ازمة_ثقة الجزء_الثالث_عشر بقلم_مريم_اليوسف
المحتويات
طيب متل مابدك
حكم كرسون .. لوسمحت
الكرسون اتفضلو
حكن تنين قهوة لو سمحت
الكرسون حاضر
شربو قهوة مع بعض وقامو
ركبو بسيارة حكم ومشو
بيان هلأ اذا مالقيت جواز السفر شو ممكن اعمل
حكم شغلتو فاضية بنروح انا واياكي ع السفارة وبنطالعلك واحد جديد .. بس انا قلبي رح يقلي انك رح تلاقيه
بيانالله يسمع منك
حكم بيان ممكن اطلب منك طلب
بيان اكيد تفضل
حكم قبل ما اطلبو بدي توعديني توافقي عليه
بيان يعني مابقدر .. حسب الطلب
حكملا طلب بسيط
بيان طيب موافقة
حكم بدي نمر انا واياكي ع السوق هلأ ونشتري فستان للسهرة ونطلع نسهر انا واياكي.. ولاتنسي انتي وعدتيني انك تطلعي معي ع السهرة اليوم
بيان وبعدني عند وعدي ..بس مشان الفستان ما الو لزوم انا معي فستان بشنتي
حكم لو سمحتي حابب انا اخترلك تيابك للسهرة
بيان بقلبا شو قصتو هاد ولوين بدو يوصل
حكم شوو
بيان بس انت بتعرف ماني حاملة مصاري
حكم لسه بتقلي ماني حاملة مصاري .. اصلا هاد الفستان رح يكون هدية .. بليز لاتخجليني
بيان طيب متل مابدك
حكم اي دخيلووو
المسا
دخل بلال ع البيت كان هدوء .. طلع عغرف الولاد .. كانو عم يدرسو
بلال كيفكن بابا
اهلا بابا .. قامو وباسوه
بلال شو وين الماما
مهند كانت بالمطبخ
وعد بابا انت شفتا للماما
بلال لا جيت دغري لهون
صارو يتطلعو ببعض ويضحكو ع السكت
بلال شوفي ليش هيك عم تتطلعو عبعض
مهند بابا ماما طالعة حلوة كتير .. روح شوفا
بلال شو يعني
وعد لما بتشوفا بتعرف
ورجعو على كتبن
طلع بلال وراح ع المطبخ .. كان مبين عليه بس ضهرا ..بس استغرب من لباسا
بلال سلوى !!
الټفت عليه وقالت بنشافة اهلين .. ايمت جيت .. ورجعت اتطلعت قداما كان قداما طنجرة فيها حليب وعم تحركا
قرب منها ومسكا من دراعا وفتلا لعندو
بلال شو عاملة بحالك
سلوى انت قلتا بحالك .. يعني بحالي .. يعني انا حرة بعمل يلي بدي اياه بلبسي وبشعري
بلال انتي شو ضارب على مخك وليش هيك عم تتصرفي معي
سلوى كيف المفروض اتصرف معك .. ضل قلك شوبدك وشو بتأمر وانت تتنتور فيني ع الطالعة والفايتة.. ومايعجبك العجب .. خلص ايام زمان راحت وانا معد ارجع سلوى القديمة .. يلي فهمتوو انو مابدك اياني ولا بدك اياني قرب منك .. قلت بسعد حالي بحالي بعمل الشي يلي بحبو ويلي بريحني .. تعبت وانا ضل اترضى خواطرك وانت بس شاطر تزبلني وتعاملني برخص .. وهلأ تركلي ايدي هلأ بېحترق الحليب
تركها وهو ساكت .. بعدين حكي انتي مامن راسك بتعملي هيك اكيد في حدا بحياتك
سلوى حاج تشكك فيني ... انا مستحيل اعمل هيك .. اصلا حتى لو عملت هيك بكون من اهمالك الي .. عفكرة انا انسانة وعندي مشاعر ومن حقي دور عحدا يعوضني .. بس انا مابعمل هيك
بلال هي حالات الحب لمين عم تحطيها
سلوى كمان بدك تتدخل بالحالات .. اطمن مانها الك لانو حبك من قلبي راح من زمان وعشان الحالات كل العالم بتحط حالات وماضروري اذا حطينا عن الحب نكون بنحب .. واذا حطينا عن السعادة نكون سعداء
بلال وينو تلفونك
سلوى ليكو ع الطاولة وراك
قرب حملو واجا لعند وقال فتحيه
سلوى ماني فاتحتو
بلال عم قلك فتحيه
سلوى وانا عم قلك ماني فاتحتو .. هية خصوصيات وياريت تحترملي خصوصياتي
بلال فتحيه والله مابصير خير
سحبتو من ايدو حطت بصمتا وعطتو اياه وطفت تحت الحليب وتركت المطبخ وطلعت
سحب الكرسي وقعد يفتش بالتلفون
هية كانت طايرة من الفرحة وطلعت عغرفة الولاد
بعد شوي دخل وعطاها التلفون
سلوى شو لقيت شي
بلال بدي اتعشى .. قومي حطيلي عشا
قامت وراحت تحضرلو العشا
وهو طلع وراها
قعد ع الطاولة وهية عم تجهزلو العشا وتروح وتجي قدامو وهو عم يراقبا بعيونو وعم يراقب لباسا وقصة شعرا .. كان كلشي فيها حلو
الاكل صار جاهز قدامو
سلوى تفضل وهي العشا جاهز
بلال مابدك تاكلي
سلوى اكلت مع الولاد
بلال بالعادة بتنطريني
سلوة بالعادة !! .. هي العادة بطلتا اذا كنت انطرك وماتجي .. واكتر الايام نام بلا عشا .. مشان هيك بطلتا وصرت اكل مع الولاد .. صحة وهنا
توجهت ناح الباب لحتى تطلع .. بس وقفت والتفتت عليه وقالت انا بكرا طالعة مع رفقاتي
بلال ع وين
سلوىبظن قريت المحادثات وعرفت ع وين
بلال اي
سلوى تصبح على خير .. اي ومشان النومة بعرف انك كنت تدايق من النومة جنبي واكتر الاوقات تنام ع الكنبة .. انا فضيتلك الغرفة فيك تنام ع التخت
بلال وانتي
سلوىرح نام مع وعد بغرفتا
تركتو وطلعت
حكم واقف عباب الجناح الخاص ببيان وعم يروح ويجي ويتطلع ع الساعة.. فجأة انفتح الباب وطلعت بخطوات بطيئة
وهو بلش يتطلع عليها من رجليها لراسا .. كانت لابسة سكربينة لون احمر فاقع والفستان اسود داكن مع لمعة دهبية مع فتحة على الرجل وجاي عقد الجسم ومن عند الكتاف جنب بكم والجنب التاني بدون شي حتى بدون حمالة من جزدان احمر من لون السكربينة والروج على تمها احمر مع مكياج حلو وشعرا منزلتو عكتفا .. واقف مصډوم فيها ومامصدق انها هية يلي واقفة قدامو .. قرب منها ومسكلا ايدا وباسا
حكم يا ارض حفظي ماعليكي... طالعة بتجنني
ابتسمت ابتسامة هادية وقالت شكرا
حكم عنجد ماعم اقدر شيل عيوني عنك شو هالجمال
اتطلعت بحالا وقالت بس حاسستو شوي اوفر
حكم لا لا بالعكس .. بيفلج
بيان بقلبا ياترى لوين بدو يوصل .. وانا شو يلي عم اعملو
حكم ثنى ايدو مشان بيان تدخل ايدا وتشنكلو ومشو
وصلو للسيارة وساعدها لحتى ركبت بالسيارة جنبو ومشو
بيان قلتلك انو لقيت الجزدان
حكم بلله جد
بيان والله
حكم اي مبروك .. قلتلك رح تلاقيه
بيان اي والله ..الله يبارك فيك
سعد واقف تحت بناية مرح وحاسس قلبو شاعل بڼار وضايج ... دقلا وهية ردت
سعد الو ..
مرح هلا سعد
سعد شو صار معك ليش اليوم رحتي وما نطرتيني لحتى خلص تصوير
مرح اااه. بعتذر صار عندي شي طارئ
سعد مامشكلة .. هلأ شو عم تعملي
مرح ولا شي .. ليش
سعد انا واقف تحت البيت البسي خلينا نطلع عشي مكان نتعشى
قامت ع الشباك وشافتو
سعد ههه شو عم تتأكدي .. يلا بسرعة روحي البسي
مرح بس
سعد بس شوو ولو انا ضايج .. يلا
بصباح يوم جديد وبدايات جديدة لكل ابطالنا
بالاوتيل
نازلة بيان وبرقبتا الكاميرا .. وصلت للرسبشن
بيان تفضلي هاد كرت الغرفة وبدي سيارة توصلني
الموظفة بتأمري بحاجة تانية حضرتك
بيان لا
الموظفة خمس دقايق والعربية بتكون مستنياكي برا
بيان اوكي .. شكرا
صوت من وراها عم يندهلا .. التفتت ولا حكم قاعد وعم يشرب قهوة
ابتسمت وراحت لعندو
بيان صباح الخير
حكم صباح النور .. شو طالعة تعملي جولة سياحية
بيان هيك شي
حكم اقعدي نشرب قهوة
بيان صحة شربتا بالجناح .. غير مرة
حكم شكلك بتحبي التصوير
بيان اي كتير .. اصلا هاد شغلي
حكم اااه يعني انتي مصورة
بيان اي وعندي استديو خاص فيني بالشام
حكم اذا هيك لازم نعملك زيارة
بيان يامية اهلا وسهلا بتنور
حكم انا بقول خدي رقمي هون اذا صار معك شي
بيان اوكي .. فتحت جزدانا وطلعت التلفون .. وضل الجزدان مفتوح ومبين بقلبو حرف الجزدان الصغير يلي بتحط فيه الاوراق والمصاري
بجية حكمت من وراها حكم اشرلو ع الجزدان الصغير
حكم سجلي عندك
بيان يلا
بين ماهية عم تسجل
متابعة القراءة
