حكاية_اسيل احلام_مؤجلة الجزء_الثالث والرابع حصريه وجديده

يلا سلام .
.....
عند لميس كانت عم تبكي وتفرك ايديها وواقفة عالشباك برن تلفونا وقت بتشوف وسام عم يتصل فيها عالفيس من حسابو وحاطت صورتو ببدلتو العسكرية بتفتح الخط فورا
وسام مرحبا مدام معك الضابط وسام الحسن من قسم مكافحة المخډرات
لميس مكافحة المخډرات !!!!!
وقعت قلبي احكي بسرعة بترجاك بنتي أسيل فيها شي 
وسام ليش بنتك موعندك !
لميس هربت اليوم بالليل
وسام شوو ! كيف هيك يعني ماكانت مرتاحة عندك او في مشاكل 
لميس لا ابدا مافي اي مشاكل بس مابعرف شو صار معها الله يصلحا فقنا مالقيناها واخدة كل شي الها غراض .. بس عدم المؤاخذة سيادتك ليش عم تسأل عنها !
وسام كنت بدي خبرا انو املاك ابوها رجعولا
لميس عنجد 
وسام ببقى بحكيلك التفاصيل مدام بس هلأ عندي شوية اجراءات لازم كملا وكمان لازم نعرف وين اسيل
لميس ماشي ماشي الله يرضى عليك ويخليك لأهلك
وسام هي اسمي عالفيس صار عندك هلا ببعتلك طلب اذا اجت او صار اي شي بتخبريني
لميس ماشي ابني الله معك
وسام مدام لميس
لميس نعم
وسام مبروك ظهرت براءتك
لميس عفوا 
..
بعد شوي بيجي لعندو ركان عالفرع
ركان يارب دخيلك شو صاير معا حتى هربت
وسام طول بالك مارح يهنالي عيش لحتى لاقيها
ورفع صوتو يامساعد اكرم
مساعد اكرم احترامي
وسام عم يكتب على ورقة رح اعطيك هالاسم بتروح بتحطو عالحدود وبالمطار
مساعد اكرم علم سيدي بس يعني هي البنت مطلوبة 
ركان رفع راسو نقز من الكلمة
وسام مطلوبة لقلب هالشب واشر على ركان 
بيضحكو تلاتتن وبيطلع اكرم وبيحكي ركان يعني احتمال ترجع عالبلد 
وسام مو احتمال انا متأكد متل مو شايفك قدامي بماانها مابتعرف حدا بتركيا ولا بتعرف لغة وكانت واعية اخدت جوازا ودهبا معناتا ناوية عالسفر وشغلة يومين بالكتير بتكون هون ان شالله
ركان ان شالله ..
.......
أسيل فاقت راحت باعت قطعة دهب وفطرت وبعدا راحت على مكتب حجوزات حجزت عالشام بس الحجز كان بعد ٢٤ ساعة لهيك اضطرت تبات هالليلة بفندق ..
فاتت عالغرفة اخدت دوش وتمددت عالتخت وتحكي مع حالا ياااه اديش صرلي مااخدت راحتي هيك بالحمام .
ابتسمت الله يذكرو بالخير رافي ع دروس الانكليزي الي كان يعطيني ياها كان يقلي لا تكتفي بالمنهاج وحفظني جمل وكلمات كتير كلا استفدت منها اليوم .
يالله شو اشتقت اشرب قهوة مع ركان الصبح كانت قهوتو غير طعمة
ياريت لو اقدر رجع يوم واحد بس معو يمكن كنت اعترفتلو اني معجبة فيه بدون ما اخجل
اشتقت لرفيف الي كانتلي اخت بالوقت الي اخواتي مااعترفو فيني ولا رحبو فيني بيناتن ..
اشتقت لخالة ام ركان وعمو ابو ركان ياالله مااغباني كيف تركت هالامان كلو ورحت عيش ببيت سمير الۏسخ ..
يلا هلأ بروح بشوفن بس بالاول لازم لاقي بيت وشغل منشان ردلن المصاري الي حطولي ياهن كمان ..
ضلت تفكر لحتى غفيت وفاقت تاني يوم اخدت تاكسي وراحت عالمطار واول مانزلت من الطيارة اخدوها رجال الامن لعند وسام ..
..
بفوت وسام على مكتبو بكل هيبتو وطولو الشاهق بلاقيها قاعدة عالكرسي عم تلعب باصابعا من الخۏف بقول بقلبو لكن هي اسيل الي دوبت قلب ركان وشغلت بالو والله مالك قليل ياركان .
بيفيق من شرودو لما بتحكي
اسيل ليش جبتوني لهون انا مالي عاملة شي
وسام كيف مالك عاملة والي سرقتيه قبل ماتسافري 
اسيل دمعو عيونا انا والله ماسرقت شي
وسام سړقتي شي غالي كتير ومابيتعوض
كان بدو يقلا انو سړقتي قلب ركان بس هيي فتحت شنتتا وطالعت الباقي معا من الدهبات
اسيل بعيون دامعة