبتسم ابتسامة نصر

بالشركة
بلال قاعد حاطط على ستوري مرتو وعم يتفرج عالمقطع الرومنسي
بلال معقول عم تقصدني الي .. بس هية اخر فترة حاسسا ماعم تطيقني .. انا الشك عم يكبر جواتي .. لازم اعرف شو عم يصير
اندق الباب وفات حيدر
حيدر من دون نفس انا رايح ع المصنع
بلال ماشي .
لف ليطلع
بلال حيدر
حيدر شو
بلال شو صار مع عزة
حيدر رجعت لجوزا ..
تركو ومشي
ابتسم بلال وقال اي بكون احسن

ببيت اهلو لاسامة
ام اسامة عزة.. يا عزة.. وليه تعالي لهون
اجت عزة بسرعة وراسا بالارض نعم خالة
ام اسامة يخلو خلالك .. بتقوليلي ست خدوج
عزة حاضر .. شوبدك ست خدوج
ام اسامة هي البقعة على السجادة شووو .. ليش مانك مقبورة منضفتيها منيح
عزة والله نضفتا ومانضفت
خدوج انقبري نضفيها مرة وتنين وتلاتة عم تفهمي
عزة حاضر .. حاضر .. وغيرو
خدوج هلأ ولاشي .. بتروحي بتنقبري بتنضفيها ولما بتخلصي بتجي لعندي
عزة فهد ابني وينو
خدوج فهد مانو ابنك عم تفهمي .. انتي هون خدامة ..
عزة متل مابدك بس مشان الله قوليلي وينو
خدوج راح مع ابوه وجدو وعمو مشوار وهيام راحت عبيتن يعني مافي غير انا وانتي بالبيت .. ارتحتي
عزة شكرا
خدوج ههههه وبتعرفي بالشكرا يابنت الميتم .. 
تركتا ومشت
رفعت راسا عزة وعيونا عم تقدح شرار 

بالمشفى
واقفة ميسون جنب مؤيد وعم تراقب كيف عم يفصح الولاد
مؤيد شو ميسون