رواية مكتوبه على إسمي الجزء الثاني الحلقه الثالثه عشر بقلم الكاتبه ملك إبراهيم حصريه وجديده

رواية مكتوبه على إسمي الجزء الثاني الحلقه الثالثه عشر بقلم الكاتبه ملك إبراهيم حصريه وجديده 
عامر قرب منها اكتر وهو بيبص لها وقال يعني عايزة تقولي انك نسيتيني خلاص
آيات اتوترت اكتر من قربه ووشها احمر وعامر ابتسم لانه اتأكد انه لسه بيأثر في آيات ومشاعرها اتجاهه متغيرتش.
بعدت عنه خطوتين للخلف وقالت بتوتر لو سمحت متقربش مني كده.. لازم يبقى في حدود بينا لاننا دلوقتي اغراب.
عامر ابتسم وهز راسه وقال تمام زي ما تحبي يا باشمهندسه آيات.
آيات بصتله پغضب وقالت الا احبه انك تبعد عني وعن شغلي..انا فاهمه كويس انت بتعمل كل ده ليه!! عايز توقع شركتنا عشان تثبت لنفسك اني فاشله وافضل محتاجالك طول العمر!!
رد عليها بهدوء انتي شايفه كده
آيات بصت له پغضب وقالت هي دي الحقيقه مهما حاولت تخفيها..بس اللي في دماغك ده مش هيحصل يا باشمهندس عامر.. عارف ليه لأن آيات البنت الصغيرة اللي انت اتجوزتها وهي لسه بالضفاير وسبتها خمس سنين ومشيت وهي زي الهبله كانت قاعده مستنياك ترجع كبرت.. كبرت خلاص ومبقتش تستناك تاني.. وهشتغل وهنجح وشركتي اللي انت عايز توقعها دي هتكون اكبر من شركتك وده وعد مني.
عامر كان بيبصلها اوي وهي بتتكلم ونظراته ليها مكانتش مفهومه لكن اللي كان واضح في عيونه قد ايه هو بيحبها ومشتاق لها.
آيات بصت له پغضب وخرجت من أوضة المكتب اول لما خلصت كلامها وهو سند على طرف مكتبه وهو بيبتسم.
آيات خرجت باندفاع وقربت من هاجر وبيسان وخرجوا التلاته مع بعض من الشركة.
شريف وامجد دخلوا مكتب عامر عشان يعرفوا ايه اللي حصل ولقوا عامر ساند على طرف مكتبه وبيبص قدامه بشرود وبيبتسم.
شريف اتكلم معاه بغيظ تعرف انا كنت مضايق منك بس بعد اللي آيات عملته فيك دلوقتي انا ڼاري هديت شويه وخدتلي حقي.
اتكلم امجد مع عامر بفضول هو ايه اللي حصل صوت آيات كان عالي ليه كده
رد شريف علي امجد لازم يبقى صوتها عالي.. مش شايف الباشمهندس خسر شركتها قد ايه
عامر بص لهم بطرف عينيه وقال بزمتكم انتوا مش مكسوفين من نفسكم وانتوا اتنين مهندسين قد الدنيا وكنتوا هتسلموهم مشروع زي ده لشركتهم تنفذو!!
شريف وامجد بصوا لبعض بدهشة وعامر هز راسه بقلة حيلة وقال المشروع ده تبع مين
رد امجد تبع اياد المغربي.
عامر بصلهم وقال واياد المغربي ده معروف عنه ايه
شريف وامجد بصوا لبعض پصدمة لان اياد المغربي معروف ان سمعته مش كويسه ابدا وخصوصا في علاقاته النسائيه.. 
عامر كمل كلامه وقال وموقع المشروع اللي في اخر الدنيا دا غير طبعا سمعته اللي زي الزفت.. ولو كانوا استلموا المشروع ده كان التعامل بينهم وبين اياد هيكون مباشر وسفرهم كل يوم للموقع عشان يتابعوا الشغل وطبعا مش محتاجين أكمل وأقول ايه المضايقات اللي