حكاية_اسيل احلام_مؤجلة الجزء_الثالث والرابع حصريه وجديده
حكاية_اسيل
احلام_مؤجلة
الجزء_الثالث والرابع حصريه وجديده
_وبالفرع عند وسام ..
اللواء أحمد هي تاني بلاغ بيجينا من التجار انو صنايعيتن عم يتعاطو لازم نعرف مين الي عم يبيع بالسوق .
وسام طيب ليش الصنايعية بالذات
اللواء لانو اغلبن ايتام ومالن اهل او فقرا وتاركين المدارس عم ينضحك عليهن بسهولة ..
انت ياوسام من الضباط الكفو عنا لهيك رح سلمك هالمهمة
وسام امرك سيدي ان شالله كون عند حسن ظنك بالاذن .
وضړب تحية وطلع ..
بعد شوي ببيت ابو ركان عالغدا ..
ابو ركان شلون جامعتك يارافي
رافي الحمد لله متل العادة
رفيف اي ماقلنالك رافي بادلنا الغرف وصارو غراضك بخزانتي .
رافي بالله شو يعني تيابي صارو بخزانة قد الفستوكة و لونا زهر كمان
ركان ههههه شايف بالله
رفيف اي لانو غرفتني صغيرة وماعد تسعني انا وأسيل هلأ انت بتنام بغرفتي وركان بنام هون عالكنباية هيك هيك هو اغلب وقتو مسافر ووقت بدو شي من خزانتو بعطيه ياه انا .
رافي اي اذا هيك حكي تاني كرمال عيون اسيل كل شي بهون
اسيل خجلت
ركان اتطلع فيه واختفت ضحكتو
رافي حدا بصحلو آخر هالعمر يصرلو اخت جديدة وبقول لاء
رجع ابتسم ركان بارتياح ..
ابو ركان يلا دايمة انا قايم اتسطح
ركان صحة وهنا بابا
_وبغرفة ابو ركان وام ركان ..
ام ركان يعني رح تخليها تسافر
ابو ركان مافينا نمنعا منضل اغراب عنها
ام ركان كنت حابة اخطبا لواحد من الولاد
ابو ركان بيني وبينك حاسس ركان مهتم لأمرا
ام ركان بكون شفقان عليها مو اكتر كلنا منعرف طبع ركان بعمرو ماجذبتو بنت واهتم لأمرا بس هيي مناسبة لعمر رافي أكتر
ابو ركان خلص خليها تروح لعند امها البنت لساتا صغيرة وبحاجة ام بكير عليها عالجواز وۏجع القلب
ام ركان ماشي أمرك
.. .. ... ... .... ... ... ....
رافي رجعي احفظي هالفقرة مهمة كتير
رفيف يااالله مليييت
رافي أسيل اشطر منك
يلا تعي اسيل لسمعلك ياويلك تخربطي انتي كمان
اسيل لا انا حافظة منيح بس في نص انكليزي بدي تترجملي ياه
رافي اي تكرمي يلا خلصو تسميع جغرافية لنبلش بالانكليزي ..
ركان شو رايكن نروح عالملاهي
رافي ملاااهيي !! لك فحصن بعد أسبوع
ركان اي معلش خليهن يغيرو جو
رفيف اي اي رافي خلينا نروح
ام ركان اي يلا روحو ساعتين زمان وبترجعو بتكملو
رفيف هيييي يلا اسيل تعي نلبس
اسيل انا كمان بدي روح معكن
ركان بقلبو كل المشوار منشانك أصلا .
رافي اي طبعا يلا روحو لبسو بسرعة
راحو عالملاهي ركبو بكل الألعاب رفيف واسيل انبسطو كتير وركان ورافي فرحو على فرحهن ..
بكل لحظة كانو عم يتعلقو ببعضن اكتر واكتر علاقة رفيف واسيل الي كانو اقرب من الاخوات
ورافي واسيل كمان كانو رفقة قراب واخدو وش كتير على بعض
اما ركان كان رسمي شوي معها بسبب بعدو وجياتو القليلة عالبيت
بس ياترى قلبو قبلان بهالرسمية
وعلى هالمنوال مرقو الشهرين وخلص الامتحان وبنفس هاليوم كان راجع ركان من السفر
_طبعا ثائر ماترك مكان مادور عليها فيه بس مااجا ببالو المركز الامتحاني ورافي كان يوصل اسيل ورفيف كل يوم عالمركز ويستناهن لحتى يخلصو ويرجعن بايدو
..
رفيف عم تركد عالباب اجا راكان
نزل طاقيتو وحملا وضما
كانت اسيل واقفة وراها عم تبتسم
نزل رفيف ومد ايدو صافح اسيل كيفك اسيل
اسيل تمام الحمد لله ع السلامة
ركان الله يسلمك جايبلك خبر حلو طلعت الفيزا وصار فيكي تسافري
اسيل فرحت كتير و عانقت رفيف يالله اخيرا رح شوف امي
اجت ام ركان من المطبخ مبروك حبيبتي مبروك مع انو رح نشتقلك .
اسيل هديت شوي من فرحتا انتو بتعرفو اديش
صرلي ماشفت امي من لما اتطلقت
