حكاية_اسيل احلام_مؤجلة الجزء_الثالث والرابع حصريه وجديده

هدول الدهبات بابا اشترالي ياهن والله انا مالي فقيرة بس الله يسامحو بابا حرمني من ورثتو وكتبن كلن لخالتي فريال ..
وسام حس احترق قلبو عليها بس تمالك حالو وكمل حكي نحنا جبناكي منشان تستلمي املاك ابوكي لانو رجعتلك
اسيل عنجد استاذ 
وسام انا ضابط مو استاذ 
اسيل طيب ضابط بس شو منشان خالتي فريال انا مابدي ارجع عالبيت منشان ما تجوزني لثائر
وسام خالتك فريال قلتيلي وانت ليش مابدك تتجوزيه لثائر 
أسيل لك ثائر كبير كتير يعني مابعرف اديش عمرو بس من لما كنت صغيرة وهو بهاد الشكل يعني ماكان صغير وكبر انا كنت صغيرة وهو كبير فهمت عليي 
هو يشتريلي العاب واكلات وانا قلو خالو
وسام عم يتطلع فيها ومستغرب من براءتا يعني انت مابتحبي حدا 
اسيل .....
وسام عالعموم موضوع نقل الاملاك منحلو على رواق هلا في شخص بدو يشوفك رح اتصل فيه منشان يجي
حمل موبايلو وطلع لبرا واسيل حكت بقبلا مين هالشخص ياترا 
وسام كيفك ركان قوم تعا لعندي عالفرع عاوزك بموضوع
ركان صار شي جديد يعني .
وسام للاسف ركان انا طلعت مو قد وعدي الك هلا قوم تعا لفهمك لانو مابينحكى عالتلفون ..
سكر ركان بخيبة امل وقام لبس وراح عالفرع
اول مافات من باب المكتب وشافتو وقفت وقالت ركان !
ركد لعندا بسرعة وضما كان راسا عند قلبو تمام بسبب فرق الطول بيناتن ضل ضامما عدة دقايق وبعدا وحط ايديه على خدودا وحكا وهو عم يلهت انت منيحة أسيل 
اسيل اتلبكت وخجلت من وسام اي منيحة
وقت لاحظ خجلا قعد عالكرسي مقابيلا وسند كواعو على ركبو وهيي قعدت
ركان بحماس مبروك قال رجعلك حقك
اسيل اي هلا خبرني الاستاذ وسام
ركان حاول يخبي ضحكتو
وسام قلتلك انا ضابط مو استاذ
رفعت ايدا وحكت بطريقة طفولية مو عاجبك الاستاذ الي علم الضابط
ركان ضحك ووسام تفاجأ وبعدا ضحك من قلبو ..
ركان اتطلع بوسام شفت 
وسام ابتسم شفت
قصدو شفت ليش حبيتا 
ركان رجع اتطلع باسيل باهتمام اسيل ليش تركتي بيت امك 
اسيل بخجل لانو جوز امي.. سكتت ووطت راسا 
وسام والله لو كان بالبلد لالعنلك شرفو بس الله رحمو من بين ايديي .
ركان قرب عليكي اسيل 
اسيل لا لا والله بس انا فهمت من نظراتو وتلميحاتو لهيك هربت واساسا انا ماكنت مرتاحة
وسام برابو عليكي بس لازم تطمني امك لانو مشغول بالا كتير
اسيل انت بتعرف ماما 
ركان لكن هاد وسام بيخلالو بلد ههه يلا هلأ قومي معي عالبيت منشان ترتاحي
اسيل انا كنت بدي استأجر بيت واشتغل وعيش لحالي
ركان 
وسام ع فكرة رفيف ناطرتك
استغربت انو ليش وسام عم يحكي عن رفيف
ركان بالمناسبة وسام رفيق عمري بكون جوز رفيف
اسيل عنجد رفيف تجوزت
ركان ورافي كمان
اسيل وانت ليش ماتجوزت !
ركان بدنا نضل عم نحكي هون يلا قومي وعالطريق بقلك ليش ماتجوزت .. باي وسام
وسام باي ههههههه
يتبع