حكاية_اسيل احلام_مؤجلة الجزء_الثالث والرابع حصريه وجديده

من بابا كان عمري وقتا اربع سنين
ام ركان ياروحي يلا هلا بتشوفيها وبتنامي بحضنا وبتشبعو من بعض بس لا تنسي انو الك ام وعيلة كمان هون
اسيل بعمري مابنساكن ولا بنسى الي عملتوه معي
ركان عم بتطلع فيها حس انو بلش العد العكسي ومابقا يشوفا كل مارجع عالبيت ..
وبالفعل جهزت حالا للسفر وودعت رفيف واهلا وبكيو كتير وراحت مع ركان
..
ركان يلا روحي مع المضيفة منشان تدلك على مقعدك وانا رايح لمكاني كمان
اسيل ركان خاېفة هي اول مرة بركب طيارة
ركان لا تخافي خدي هدول السماعات حطيهن بادنك وسمعي اغاني من تلفوني ماشي 
قعدت اسيل بمقعدا وصارت تقلب بالاغاني لحتى اعتمدت على غنية وضلت تسمعا طول الطريق ..
آه على قلب هواه محكم
فاض الجوى منه فظلما يكتم
ويحي أنا بحت لها بسره
أشكو لها قلبا بنارها مغرم
ولمحت من عينيها ڼاري وحړقتي
قالت على قلبي هواها محرم
كانت حياتي فلما بانت بنأيها
صار الردى آه علي أرحم
كل القصايد من حلا عينيكي من دفا إيديكي كتبتن وقلتن
هودي القصايد مش حكي يا روحي هو بكي القصايد هو لكي كلن
هودي الأغاني غرامي سنين هودي دموع ونغم وحنين
هودي ايامي معك قلبي اللي بيوجعك
أنا لو لا الهوى أنا مين
كل القصايد من حلا عينيكي من دفى يديكي كتبتن وقلتن 
.
انتهت الرحلة ونزل من الطيارة راكد بس مالحق اسيل شافا من ضهرا ماشية مع امها الي كانت حاطة ايدا على كتفا
اجت المضيفة من ورا كابتن الصبية تركتلك الموبايل معي تفضل
اخد الموبايل وحط السماعات كانت الغنية لساتا شغالة لمحت من عينيها ڼاري وحړقتي قالت على قلبي هواها محرم 
نزلو دموعو مسح وشو بايدو ومشي
اما عند اسيل وامها ..
لميس عم تبكي تقبريني شو كبرانة وحليانة احلى من الصور بكتير
اسيل كمان عم تبكي اشتقتلك امي اشتقتلك كتير بترجاكي لا بقا تبعدي عني انا بحاجتك
لميس اي ياروحي مابقا بعد عنك يلا خلينا ناخد تاكسي ونروح عالبيت ..
وبالبيت ..
سمير أهلين ببنت الغالية
اسيل اهلين فيك عمو
لميس هي عمك سمير واخواتك هلأ بس يجو من المدرسة بتتعرفي عليهن هني بيحكو تركي بس بيفهمو عربي مع الوقت بتتعودي عليهن ان شالله
اسيل ان شالله بس عمو سمير انت صغير انا فكرتك اكبر من هيك
سمير اي شو مفكرة انا اصغر من امك عمري ٣٤
اسيل ههه العمر كلو
لميس كلن اربع سنين بدك تهدني فيهن
سمير عم امزح ولوو ماعم هدك ولا شي بس عم قلا لاسيل اديش عمري ..
لميس يلا حبيبتي هلأ ارتاحي لبين مايجو اخواتك ونتغدى وضبي تيابك بهي الخزانة جابا عمك خصوصي الك
اسيل شكرا عمو
سمير تكرم عينك وعين امك شو كم لميس عندي انا .
بعد الڤضيحة الي دبرتا فريال للميس كان سمير ابن عمها هو الوحيد الي مو مصدق ومتاكد من براءتا لهيك قرر يتجوزا ويتركو البلد هاد الحكي من ١٤ سنة كان عمر اسيل وقتا ٤ سنين ..
رغم انو سمير اصغر من لميس باربع سنين بس حبو بعض وجابو اربع ولاد وحياتن كانت سعيدة نوعا ما لليوم الي اجت فيه اسيل بس ياترى رح تضل علاقتن هيك .. خلينا نشوف ..
أسيل بقلبا اه ياربي ليش هيك مخڼوقة هالبيت كتير صغير ومو مريح نفسيا
حطت ايدا على رقبتا يي وين السنسال ياربي هاد كتير بحبو وين ممكن يروح !
..
بعد ٣ ايام رجع ركان عالبيت كانو أمو ورفيف عاملين مناحة وهو حس حالو مخڼوق وراح ليشوف وسام ..
..
وسام اهلين كابتن شلونك .
ركان منييح ماشي الحال
وسام لاا وضعك مابطمن