رواية مكتوبه على إسمي الجزء الثاني الحلقه الثالثه عشر بقلم الكاتبه ملك إبراهيم حصريه وجديده
بتفكري فيه يا امي! الناس وكلام الناس! مش تفكري في خطيبها إللي ملوش ذنب في حاجة والهانم عايزة تحاسبه علي حاجة ملوش علاقة بيها!
هاجر قعدت قدامهم وقالت بتوتر يا ابيه امجد انا عارفه ان شريف ملوش ذنب وانا اتسرعت في كلامي بس بصراحة إللي عامر عمله معانا ده سخيف جدا وميصحش.
رد امجد پغضب عامر عمل شغله يا هاجر وانتي لازم تتعودي من دلوقتي انك تفصلي بين حياتك الشخصيه والعمليه وعلاقتك ب شريف لازم تفصليها عن شغلك ومش أي مشكله تقابلكم في الشغل تحاسبي شريف عليها وتهدديه بالطريقه السخيفه اللي عملتيها دي!! لازم تقدري ان خطيبك راجل محترم ومهندس كبير له اسمه ومينفعش تحرجيه قدامنا زي ما عملتي النهاردة.
اتكلمت والدته پغضب وليه تشتغل اصلا هي مش محتاجة شغل! وبعدين انا من الاول كنت رافضه شغلها ده.
اتكلمت هاجر بضيق ليه يا ماما.. انا نفسي افهم ايه اللي يضايقك ان انا اشتغل مع بيسان وآيات وهما اقرب اصحاب ليا ومرتاحه جدا في الشغل معاهم.
والدتها انتفضت بعصبيه لما سمعت اسم بيسان وقالت والله بكره تتجوزي وميبقاش عندك وقت غير ل بيتك وجوزك وڠصب عنك هتبعدي عنهم بدل ما يخربوا حياتك زي ما خربوا حياتهم.
هاجر وامجد بصوا لوالدتهم پصدمة بسبب قسۏة كلامها عن بيسان وآيات واتحركت والدتهم على غرفتها وامجد قام وقف وقال ل هاجر متستغليش حب شريف ليكي بالطريقة دي يا هاجر وقدري ان هو بيحبك.. نصيحه بلاش تخسريه.
هاجر خفضت وشها بخجل واخوها طلع علي غرفته وهي قعدت تفكر ازاي تصالح شريف وكانت ندمانه فعلا علي اللي عملته.
رواية مكتوبة على إسمي بقلمي ملك إبراهيم.
صباح اليوم التالي.
آيات راحت الجامعة وكان عندها المحاضرة الأولى ل دكتور مالك اللي من اول ما دخل وعينيه كانت عليها ومركز معاها بطريقة ملفته وآيات بدأت تحس بتوتر من نظراته وخصوصا بعد كلام بيسان معاها إمبارح عن غيرة عامر من دكتور مالك.
فجأة جتلها رساله على تليفونها واول لما بصت علي التليفون شافت رقم مالك هو مرسل الرساله.
اتوترت اكتر وبصت علي تليفونها پصدمة وبصت ل مالك اللي كان واقف طبيعي جدا وبيشرح.
فتحت الرساله وايديها كانت بترتجف ودقات قلبها بتزيد.
"حمدلله على السلامه نورتي مكانك"
آيات اول لما قرأت الرساله اتوترت اكتر وقفلت تليفونها بسرعه وزميلتها اللي قاعده جمبها حست بتوترها وسألتها آيات انتي كويسه
هزت راسها بتوتر وبصت على مالك شافته بيبتسم وكمل شرح وهي قاعدة طول المحاضره متوتره وخاېفه من اللي بيحصل.
بعد انتهاء المحاضره آيات قامت بسرعه عشان تخرج او بمعني اصح تهرب من الكلام معاه لكن رساله منه وصلت ل تليفونها وقفتها.
"آيات ياريت تيجي مكتبي عايز اتكلم معاكي في موضوع مهم"... بقلمي ملك إبراهيم.
.... يتبع
ياترى مالك عايز يتكلم مع آيات في ايه معقول
هيطلب ايديها احنا ظلمنا عامر يا جماعة هو سحب المشروع منهم عشان يحميهم بس الاميرات بتوعنا هيروحوا برجليهم ل أياد المغربي متنسوش تفاعل جامد علي البارت ولايك بعد القراءة متنسوش
